Չվախենաս ամուսնանալուց կամ հակառակը՝ չամուսնանալուց. տատիկի նամակը թոռնուհուն

Չվախենաս ամուսնանալուց կամ հակառակը՝ չամուսնանալուց. տատիկի նամակը թոռնուհուն

Կյանքի մեծ փորձ ունեցող այս տատիկի՝  թոռնուհուն ուղղված նամակը օգտակար կլինի բոլոր  աղջիկների համար: Նամակում տատիկը  զանազան խրատներ է տալիս, թե ինչպես նա պետք է իրեն դրսևորի կյանքում՝  կարևորագույն որոշումներ կայացնելիս:

Սիրելիս, այս նամակը ես  կարող էի քո մայրիկին գրել դեռ 25 տարի առաջ, բայց այն ժամանակ ես 25 տարեկան էի, և միայն կենցաղային հարցերի մասին էի մտածում՝ ինչպե՞ս կերակրել ընտանիքիս անդամներին, ինչպե՞ս հասցնել դստերս տանել մաքուր օդի և հասնել համալսարան: Մայրիկդ գիշերները չէր քնում, անվերջ լաց էր լինում, իսկ  պապիկդ գիշերային հերթափոխով էր աշխատում և չէր կարողանում ինձ օգնել: Հիմա ես 50 տարեկան եմ, կյանքի մեծ փորձ եմ ձեռք բերել, ինչն ուզում եմ փոխանցել քեզ: Ես չեմ պնդում, որ ամեն ինչ գիտեմ կյանքի մասին, բայց վերջ ի վերջո, ես քո տատիկն եմ և ցանկանում եմ, որ դու երջանիկ լինես: Իմ խորհուրդներն ու խրատները  քեզ չեն խանգարի:

ՉՎԱԽԵՆԱ՛Ս  ԸՆԿՆԵԼՈՒՑ

Հեծանիվ , չմուշկներ քշիր ու մի՛ վախեցիր ընկնելուց: Կցավի, բայց դու դրա շնորհիվ կդառնաս արագաշարժ և վեր կկենաս այն ժամանակ, երբ լաց լինես:

ՉՎԱԽԵՆԱ՛Ս  ԱՐՏԱՀԱՅՏԵԼ ԿԱՐԾԻՔԴ

Դու պարտավոր չես լռել, երբ ինչ-որ բան քո սրտով չէ կամ դու համաձայն չես ինչ-որ բանի հետ: Մի թաքցրու կարծիքդ ո՛չ հանուն ընկերության կամ  ո՛չ հանուն սիրո: Եթե քեզ չեն լսում, կամ պահանջում են, որ դու լինես լոյալ, ուրեմն  գրողի ծոցն ուղարկի այդպիսի սերն ու ընկերությունը:

ՉԱՄԱՉԵ՛Ս ՆԵՐՈՂՈՒԹՅՈՒՆ ԽՆԴՐԵԼՈՒՑ

Միայն ուժեղ աղջիկներն են ունակ ընդունել սեփական սխալներն ու ներողություն խնդրել, իսկ ես շատ եմ ուզում, որ դու մեծանաս հենց այդպիսին: Դժվար է ասել.«Ների՛ր, ես սխալվել եմ: Ինչպե՞ս շտկել իրավիճակը», բայց պետք է սովորել դա, ու դու այդ ժամանակ ոչ ոք քեզ չի հաղթի:

ՉՎԱԽԵՆԱ՛Ս  ՎԱՏ  ԳՆԱՀԱՏԱԿԱՆ ՍՏԱՆԱԼՈՒՑ

Երկուսն այդքան էլ վատ գնահատական չէ: Այն ցույց է տալիս քո թույլ կողմերը: Դու կիմանաս, թե հատկապես ինչի վրա պետք է աշխատել: Ցածր գնահատականը չի նշանակում, որ դու հիմար ես: Այն ուղղակի գործողության մոտիվացիա է:

ՉՎԱԽԵՆԱ՛Ս  ՀԱՅՏՆԻ ՉԼԻՆԵԼՈՒՑ

Մինչև բոլոր հայտնիները տարբեր խնջույքների կմասնակցեն կամ ժամերով կմնան համացացում ու լուսանկարներ կտեղադրեն, դու լավ կրակել, ձիավարել , երգել ու պարել կսովորես: 18 տարեկանում այդ հայտնիները դեռ համակարգչի առջև նստած կմնան, իսկ դու հնարավոր է աշխարհով մեկ ման գաս:  

ՉՎԱԽԵՆԱ՛Ս  ՏԱՐՕՐԻՆԱԿ ԼԻՆԵԼՈՒՑ

Քո տատիկն էլ չի վախենում:

ՉՎԱԽԵՆԱ՛Ս  ՍԻՐԱՀԱՐՎԵԼՈՒՑ

Միևնույնն է, դա մի օր պատահելու է քեզ հետ, հակառակը, ուրախացի՛ր, որ մեծացել ես:

ՉՎԱԽԵՆԱ՛Ս  ԱՌԱՋԻՆ ՀԱՄԲՈՒՅՐԻՑ

Հավատա՛ տատիկիդ, դա հրաշալի է: Մի վախեցիր, բոլոր կանայք հրաշալի համբուրվում են, դա մեր արյան մեջ է:

ՉՎԱԽԵՆԱ՛Ս  ԱՄՈՒՍՆԱՆԱԼՈՒՑ ԿԱՄ ՀԱԿԱՌԱԿԸ՝ ՉԱՄՈՒՍԱՆԱՆԱԼՈՒՑ

Երբ մեծանաս, ոչ ոքի չի հետաքրքրելու՝  քո մատին ամուսնական մատանի կա՞, թե՞ ոչ: Բայց եթե դու որոշես, որ ամուսնական կյանքը քեզ համար է, աշխատիր գտնել քո կեսին, և այդ ժամանակ ամեն ինչ կստացվի: Նույնիսկ ամենուր թափթված զուգագուլպաները հունից չեն հանի, փոխարենը կլինի մեկը, ով կմերսի երեկոյան կամ շանը ման տվող կլինի:

ՉՎԱԽԵՆԱ՛Ս  ԾՆՆԴԱԲԵՐԵԼՈՒՑ

Չեմ խաբի, շատ ցավոտ է, բայց դա ամենահրաշալի բանն է, որ կարող է պատահել յուրաքանչյուր կնոջ կյանքում:

ՉՎԱԽԵՆԱ՛Ս  ԱՄՈՒՍՆԱԼՈՒԾՎԵԼՈՒՑ

Կյանքում ամեն ինչ պատահում է, կարևորը  չընկճվես ու չփակվես: Ամուսնալուծությունը կյանքի  վերջ չէ, այն ինչ-որ բանի սկիզբ է, ու ամենայն հավանականությամբ՝ հետաքրքիր սկիզբ:

ՉՎԱԽԵՆԱ՛Ս  ՄԵՆԱԿՈՒԹՅՈՒՆԻՑ

Երբեմն մենակ մնալը նույնիսկ օգտակար է, նույնիսկ կարելի է վայելել,  բայց այն չպետք է երկար տևի, ես մեր ընտանիքը լավ գիտեմ:

ՉՎԱԽԵՆԱ՛Ս  ԱՐՏԱՍՍՎԵԼՈՒՑ

Արցունքներն ուժեղացնում են: Ես ուժեղ եմ, և անում եմ այն, ինչ ուզում եմ: Կուզեմ՝ լաց կլինեմ, կուզեմ ՝ կծիծաղեմ, կուզեմ՝ զուգագուլպաներս կշպրտեմ տնով;

ՉՎԱԽԵՆԱ՛Ս  ՆՈՐ ԲԱՆ ՓՈՐՁԵԼՈՒՑ

Մի մտածիր տարիքի ու այն մասին, թե ինչ կասեն մարդիկ: Կյանքից վերցրու ամենալավը, և կարևոր չէ, թե որքան անհեթեթ է քո ցանկությունը:

ՉՎԱԽԵՆԱ՛Ս  ԾԵՐԱՆԱԼՈՒՑ

Տարիքի հետ դու ավելի շատ բան կգնահատես կյանքն ու ավելի շատ կսիրես հարազատներիդ: Հետո էլ հնարավոր է դու նամակ գրես թո թոռնիկներին:

ՉՎԱԽԵՆԱ՛Ս  ՀԱՐԱԶԱՏՆԵՐԻԴ ԿԱՐՑՆԵԼՈՒՑ

Ես երկար եմ մտածել՝ արժե՞ արդյոք գրել սա, բայց կորուստներն անխուսափելի են: Հարազատները հեռանում են, բայց սերը չի անհետանում:

Ես սիրում եմ քեզ

Քո՝ Տատիկ

Գրել կարծիք