Սահակաշվլին զրկվել է ուկրաինական քաղաքացիությունից. այլ անձնագիր նա չունի

Սահակաշվլին զրկվել է ուկրաինական քաղաքացիությունից. այլ անձնագիր նա չունի

Վրաստանի նախկին նախագահը մնացել է առանց անձնագրի: Ուկրաինան նույնպես նրան զրկել է քաղաքացիությունից: Դա հաստատել է ուկրաինական միգրացիոն ծառայությունը:

Վրաստանի նախկին նախագահ և Օդեսայի շրջանի նախկին մարզպետ Միխայիլ Սահակաշվիլին զրկվել է ուկրաինական քաղաքացիությունից: Այդ մասին տեղեկատվությունն, ինչպես հաղորդում է ТСН-ը, հաստատել են Ուկրաինայի պետական միգրացիոն ծառայությունում: Գերատեսչությունում որպես քաղաքացիությունից զրկվելու պատճառ նշել են այն, որ Սահակաշվիլին քաղաքացիություն ստանալիս անկետայում կեղծ տվյալներ է նշել:

Մասնավորապես 2015թ-ին Սահակաշվիլին անկետայում նշել է, որ նա Ուկրաինայում և դրա տարածքից դուրս քննության տակ չէ, սակայն հայտնի է, որ Վրաստանի տարածքում Սահակաշվիլին հեռակա կալանավորված է:

Այս փաստը հաստատել է Սահակաշվիլիի համախոհ, Վրաստանի գլխավոր դատախազի և Ուկրաինայի գլխավոր դատախազի նախկին տեղակալ Դավիթ Սակվարելիձեն:

 


«Ակնհայտ է, որ Ուկրաինան հերթական «Յանուկովիչ» է ստացել, պարզապես սա անգլախոս է: Բոլորի համար արդեն վաղուց պարզ է, որ այսպես այլևս չի կարող շարունակվել. Ուկրաինան ապրելու և որպես պետություն իրեն պահպանելու ճիգեր է գործադրում: Մարդը, որը բոլորից բարձր էր այդ մասին խոսում, այսօր առանց ուկրաինական քաղաքացիության և Ուկրաինա մուտ գործելու իրավունքի է մնացել: Սակայն դա ոչ մի կերպ մեզ չի կանգնեցնի՝ Միխայիլ Սահակաշվիլիի Նոր ուժերի շարժմանը: Ընդհակառակը, ես վստահ եմ, որ դա կմոտեցնի Պյոտր Պորոշենկոյի ռեժիմի ավարտը», – Ֆեյսբուքում գրել է Սակվարելիձեն:

«Միխայիլ Սահակաշվիլիին ուկրաինական քաղաքացիությունից զրկելն ամենահիմար բանն է, ինչ կարելի էր մտածել, թուլության նշան, որը պատիվ չի անում Ուկրաինայի նախագահին: Դրանից մեկ էլ ավելի մեծ հիմարություն էր Յուլյա Տիմոշենկոյին Վիկտոր Յանուկովիչի ժամանակ նստեցնելը», – Ֆեյսբուքում գրել է Գերագույն Ռադայի պատգամավոր, Ժողովրդավարական դաշինք կուսակցության անդամ Մուստաֆա Նայեմը:

ПОРОШЕНКО БЕЖИТ ВПЕРЕДИ МИРОВЫХ ДИКТАТОРОВ: ЗАБРАЛ ГРАЖДАНСТВО У СААКАШВИЛИ И ЗАПРЕТИЛ ЕМУ ВЪЕЗД В УКРАИНУ. НУ И ПЕРЕПУГ…

Posted by David Sakvarelidze on Wednesday, July 26, 2017

«Միխայիլի հետ կարելի է չհամաձայնել, նրան կարող ես չհավանել, սակայն ընդհանուր առմամբ Սահակաշվիլին քաղաքակրթական բարիկադների այս կողմում են: Եվ ի վերջո, երկու նախագահների վեճից կշահի ով ասես, բայց ոչ Ուկրաինան», – նշել է Նայեմը:

Գրել կարծիք