Նոր սպանդ՝ հին բանավեճ. Ամերիկայում կրկին քննարկում են զենքի ազատ վաճառքի խնդիրը

Նոր սպանդ՝ հին բանավեճ. Ամերիկայում կրկին քննարկում են զենքի ազատ վաճառքի խնդիրը

Տեխասի Սազերլենդ Սփրինգս քաղաքում տեղի ունեցած սպանդը կրկին ակտիվացրել է զենքի ազատ վաճառքի հարցը Միացյալ Նահանգներում:

 Յուրաքանչյուր նման ողբերգությունից  հետո խնդիրը կրկին ողողում է ամերիկյան մեդիադաշտը: Այս անգամ, սակայն, փաստարկներն էլ ավելի հակասական են: 26-ամյա նախկին զինվորական Դևին Պատրիկ Քելլիի իրականացրած ոճրագործությունը խլել է 26 մարդու կյանք: Զոհվել է 5-ամյա մի երեխա, եկեղեցու սպասավորի 14-ամյա դուստրը, հղի կին: Պատճառների մասին ոչինչ հայտնի չէ, ինչպես և անցած ամիս Լաս Վեգասում տեղի ունեցած նմանատիպ, բայց էլ ավելի արյունոտ կոտորածի դեպքում:

Երկու դեպքում էլ հանցագործները ահաբեկչական որևէ կառույցի հետ երբևէ կապ չեն ունեցել, Տեխասի դեպքում՝ սպանդի հեղինակն ընդհանրապես զինվորական է եղել: Նրան ռազմական տրիբունալը պատժել էր կնոջն ու երեխային ծեծելու համար: 3 տարի առաջ Դևին Քելլիին ընդհանրապես հեռացրել էին ամերիկյան բանակից:


Կարդացեք նաև.


Գրեթե ամեն ամիս ամերիկան շոկի ենթարկող ու որևէ բացատրություն չունեցող զանգվածային կոտորածները զենքի ազատ վաճառքի հարցը կրկին բերում են օրակարգ:  Այս անգամ, սակայն, կոտորածին հաջորդած իրադարձությունները ուժեղ փաստարկ են տալիս զենքի վաճառքի կողմնակիցներին: Հանցագործին հետապնդել են տեխասցիներ, որոնք այդ պահին իրենց մեքենաներով հայտնվել են եկեղեցու մոտակայքում: Նրանք հասկացել են, թե ինչ է կատարվում ու սկսել են հետապնդել հանցագործին, խախտել են երթևեկության կանոները ու իրենց իսկ սեփական հրազենով կրակ բացել մարդասպաի ուղղությամբ: Արդյունքում, սպանդի հեղինակը սպանվել է: Ոստիկանությունը ժամանել է միայն դրանից հետո:

Օրենքի տեսակետից տեխասցիների իրագործածը խնդրահարույց է, բայց, եթե նրանք չհետապնդեին հանցագործին ու չկրակեին նրա ուղղությամբ, գուցե կոտորածները շարունակվեին: Մարդասպանի մեքենայում իրավապահները հայտնաբերել են մեծ քանակությամբ հրազեն: Ոստիկանությունը ենթադրում է, որ նա շտապում էր մեկ այլ վայր նոր սպանդ իրագործելու:

Գրել կարծիք