Խոսող մեքենաներ. Ինչպե՞ ս են մեսենջերները փոխում հաճախորդների հետ շփումը

Խոսող մեքենաներ. Ինչպե՞ ս են մեսենջերները փոխում հաճախորդների հետ շփումը

Harward Business Review-ն հրապարակել է մի հետազոտություն, որտեղ ներկայացված է վաճառողի և գնորդի հետաքրքրաշարժ զրույց: Սակայն վաճառողը իրականում մարդ չէ, այլ Kik մեսենջեր:

H&M. Ինչպե՞ս կբնորոշեիք Ձեր ոճը:
 Հաճախորդ. Դասական:
H&M. Հիանալի է: Ես հենց նոր ստեղծեցի Ձեր անհատական ոճը: Ահա խնդրեմ, վերնաշապիկ` պոլո ոճով: Հավանո՞ւմ եք:
Հաճախորդ.  Գերազանց տեսք ունի:
H&M: Հրաշալի է:  Ցանկանում եք գնե՞լ, ուղարկել Ձեր ընկերո՞ջը, պահե՞լ:
Հաճախորդ. Ես կգնեմ այն:

Եվ այսպես բարի գալուստ` «խոսող առևտրի» դարաշրջան: Այդ տերմինով անվանում են օնլայն-բիզնեսը, որի հիմքում բնական լեզվի տեխնոմշակված տարբերակն է: Սա գերազանց գրաֆիկական ինտերֆեյսի և Google, Facebook, Amazon կորպորացիաների ստեղծած արհեստական ինտելեկտի գերազանց համադրություն է և բրենդային ընկերություններին հնարավորություն է տալիս ընդլայնել հաճախորդների հետ անհատական շփումը:

Մեսենջերները շատերի համար դարձել են շփման մշտական միջոց: 10 ամենահայտնի հավելվածներից  6-ը մեսենջերներն են: Ամբողջ աշխարհում դրանց օգտատերերի թիվը հասնում է 1,4 միլիարդի: Առաջատարը Facebook-ն է` WhatsApp և  Messenger հավելվածներով: Չինական WeChat հավելվածը, որից ամեն ամիս օգտվում է 650 մլն մարդ, ունի 10 մլն բիզնես-օգտատեր: Մեսենջերների միջոցով հնարավոր է շփվել այնպես, ինչպես` ընկերների հետ: Կարելի է մեկ տխուր սմայլիկ ուղարկել Starbucks. և այն կպատասխանի` ասենք` ձեր տրամադրությանը համապատասխան երգ ուղարկելով:

96d2bee489fa0846579cbc7ee4c50d47_fitted_824x494

Այդ տեսակ զրույցներն օգնում են բարելավել հաճախորդ- բրենդ մշտական կապը,  ինչը շատ ավելի արդյունավետ է, քան էլեկտրոնային փոստով նամակագրությունը: Բացի այդ, հավելվածի և արհեստական ինտելեկտի միջոցով շփումը բրենդին հնարավորություն է տալիս անմիջապես իմանալ, թե ինչ ցանկություն ունի  հաճախորդը, ինչ տրամադրություն, և ինչ է նրան պետք` երջանկանալու համար: Դրանից հետո ընկերությունը կարող է հաճախորդին փոխանցել նրա կարիքներին համահունչ առաջարկների մեծ փաթեթ:

Որոշ ընկերություններ արդեն սկսել են մեսենջերների ագրեսիվ ու գերակտիվ կիրառումը: Սակայն «խոսող առևտրում» հաջողության հասնելու համար խիստ կարևոր է մշակել հաճախորդների հետ շփման հզոր, լավ մտածված, գրագետ  ծառայություն: Համակարգի զարգացման ընթացքում հաճախորդը ավելի հաճախ է պահանջելու բնական լեզվով շփման ընդլայնում և հստակեցում: Դրա համար անհրաժեշտ է լավ հասկանալ հաճախորդի ենթատեքստը: Համակարգը պետք է հասկանա, որ օրինակ, «որտե՞ ղ է իմ պատվերը» հարցը վերաբերում է վերջին պատվերին,  և պետք է ներկայացնի պատվերի գտնվելու վայրը ու նրա տեղ հասնելու ժամանակը:

Գրել կարծիք