Պարզվել է այն մայր ու աղջկա իրական պատմությունը, ովքեր օգնություն էին խնդրում վարչապետից

Պարզվել է այն մայր ու աղջկա իրական պատմությունը, ովքեր օգնություն էին խնդրում վարչապետից

newmag-ը գրել էր վարչապետի 5 խոստումների մասին, որոնք Կարեն Կարապետյանը խոստացել էր, բայց դեռ չի կատարել: Դրանցից մեկը Գեղարքունիքի մարզից անտուն կնոջ և աղջկա դիմումն էր:

Ի՞ՆՉ ԷԻՆ ՈՒԶՈՒՄ

Ամեն ինչ թալանել են, հետապնդում են ոստիկանները, տուն չունեն, մնացել են փողոցում`  սա ասելով տարեց կինն ու նրա աղջիկը անցած տարի հոկտեմբերին կանգնեցրին Կարեն Կարապետյանին, մինչև վերջինս կհասցներ մեքենա նստել հայ-ռուսական գործակցությանը նվիրված ֆորումից հետո:

Ի՞ՆՉ ԱՐՎԵՑ

Վարչապետը լսեց բողոքող քաղաքացիներին, խոստացավ օգնել, լուծել բնակարանի հարցը: Գեղարքունիքի մարզպետին կառավարության ղեկավարը հանձնարարել էր ուսումնասիրել ընտանիքի սոցիալական խնդիրները և անհրաժեշտ օգնություն տրամարդրել:

Ի՞ՆՉ ՊԱՐԶՎԵՑ

Սվետան և նրա դուստրն իրականում ունեն բնակարան: Այդ բնակարանը մինչև այժմ էլ կա և գրանցված է հենց նրանց անունով: Մայր ու դուստր հաշվառված են  Գավառ քաղաքի Ազատության 25/41 հասցեում: Մուրացկանության և այլ պատճառներով արդեն երկու տարի նրանք այդ բնակարանում չեն ապրում:

Ի՞ՆՉ ԷՐ ԵՂԵԼ

Երկու անձից բաղկացած Սվետա Դավթյանի ընտանիքը հաշվառված է եղել ընտանիքների անապահովության գնահատման համակարգում: Մինչև 2015- մարտ ամիսը ներառյալ ստացել է ընտանեկան նպաստ, բայց  մարտին չեն ներկայացել հերթական փաստագրման, քանի որ բացակայել են քաղաքից: Նույն պատճառով դադարեցվել է նաև նրա կենսաթոշակի վճարումը: Մեկ տարի չեն ստացել կենսաթոշակը:


5 խոստում վարչապետից, որոնք Կարեն Կարապետյանը խոստացել է կյանքի կոչել այս տարի


ՀԻՄԱ ՈՎՔԵ՞Ր ԵՆ «ԱՆՏՈՒՆ» ԿԱՆԱՅՔ

Սվետա  Դավթյանը 38 տարեկան է, 2-րդ խմբի հաշմանդամ է: Գրանցված է Գավառի Բժշկական կենտրոնում «Շիզոֆրենիա պարանոիդ ձև» ախտորոշումով: 2015-ի նոյեմբերի 2-ին դուրս է եկել «Գավառի պոլիկլինիկայի» հաշվառումից: Այժմ հաշվառված է «Արմենին» Բժշկական Կենտրոնում:

ՀՆԱՐԱՎՈ՞Ր է ՕԳՆԵԼ

Շիզոֆրենիայով տառապող Սվետային ու նրա դստերը հնարավոր չէ օգնել, այն պարզ պատճառով, որ նրանք անընդհատ տեղափոխվում են: Նրանք ունեն տուն, Սվետային հասնում է և ընտանեկան նպաստ և թոշակ: Սակայն դրա համար անհրաժեշտ է, որ նա ներկայանա որևէ սոցիալական ծառայության կենտրոն:

Գրել կարծիք