Համոզելու փոխարեն` փոխել գնորդի նախասիրությունը

Համոզելու փոխարեն` փոխել գնորդի նախասիրությունը

Ի՞նչ է պետք անել` գնորդին գրավելու համար և արդյո՞ք հաճախորդի պահանջմունքները փոխելը շատ բարդ է:

Առևտրային շատ ընկերություններ կարծում են, թե  հաճախորդի պահանջմունքները փոխելը շատ բարդ է: Մարքեթինգային ու գովազդային գործակալությունները հաճախորդներին գրավելու համար պետք է որդեգրեն հետևյալ ոսկե կանոնները`

  1. Ինքներդ ձեր ուշադրությունը հրավիրեք ձեր իսկ բիզնեսի վրա:
  2. Ինֆորմացիա հավաքեք ձեր առաջարկած ապրանքանու մասին:
  3. Հաճախորդին ներկայացրեք ապրանքի հնարավորությունները կամ պարզապես կապեք հաճելի զգացողությունների հետ:

Այսպիսով` այս կետերին հետևելը մարդուն հակում է գնումներ անել: Սա հնարավորություն է տալիս փոխել պոտեցնիալ գնորդի նախասիրությունն ու պահանջը: Հենց գնորդը համոզվի, որ ապրանքի որակը լավն է, առանց վարանելու կգնի այն: Իսկ մեկ անգամ գնելով` հետագայում էլ կանի նույն գնումը: Այս գործելաոճը կաշխատի այնքան ժամանակ, քանի դեռ վաճառողն իր ապրանքը ներկայացնում է յուրովի: Եվ, իհարկե, այս ամենից առաջ պետք է մտածել սեփական պահվածքի մասին: Հե՞շտ է ինքներդ ձեզ փոխելը:

Ասենք` ժամը մեկ ստուգում եք ձեր էլեկտրոնային փոստը: Հենց նորությունների պատը հուշում է նոր նամակի մասին, առանց վայրկյան կորցնելու բացում եք բրաուզերն ու նորից ստուգում փոստը: Այսպես է անգամ գիրք կարդալիս: Բավական է բռնացնեք ձեզ այն մտքի վրա, որ  անընդհատ փոստը ստուգելով ժամանակ եք վատնում, կփոխեք ձեր պահվածքը:

Girls-Shopping

Որպես բիզնեսմեն՝ կարող եք մտածել, որ պրոբլեմատիկ հաճախորդի հետ գործ ունենալը դժվար է: Սա կարծրատիպ է, որից ձերբազատվելը դժվար է:

Քննարկենք դեպքեր, որոնք կօգնեն կոտրել այդ կարծրատիպը:

1. Նպատակ ընտրեք: Մարքեթոլոգների համար պետք է ավելի կարևոր լինի ապրանքը փորձել տալը, քան այն ներկայացնելը:

2. Նախագծեք օրը: Օրինակ` շատերը կարծում են, որ առավել էֆեկտիվ է աշխատել առավոտյան: Այդուհանդերձ աշխատավայր հասնելով` առաջինը բացում ենք էլեկտրոնային փոստը կամ սոցցանցն ու պրոդուկտիվ առաջին ժամերն անցկացնում նամակներին պատասխանելով: Հետևաբար պետք է օրը սկսել այնպես, որ գոնե մի քանի առավել կարևոր նամակների պատասխանեք, մյուսները կսպասեն:

3. Պատրաստ եղեք հարձակումների: Հին սովորությունները հաճախ աննկատ են մնում ու անսպասելի գլուխ բարձրացնում: Ձեր հաճախորդներին հետ պահեք տհաճ սովորություններից, որպեսզի նրանք չմտնեն տնտեսական բաժին ու լվացքի փոշի կամ էլ մանկական տակդիր գնեն, թեև տանը ունեն:

4. Սովորեք վերահսկել Ձեր միջավայրը: Ստեղծեք պայմաններ, որպեսզի կրկնվեն ոչ թե վատ, այլ լավ սովորությունները: Եթե դուք խուսափում են միանգամից մի քանի գործ անել, հարկ է նաև հրաժարվել սոցցանցերում հաղորդագրություններ գրելուց: Փոստից օգտվեք այն ժամանակ, երբ ինքներդ կցանկանաք:

5. Օգնություն խնդրեք ուրիշներից: Օգնության առաջարկն ընդունելն ամոթ չէ: Ձեր թիմը համալրեք նոր ուժերով:

Մարքեթոլոգների ու դիզայներների միջև պետք է առողջ գործակցություն լինի: Փաթեթավորումը պետք է լինի այնպիսին, որ օգտագործողը առանց ժամանակ կորցնելու որոշի գնում կատարել: Բիզնեսում պետք է ներդնել դրական տատանումի սանդղակ: Այս միջոցը հաճախ կիրառում են Weight Watchers-ն  ու Alcoholics Anonymous-ը: Օրինակ` ֆիթնես սրահը կարող է իր այցելուներին առաջարկել անհատական մարզիչների ծառայություն` որոշակի զեղչերով: Այսպիսով` կենտրոնը հաճախորդի մոտ ձևավորում է մշտապես մարզվելու ցանկություն և կախվածություն, սրահն էլ ձեռք է բերում մշտական այցելու:

Այս գործոններից ոչ մեկը  հենց այնպես չի կարող գործել:  Որքան էլ հաճախորդը հետաքրքրված լինի ձեր ապրանքով կամ ծառայությունով, առանց սպասարկման հետաքրքիր մոտեցման դժվար կլինի նրան գրավելը:

Գնորդի վրա ազդելու մեկանգամյա փորձը հազիվ թե հաջողություն բերի ձեր բիզնեսին: Հաջողությունը կգա այն ժամանակ միայն, երբ կկարողանաք ճիշտ նպատակ դնել, սպասարկման մեխանիզմ մշակել, հարմարվել միջավայրում ու օգնություն ստանալ ուրիշներից: Այդ ժամանակ վստահաբար կկարողանաք ազդել հաճախորդի վրա և նրան կաջակցեք այնքան, որքան ինքներդ ձեզ:

Գրել կարծիք