Տրյուֆոյից Կուբրիկ. 5 լավագույն գրքերը կինոյի մասին

Տրյուֆոյից Կուբրիկ. 5 լավագույն գրքերը կինոյի մասին

Esquire-ը առանձնացրել էր կինոյի մասին տասը ամենալավ գրքերը, մենք էլ դրանցից ընտրել են հինգ լավագույն must read-երը:

Պիտեր Բիսքինդ. «Անհոգ արշավորդներ, կատաղած ցլեր»

Կոկայինային շվայտ կյանք ու օրգիաներ` կալիֆոռնիական լողավազաններում, լքված կանայք և սեղանի դարակում պահված ատրճանակներ, «Սև հովազների» հետ սիլի-բիլիներ, հոլիվուդյան ստուդիաների շեֆերի դեմ շանտաժ… Փիթեր Բիսքինդն իր հատորյակում 70-ականների Հոլիվուդի մասին պատմում է այնպես, կարծես իր դիմաց արատավոր փսիխոթրիլեր լինի։ Այս սուր գրքի հերոսները ձեզ շատ լավ ծանոթ են՝ Կոպոլա և Սփիլբերգ, Լուքաս և Պոլանսկի, Ֆրիդկին և Բոգդանովիչ։ Ուրիշ բան, որ այս դասականները 70-ականների սկզբին երիտասարդ էին` մեծ ծրագրերով ու մեծ հիասթափություններով, և օր ու գիշեր տքնելով պարտադրեցին կինոինդուստրիայի այն փոփոխությունները՝ հեղինակային տեսությունից մինչև բլոքբասթերային կախվածություն, որոնց պտուղները վայելում են մինչև օրս։ Բիսքինդը գրեթե չի անդրադառնում ֆիլմերի վերլուծություններին, բայց հաշվի առնելով, թե ինչ աստիճանի պատկերավոր և ամբողջական են այդ ֆիլմերը ստեղծողների դիմանկարները, և որքան գունագեղ է Հոլիվուդի պանորաման իբրև աշխարհի ամենախենթ վայրի, դա բացարձակ կարևոր չէ։

Գրել կարծիք