Կաննի փառատոնի 5 գլխավոր ֆիլմերը, որ պետք է դիտել

Կաննի փառատոնի 5 գլխավոր ֆիլմերը, որ պետք է դիտել

newmag-ի կինոքննադատը առանձնացրել է Կաննի 70-րդ կինոփառատոնի 5 լավագույն ֆիլմերը, որոնք արժի դիտել:

ՖԱԹԻՖ ԱՔԻՆ. «Ոչ մի տեղից»

Համբուրգ, մեր օրեր։ Գերմանուհի Կատյան (Դայան Կրյուգեր) ամուսնանում է Թուրքիայի քուրդի հետ, որդի է ունենում, երջանիկ ապրում է, մինչև մի օր նեոնացիստները չեն պայթեցնում քաղաքի մուսուլմանական թաղամասը։ Հետո կլինեն և ոստիկանական հարցումներ, և ծանոթից գնված թմրանյութեր ցավն ու վիշտը մի ձև անզգայացնելու համար և դատարան. պայթյունի կազմակերպիչներին գտել են։

Սակայն Կատյայի ամուսինը ժամանակին թմրավաճառ էր, նստած էր բանտում, իսկ միջադեպից հետո կնոջ տանը խուզարկում անցկացնող ոստիկանական ջոկատը գտնու մ է ողբերգության ցավի դեմ գնված թմրամիջոցները։ Այս ամենն օգտագործվում է Կատյայի դեմ. դատարանը չի ճանաչում նեոնացիստական զույգի մեղավորությունը. նրանց պարզապես բաց են թողնում։ Ֆաթիհ Աքինը շուռ է տվել եվրոպական իրականության ամենահիվանդագին նյարդերից մեկը:

Պատմությունը չափազանց պարզ է, առանց ծակուծուկերի և անհարթությունների, և դրա շնորհիվ էլ շահում է։ Մի կնոջ պատմությունը սկսվում է առաջին իսկ կադրից՝ բանտում տեղի ունեցող հարսանիքից և բաց չի թողնում մինչև վերջ։ Մթնոլորտային դրաման ներքաշում է, պահում է մինչև վերջ և չի թողնում անգամ շունչ քաշել։ Իսկ այս դերը, հավանաբար, Կրյուգերի ֆիլմագրության մեջ կմնա որպես լավագույններից մեկը։

Գրել կարծիք