[Անհավանական] Մեխիկոյում հայտնաբերվել է հազարավոր գանգերից պատրաստված աշտարակ

[Անհավանական] Մեխիկոյում հայտնաբերվել է հազարավոր գանգերից պատրաստված աշտարակ

Ացտեկները զոհաբերվածների գանգերով աշտարակ էին կառուցել` ցուցադրելու իրենց իշխանությունն ու հզորությունը

Մեխիկոյում աշխատող հնագետները ոչ մի կասկած չունեն` հայտնաբերել են մարդկանց գանգերից պատրաստված, մոտ 200մ տրամաչափով պատմական Հուեյ Ծոմպանթլի աշտարակի մի մասը: Այն քաղաքի գլխավոր բերդի` Templo Mayor-ի ծայրին է, իսկ բերդը կառուցվել է ացտեկների արևի, պատերազմի և մարդկային զոհաբերությունների աստծո պատվին:

Lorena Vazquez, an archaeologist from the National Institute of Anthropology and History (INAH), works at a site where more than 650 skulls caked in lime and thousands of fragments were found in the cylindrical edifice near Templo Mayor.
Հենրի Ռոմերո, Ռոյթերս

Գանգերով աշտարակի գոյության մասին դեռ հայտնի իսպանացի կոնկեստադոր Հերնան Կորտեսի ժամանակից տեղեկություններ կային: Դրանք փոխանցել էր նրա զինվորներից Անդրես դե Տապիան, որն ուղեկցում էր Կորտեսին 1521-ի արշավանքի ժամանակ: Դե Տապիան գրավոր վկայություններ է թողել, ըստ որոնց աշտարակը կառուցվել է հազարավոր գանգերից, որոնք իրար են միացվել կրաքարի շաղախով:

Հիմա այն հայտնաբերած հնագետների մոտ ացտեկների կենցաղի վերաբերյալ իրականում ավելի շատ հարցեր են առաջացել: Պեղումներին մասնակցող կենսաբան-հնագետ Ռոդրիգո Բոլոնոսի խոսքով, այժմ ինչ-որ նոր բան է բացահայտվում, որի մասին նախկինում ոչ ոք ոչինչ չգիտեր և չէր կարող իմանալ:


Կարդացեք նաև․


Երկու տարի առաջ Մարդաբանության և պատմության ազգային ինստիտուտի հետազոտողները պեղումներ սկսեցին Մեխիկոյի Սուրբ Աստվածամոր համբարձման մայր տաճարում, որն այժմ ացտեկների գլխավոր աստծուն նվիրված բերդի տեղում է: Նրանց բացահայտումը ացտեկների արարողությունների և կենցաղի վերաբերյալ բացառիկ արժեքավոր է: Գանգերի նման դարակները և մարդկային զոհաբերությունները տարածված էին Կենտրոնական Ամերիկայի ազգերի մշակույթներում: Գանգերից կառուցված այս աշտարակն ամենամեծերից մեկն է համարվում:

Ացտեկները զոհաբերվածների գանգերով աշտարակ էին կառուցել` ցուցադրելու իրենց իշխանությունն ու հզորությունը: Այլ մշակույթներում, ինչպես Մայաների կամ Տոլտեկների մոտ, նման սովորույթ չկար: Նրանք նման շինություններ էին կառուցում թշնամիների գանգերից: Հնագետները չէին սպասում, որ Հուեյ Ծոմպանթլիում կանանց և երեխաների գանգեր կգտնեն, որովհետև հայտնի է, որ ացտեկները զոհաբերում էին առողջ և երիտասարդ տղամարդկանց: Հնագետներն արդեն 650 գանգ են պեղել, դրանցից շատերը կրաքարով են ծածկված, որով իրար են միացված:

THE ATLANTIC 

Գրել կարծիք