Հայաստանի բրենդային համայնքը՝ օրիգինալ և էքսկլյուզիվ. Ենոքավանը դառնում է զբոսաշրջության կենտրոն

Հայաստանի բրենդային համայնքը՝ օրիգինալ և էքսկլյուզիվ. Ենոքավանը դառնում է զբոսաշրջության կենտրոն

Մինչև 2025 թվականը Ենոքավան այցելող զբոսաշրջիկների ցուցանիշը կհնգապատկվի՝ դառնալով ավելի քան 250 հազար

Ինչպե՞ս անել, որ Տավուշի մարզի Ենոքավան համայնքը դառնա ռեգիոնալ նշանակության արկածային, նաև էկոզբոսաշրջության կենտրոն։ Ավելին, Ենոքավան համայնքային զարգացման ծրագրով նախատեսվում է մինչև 2025 թվականը Ենոքավան այցելող զբոսաշրջիկների ցուցանիշը հնգապատկել՝ հյուրընկալելով ավելի քան 250 հազար զբոսաշրջիկ։ Կարելի է ասել, ծրագրի հեղինակներն անելու են ամեն ինչ համայնքի զարգացման հեռանկարն մոտ ապագայում ավելի տեսանելի և իրականանալի դարձնելու համար։

Եվ այսպես՝ նոր բիզնես նախագծերի շրջանակում հյուրանոցային նոր մասնաշենք կկառուցվի։ Մինչև 2020 թվականը  մոտ 3 մլրդ. դրամի չափով ներդրում կիրականացվի։ Ենոքավանում և հարակից համայնքների բնակիչների համար 60 աշխատատեղ կստեղծվի։

Կընդլայնվի նաև արկածային զբոսաշրջային ծառայությունների շրջանակը։ Այս ծրագրի իրականացման համար առաջիկա երեք տարիների համար նախատեսվում է 1.5 մլրդ. դրամի ներդրում կատարել։ 30-50 աշխատատեղ էլ բիզնեսի այս հատվածում կստեղծվի։

Այս ծրագրերի կյանքի կոչման արդյունքում տարեց տարի կավելանա եկամուտների չափը։ Օրինակ, եթե այն 2017-ին 1մլն. դոլար է, 2025-ին կհասցվի 12.7 մլն. դոլարի։

Հյուրանոցների տեղերի քանակի ավելացում ևս նախատեսվում է՝ 105-ից հասցնել 715-ի, սա 2025-ին արդեն։

Ենոքավան համայնքային ծրագրի արդյունքում բնակչության աճ է արձանագրվելու։ Համեմատության համար’ 1992-ին համայնքում 480 մարդ էր բնակվում, հիմա այն 612-ի է հասել։

Ենոքավանն ունենալու է սեփական բրենդը՝ կներկայացնի արկածային և էկոտուրիզմի մասը։ Բրենդը կօգտագորժվի էկոլոգիապես մաքուր գյուղմթերքների և համայնքներում այլ ապրանքների մակնշման համար։

Ենոքավանի զարգացման ծրագրի իրականացման համար հարկավոր է կառուցել նոր ջրագիծ՝ 10 կմ երկարությամբ՝ 50 մլն դրամ գումար կպահանջվի։

*Ենոքավան. Փոքրիկ գյուղի մեծ թռիչքը (ՖՈՏՈՇԱՐՔ)

Մինչև այսօր ոչ բարվոք վիճակում է մայրուղուց համայնք բերող ճանապարհահատվածը։ Սրա համար էլ մոտ 330 մլն դրամ կհատկացվի։

Անհրաժեշտ է ասֆալտապատել Ենոքավան համայնքից դեպի զբոսաշրջային կենտրոն տանող 3 կմ ճանապարհը, բարեկարգել դաշտամիջյան մոտ 30 կմ երկարությամբ ճանապարհը։ Զբոսաշրջիկների հոսքի մեծացմանը զուգահեռ մեծանալու է նաև աղբի ծավալը։ Պետք է կազմակերպվի կանոնավոր աղբահանություն համայնքի տարածքից, ինչն այսօր այսօր խնդիր է։

Ենոքավանը չեմպիոն համայնքների ցուցակում է։ Չեմպիոնի ապագա ծրագրերի իրականացմանն աջակցում է ԱՄՆ ՄԶԳ-ն հայաստանյան գրասենյակը, ՓՄԶ զարգացման հիմնադրամ կենտրոնը։ Վերջին աջակցության շնորհիվ Ենոքավանը ունեցավ նոր զբոսաշրջային տեղեկատվական կենտրոն։ Այն համայնք եկող յուրաքանչյուր զբոսաշրջիկի կտեղեկացնի թե ինչպես էֆֆեկտիվ կարելի է հանգիստն անցկացնել համայնքում և թե որն է համայնքի ամենալավ հյուրանոցային ճաշացանկի մենյուն։

 

Գրել կարծիք