Ինչո՞ւ ենք սխալ որոշումներ կայացնում և ինչպե՞ս կառավարել պրոցեսը

Ինչո՞ւ ենք սխալ որոշումներ կայացնում և ինչպե՞ս կառավարել պրոցեսը

Հոգեբանները պարզել են, թե ինչու են մարդիկ հակված իրենց տեսակետը պաշտպանել, թեկուզ սխալ, և վերջում սխալ ընտրություն կատարել: Խնդիրն այն է, որ մարդը կանխակալ վերաբերմունք ունի ստացվող ինֆորմացիայի վերաբերյալ և այն վերարտադրում է իր ուզածով:

Պատկերացրեք, որ որոշել եք նոր բան անել, օրինակ՝ յոգայի պարապմունքի մասնակցել: Անհանգստանում եք, որ գուցե չկարողանաք ամեն ինչ անել այնպես, ինչպես մյուսները: Դուք տեղավորվում եք հեռու անկյունում, որպեսզի աննկատ մնաք: Ցանկացած ասված բառ ու շշուկ Ձեզ եք վերագրում: Համոզված եք, որ մյուսները ծաղրում են Ձեր անփորձ լինելը: Ի վերջո, խոստանում եք, որ էլ երբեք չեք վերադառնա այդտեղ:

Սա հաստատում է, որ մարդը փնտրում է ցանկացած մանրուք, որպեսզի ապացուցի իր տեսակետը, բարդույթներն ու վախերը: Այդպիսի տրամադրվածությամբ նա, հաստատ, կգտնի բոլոր ապացույցները՝ առանց կասկածելու, որ մյուսները զբաղված են իրենց գործով, ու ոչ ոք իր վրա ուշադրություն չի էլ դարձնում: Հոգեբանները սա կկոչեին կանխակալ համոզմունք:

Ինչո՞ւ է մարդուն բնորոշ կանխակալ համոզմունքը

Խնդիրն այն է, որ մենք չենք սիրում սխալվել: Այդպիսին է մարդը: Սխալվել՝ նշանակում է, որ մենք բավականաչափ խելացի չենք: Այդ իսկ պատճառով փնտրում ենք այն, ինչը կապացուցի մեր ճշմարտացիությունը:


Կարդացեք նաև.


Ինչպե՞ս շտկել իրավիճակը

Ավելի հետաքրքրասեր եղեք, քիչ՝ կասկածամիտ: Երբ մարդու հետ զրույցի եք բռնվում, որպեսզի ամեն գնով ապացուցեք Ձեր տեսակետը, Դուք կանխակալ համոզմունք ունեք:

Դպրոցականների երկու խումբ մասնակցել է հետազոտության: Առաջին խմբի մասնակիցները սխալվելու վախից միշտ խուսափել են բարդություններից: Երկրորդ խմբի մասնակիցները, հակառակը, էնտուզիազմով են մոտեցել ցանկացած բարդ խնդրի՝ այն ընդունելով որպես նոր բան սովորելու շանս: Նրանք չեն վախեցել սխալվել: Արդյունքում երկրորդ խմբի մասնակիցներն ավելի շատ հաջողություն են գրանցել, քան առաջին խմբի դպրոցականները:

Մի փորձեք ապացուցել, որ ճիշտ եք, պարզապես ուսումնասիրեք աշխարհը և դա ընդունեք՝ որպես անգին փորձ: Սխալվեք, որպեսզի նոր բաներ իմանաք:

Իմացեք և ընդունեք դիմացինի տեսակետը

Սա կօգնի խմբագրել Ձեր մոտեցումը տվյալ իրավիճակին: Մենք կարող ենք փոխել նույնիսկ մեր ամենախորին համոզմունքները՝ մեզ շրջապատելով մարդկանցով, որոնց տեսակետն արմատապես տարբեր է մերինից:

LIFEHACKER

Գրել կարծիք