Նոր արարածներ Warcraft խաղից և ֆիլմից. Ճանաչեք նոր սերնդի հերոսներին`օրքերին

Նոր արարածներ Warcraft խաղից և ֆիլմից. Ճանաչեք նոր սերնդի հերոսներին`օրքերին

Դեյվիդ Բոուիի ռեժիսոր որդու՝ Դունկան Ջոնսի ֆիլմում իրադարձությունները զարգանում են Warcraft անունով խաղային տիեզերքում, որտեղ մարդիկ առաջին անգամ հանդիպում են օրքերի: newmag-ը ներկայացնում է meduza-ին տված նրա հարցազրույցը՝ նոր կինոժապավենի, սիրելի խաղերի ու օրքերի մասին:

_ Հասականալի է, որ Դուք Warcraft-ի երկրպագու եք: Ո՞ր խաղից սկսվեց Ձեր ծանոթությունը այդ տիեզերքի հետ՝  1990-ականների ստրատեգիաների՞ց, թե՞ Wօrld of Warcraft-ից:

_Սկսել եմ առաջինից՝ Orcs and Humans: Այսինքն, ես ավելի վաղ եմ սկսել, երբ ծանոթացա Blizzard-ի մեկ այլ գործի՝ The Lost Vikings-ին:

_ Հիանալի խաղ էր:

_ Այո, ճիշտ եք: Ստիպում էր մտածել, գլուխկոտրուկներ կային այնտեղ: Ես դրանով շատ տարվեցի, հետո ինչ-որ մեկն ասաց, որ նույն տղերքը մեկ այլ խաղ են ստեղծել, կոչվում է Warcraft: Որոշեցի փորձել ու արագ ներքաշվեցի: Գրեթե նույն ժամանակ թողարկվեց նոր ստրատեգիա: Ստիպված էի ժամանակն ու ուշադրությունը կիսել Command & Conquer-ի և Warcraft-ի միջև:

_Եվ ո՞րն էր Ձեզ ավելի շատ դուր գալիս:

_ Արդարացի հարց չէ (ծիծաղում է): Ամեն մեկն իր գրավիչ կողմն ուներ: Կարող եմ պատմել, օրինակ, թե ի՞նչն էի հավանում C&C-ում. այնտեղ կարելի էր մարտիկներին տեղավորել շինություններում, որ նրանք պաշտպանեն հսկողության տակ գտնվող կառույցները: Warcraft-ում այդ հնարավորությունը չկար:

_ Ո՞ր ռասսային էիք նախապատվությունը տալիս՝ օրքերի՞ն, թե՞ մարդկանց:

_Հիմնականում խաղում էի օրքերով: Չգիտեմ էլ՝ ինչպես բացատրել: Կարծում եմ`  օրքերն ինձ վիկինգներին էին հիշեցնում: Իսկ ես այն ժամանակ տարված էի վիկինգներով, բերսերկներով (հին սկանդինավյան աշխարհում մարտիկ, որն իրեն նվիրաբերել էր Աստծուն ծառայելուն-ծան.` newmag), սկանդինավյան առասպելաբանությամբ ու նման շատ այլ բաներով:

_ Հաշվի առնելով Ձեր հետաքրքրությունը՝ տարօրինակ է, որ էկրանավորել եք Warcraft-ը, այլ ոչ թե The Lost Vikings-ը:

_Ընդհանրապես վատ գաղափար չէ: Ես արդեն պատկերացնում եմ ցուցանակը՝ «Թրևիս Ֆիմելը և Ռոբ Քազինսկին` «Մոլորված վիկինգը ֆիլմում»: Կարող է ծիծաղելի ստացվել, թող դա կատակերգություն լինի… Չէ, ավելի լավ է, թող լինի պատմական կատակերգական մարտաֆիլմ:

_ Պատմակա՞ն: Եթե չեմ սխալվում The Lost Vikings-ում հերոսները լինում էին տարբեր վայրերում՝ եգիպտական բուրգերից մինչև տիեզերանավեր:

_Այո, կար նման բան… Լավ, թող ֆիլմում իրադարձությունները ծավալվեն մեր օրերում, ընթացքում կորոշենք:

_Եկեք վերադառնանք մարդկանց և օրքերին: Մի հարցազրույցում ասել եք՝ պատերազմում յուրաքանչյուրը մտածում է, թե ճիշտ կողմում է: Ամեն դեպքում, հանդիսատեսի համար հավանաբար ավելի հեշտ կլինի մարդկանց կողմից լինել, ոչ թե զուգահեռ տիեզերքից եկած կանաչ հսկաների:

_ Հենց այդ պատճառով որոշեցի կինոն սկսել օրքերի հետ ծանոթությամբ: Մենք փորձել ենք ցույց տալ, որ նրանք պարզապես հրեշներ չեն, որ հանկարծ հայտնվել են կախարդական պորտալից: Ինձ թվում է` աշխատում է: Այդպիսի նախաբանից հետո հանդիսատեսը չի կարող անտարբեր լինել Դուրոտանի, նրա կնոջ ու նրանց փոքրիկի հանդեպ:

_ Դե չգիտեմ, նրանց նկատմամբ վերաբերմունքի մասին խոսք չկա էլ: Երեխան ահավոր տհաճ է:

_ Այսինքն Դուք դիտել եք ֆիլմը ու կարեկցանք չե՞ք զգացել: Ձեզ հետ մի բան այն չէ (ծիծաղում է): Հանդիսատեսի մեծ մասը հիմնականում Դուրոտանի հետ կապվածություն է զգում, կամ գոնե համակրում է նրան:

EYOTPcUw3No6WfuMCwAPSw

_ Մի տեսարան կա, որտեղ տեսախցիկը սահում է գետնի վրայով, հանդիսատեսին ցույց եք տալիս անտառներ ու գյուղեր, և այդ ամենը այնպես է, ինչպես Warcraft 2-ում` կադրի բարձր որակով: Polymorph խաղերից էլ փոխառել եք կախարդանքը, որով կախարդը պահակին ոչխարի է վերածում: Սրանք ակնհայտ մեջբերումներ են, իսկ կա՞ն այնպիսիք, որ աննկատ են մնացել:

_Մեջբերումներն այնտեղ ծովի չափ շատ են: Օրինակ, երբ կախարդ Կադգարը հաղթահարում է մի կարևոր առաջադրանք, նրա գլխավերևում հայտնվում է դեղին լուսե պարույր և հնչում է բնորոշ ձայն, որը World of Warcraft-ում նշանակում է` ձեր հերոսը անցել է հաջորդ մակարդակ:

_Դուք մի անգամ ասել եք, որ ինչ-որ առումով թարգմանիչ եք. Warcraft-ի պատգամները վերապատմում եք նրանց համար, ովքեր ծանոթ չեն այդ տիեզերքին: Այդ դեպքում ո՞վ է ֆիլմի հիմնական աուդիտորիան` ֆրանշայզի՞ ֆաները, ֆենթեզիի սիրահարնե՞րը, թե՞ սովորական մարդիկ, որ ուզում են մեծ էկրանին վառ ու տպավորիչ բան տեսնել:

_ Գլխավոր հանդիսատեսը բնականաբար ֆենթըզիի սիրահարներն են: Ասենք, երբ Փիթեր Ջեքսոնը նկարեց «Մատանիների տիրակալը», կինոթատրոն գնացին ոչ միայն Տոլկին ընթերցած մարդիկ: Հերոսները կարողացան գրավել անգամ նրանց, ովքեր ծանոթ չէին սկզբնաղբյուրին: Հուսով ենք` մենք էլ ենք ստացել նման խարիզմատիկ կերպարներ: Ճիշտ է, մեզ մոտ ամեն ինչ այդքան հեշտ չէ: Տոլկինի մասին մարդը մտածում է. «Ես չեմ կարդացել նրա գրքերը, բայց ծանոթ եմ այլ հեղինակների, որ գրում էին նույն ժանրով: Քիչ թե շատ պարզ է` ինչ է ինձ սպասվում»: Մեր ֆիլմի մասին հավանաբար կասեն. « Դա համակարգչային խաղի՞ մոտիվներով է: Ես խաղեր չե´մ խաղում»: Ուզում եմ հավատալ, որ սկեպտիկները ամեն դեպքում շանս կտան ֆիլմին և կհասկանան, որ խաղի էկրանավորումն էլ կարող է հետաքրքիր լինել:

7jX2hg2GqTdLAJNWyMzBeg

_ Ձեր նախորդ երկու լիամետրաժները` «Լուսին 2112» և «Սկզբնական կոդ», նկարահանվել են բոլորովին տարբեր պայմաններում: Դրանք ոչ շատ մեծ, անկախ նախագծեր էին: Այս անգամ ստիպված եք եղել աշխատել Blizzard-ի խիստ հսկողության ներքո: Անհարամարվետության զգացում չկա՞ր:

_ Այս էկրանավորումը վաղուց էր ծրագրված, նկարահանումները մի քանի անգամ հետաձգվել են: Blizzard-ի տղաները արդեն սկսել էին կասկածել` ինչ-որ բան կստացվի՞: Ու հանկարած հայտնվեցի ես` մի գաղափարով, որը լիովին համապատասխանում էր նրանց սպասումներին: Այսինքն, մենք հենց սկզբից հասկացանք իրար, այդ պատճառով էլ կարողացանք միասին աշխատել:

_ Ֆիլմում, ցանկության դեպքում, կարելի է նկատել հանգամանքներ, որոնք տանում են դեպի սիքվել…

_Այո, հենց այն օրք մանկիկը, որ Ձեզ տհաճ էր թվացել (Ծիծաղում է):

_ Նա էլ: Դուք հենց սկզբո՞ւմ էիք ծրագրել շարունակությունը նկարել: Թե՞ դա Blizzard-ի պահանջով է արվել:

_ Ոչ, ոչ, դա նույնպես իմ գաղափարն էր: Warcraft-ի պատմությունը տասնյակ տարիների է, անմիջապես էլ պարզ էր, որ այն մեկ ֆիլմում ներկայացնել չի ստացվի: Սխալ կլիներ ձևացնել, թե  ֆիլմն ավարտելուց հետո այդ աշխարհում ոչ մի կարևոր բան չի կատարվել: Հետո`օրքերը նոր են եկել այս աշխարհ` հետևում թողնելով պատերազմներից ավերված իրենց մոլորակը: Ամենահետաքրքիրն առջևում է:

0uDPKv5gVW6E27HsFsB0sg

_Քանի՞ ֆիլմ է նախատեսված:

_Հուսով եմ` եռապատում կլինի: Ավելի ճիշտ այսպես` կուզեի մասնացկություն ունենալ երեք ֆիլմերի նկարահանումներին, հետո կարող է շարունակել մեկ ուրիշը:

_Արդեն սկսե՞լ եք շարունակության վրա աշխատանքը:

_Ոչ, դեռ ծրագրեր են: Մենք քարացել ենք սպասման մեջ: Ուզում ենք տեսնել առաջինի կինովարձույթի արդյունքն ու հանդիսատեսի արձագանքը:

_ Ձեզ չի՞վախենցում միտքը, որ կարող եք 15 տարի մնալ այդ տիեզերքում, ինչպես Փիթեր Ջեքսոնը` Միջագետքում:

_Ես Փիթեր Ջեքսոնի մեծ երկրպագուն եմ, բայց կուզեի շարժվել Քրիս Նոլանի նախանշած սխեմայով: Նա, հիշեցնեմ, Բեթմենի մասին երեք ֆիլմ է նկարել` այդ ընթացքում հասցնելով աշխատել սեփական նախագծերի վրա: Դա ինձ համար բառացիորեն երազանքի կարիերա է: Կուզեի հնարավորություն ունենալ ժամանակ առ ժամանակ կտրվել Warcraft-ից ու ստեղծել պակաս ռեսուրսատար կինոժապավեններ` «Սկզբնական կոդի» մասշտաբի:

Գրել կարծիք