[ Exclusive in Armenia ] #70. Սերժ Թանկյան. Էկլեկտիկ ռոքի քաղաքական պոեզիան

[ Exclusive in Armenia ] #70. Սերժ Թանկյան. Էկլեկտիկ ռոքի քաղաքական պոեզիան

newmag-ը միջազգային գործընկերների և համաշխարհային ֆոտոգործակալությունների հետ կնքած պայմանագրով և հեղինակային իրավունքով ներկայացնում է Սերժ Թանկյանին` բացառիկ ֆոտոշարքով:

Երբեք, ոչ մի պարագայում, նույնիսկ ատրճանակի փողը քունքին, նրա երաժշտությունը nu metal չկոչեք: Սերժը դրանից շատ է տխրում, հետո կարող է կատաղել: Ու հետևանքն էլ պատկերացրե՛ք՝ SOAD-ի «գժական» շոուները հիշելով: Թանկյանն ու առհասարակ «System»-ի տղերքը nu metal չեն եղել ու չեն լինի, քանի որ Թանկյանի երգերում չափից դուրս շատ միտք ու գաղափար կա: Ի՞նչ է անում Թանկյանը դրանցով: Ոչ մի արտասովոր բան: Նա ուղղակի կապիտալ անցնում է մեր ուղեղների վրայով, փորփրում ծալքերը: Ընդ որում այնպես հիմնովին, որ ձմռանը այնտեղ կարող են ծաղիկներ աճել: Դիվահար SOAD-ի մորուքավոր ֆրոնթմենը վերջին տասնամյակի ծանր երաժշտության դասականն է համարվում աշխարհում:

70-for-print-465

8 տարեկան էր, երբ ընտանիքը Լիբանանից տեղափոխվեց ԱՄՆ՝ Լոս Անջելես: Թանկյանը ընդունվեց Ռոուզ և Ալեքս Փիլիպոսների անվան հայկական դպրոց: Կիթառի հետ ծանոթությունը այդ ժամանակ էլ կայացավ: 4 տարի նաև երգեցողության դասերի է հաճախել: Հենց դպրոցական նստարանին են ծնվել Առաջին «թանկյանիզմները»: Բայց միջնակարգն ավարտելուց հետո ավելի եկամտաբեր գործ նախընտրեց, քան երգեցողությունն է:quote-1

Սերժը մարքեթոլոգ է: Շուկայագիտության շնորհիվ արդյունավետ կառավարում է իր հիմնած ծրագրային ապահովման «Ultimate Solutions» ընկերությունը: Կիթառին ու գրիչին վերադարձավ 1994-ին: Տարոն Մալաքյանի հետ ծանոթությունը պատահական էր: Երկուսով խումբ հիմնեցին: «Soil»-ը շուտով կազմալուծվեց: 1998-ին հենց «Soil»-ի հիմքի վրա ձևավորվեց «System of a Down»-ը: Բենդի անվանումը Տարոնի գրած «Victims of a Down» պոեմի վերնագրից ծնվեց:

quote-2

Սերժ Թանկյանը սիրում է Նոր Զելանդիան: Այնքան, որ ժամանակին տենդագին ցանկանում էր այդ երկրում հողատարածք գնել՝ ստուդիա կառուցելու համար: Բայց Նոր Զելանդիայի իշխանությունն այդ ներդրման մեջ նորզելանդացիների կյանքի բարելավմանը նպաստող ոչ մի բան չտեսավ ու մերժեց Թանկյանին: Տարիներ անց` 2007-ին, Սերժը Նոր Զելանդիայում տուն գնեց:

70-for-print-463

Ձայնագրման ստուդիան կառուցեց Կալիֆոռնիայում: «Serjical Strike Records»-ը «Columbia Records»-ի դուստր ձեռնարկությունն է: Այս ապրանքանիշի գլխավոր առանձահատկությունն այն է, որ սատարում է մեյնսթրիմից դուրս ստեղծագործող արտիստներին: «Serjical Strike Records»-ը ձայնագրում և պրոպագանդում է «Fair to Midland», «Bad Acid Trip», «Kittens for Christian», «Slow Motion Reign», «Buckethead» խմբերին:

quote-3Սերժը երդվյալ բուսակեր է: Մայր բնության պաշտպանության թեման նաև նրա երգերում ու հոլովակներում է: Նրա բնապահպանական ակտիվությունից հատկապես «սթափվել է» KFC-ն. 2009-ի հուլիսին Թանկյանի նախաձեռնած ստորագրահավաք-բողոք-պահանջը վերաբերում էր հավերին սպանելու մեթոդները փոխելուն:


#67. Ահա, թե ինչպես և ինչի գնով Լեոն ստացավ Օսկար


Մարիհուանայից դժվարությամբ հրաժարվեց: Ժամանակին նույնիսկ կողմ էր դրա օրինականացմանը: 2008-ից փորձում է չհիշել այդ վատ սովորույթի մասին: Նախընտրում է համեստ փոխադրամիջոց` ոչ մոդայիկ մինիվեն SUV: Պաշտում է «Black Sabath», «Metallica», «Korn», «Slayer», բայց ճանապարհին նրա մեքենայում դասական է հնչում՝ հիմնականում սաունդթրեքային երաժշտություն:

quote-4

Նրա բանաստեղծությունների առաջին ժողովածուն՝ «Սառը այգիները» («Cool Gardens»), 2002-ին հրատարակեց «MTV Books»-ը: Նկարազարդումն արել է լոսանջելեսցի հայտնի նկարիչ Սաքո Շահինյանը: Թանկյանի ռոքային պոեզիայի երկրորդ պոռթկումը 2011-ին էր: «Փայլատակում մոռացության միջոցով» («Glaring Through Oblivion»). Թանկյանի երկրորդ գիրքն է: Այս անգամ իլյուստրացիան նա վստահել է ռեժիսոր Ռոջեր Կուպելյանին:

70-for-print-462

Սերժ Թանկյանը վերջին տարիներին ապրում է արվեստի մի նոր աշխարհում: Սերժը նկարում է, հիմնականում՝ աբստրակտ ոճով: 2013-ին կայացավ SOAD-ի նախկին վոկալիստի կտավների «Disarming Time Musical Painting» ցուցադրությունը: Դրանից հետո պարբերաբար նրա կտավները ցուցադրվում են ԱՄՆ ու Նոր Զելանդիայի առաջատար գալերեաներում:

quote-5

Թանկյանի գեղարվեստական ժառանգությունն այս պահին 40-ից ավելի կտավներ են ու մի քանի քանդակագործական աշխատանքներ: Դրանք վաճառվում են աուկցիոններում ու հայտնվում մասնավոր հավաքածուներում: Գումարն էլ տրամադրվում է բարեգործությանը: Թանկյանն իր ամեն կտավի համար ստեղծում է համապատասխան երաժշտություն: Գեղանկարը նա երաժշտության հետ սինթեզել է ժամանակակից տեխնոլոգիաների միջոցով: Սերժի ֆինանսավորմամբ ու մտահղացմամբ ստեղծվել է «Eye for Sound» հավելվածը:

quote-6

Ջղաձիգ վոկալի ու սյուրռեալիստիկ տեքստի վարպետը հմտանում է նաև ֆիլմերի սաունդթրեքներ ստեղծելու գործում: SOAD-ի ֆրոնթմենն իր առաջին սաունդթրեքային փորձը արեց անցած տարի: Գրեց հոգեհարազատ թեմայով.Հայոց ցեղասպանության մասին «1915» ֆիլմի մեղեդին նրան էր վստահված: «Չես փախչի անցյալից» մեսիջով Թանկյանի կոմպոզիտորական աշխատանքը միաժամանակ ազգային է, տարաշխարհիկ ու այժմեական: Նույնանուն սաունդթրեքային ալբոմը թողարկվել է ապրիլին՝ ցեղասպանության 101-րդ տարելիցին: Թանկյանի ստեղծած երաժշտությունն է հնչում նաև Ջիվան Ավետիսյանի՝ Արցախյան ազատամարտի մասին պատմողշ «Վերջին բնակիչը» ֆիլմում:


#68 Տղերքը. քառօրյա պատերազմի օրագիր (ՖՈՏՈՎԱՎԵՐԱԳՐՈՒԹՅՈՒՆ)


Սերժ Թանկյանը երկրպագուներին ռոք-ջազային կոմպոզիցիաներով «երես տալուն » զուգահեռ միշտ էլ զբաղվում դասական երաժշտությամբ: 2007-ին թողարկված «Elect the Dead» սոլո ալբոմը 2013-ին նա վերաթողարկեց «Elect the Dead Symphony» անվամբ, ապա ներկայացրեց նաև ամբողջովին դասական հնչողությամբ «Orca Symphony No. 1»-ը:

70-for-print-466

Սերժ Թանկյանը մարդու իրավունքների պաշտպան է, անարդարության ու բռնության դեմ պայքարի առաջամարտիկ: Ամեն ինչ սկսվեց 2001-ի սեպտեմբերի 11ին: SOAD-ի պաշտոնական կայքում Սերժը էսսե հրապարակեց: Բոլորին թվաց՝ Թանկյանը պաշտպանում է ահաբեկիչներին: SONY-ն անմիջապես այն ջնջեց: Այնինչ Սերժն ուղղակի խոսում էր նավթի վերահսկողության համար մղվող պայքարի մասին: Հետո Թանկյանը «Audioslave» խմբի անդամ Թոմ Մորելոյի հետ հիմնեց «Արդարության առանցք» կազմակերպությունը: Սերժն ու Թոմը Սանտա Մոնիկայում բողոքի ցույց անցկացրեցին անտուններին սնունդ բաժանելու արգելքը վերացնելու պահանջով:

quote-7

Ցեղասպանության ճանաչման համար նրա պայքարը և Թուրքիայի ու Ադրբեջանի իշխանությունների հասցեին նրա քննադատություններն էլ վերջին տարիներին պարբերաբար դառնում են ոչ միայն հայկական, այլ նաև միջազգային լրատվականների թոփ լուրը:

Գրել կարծիք