Ռաբիսի գրոհը. Թուրքիայում վիրուսի պես տարածվում է  Super Sako-ի և Սպիտակցի Հայկոյի «Մի գնա»  երգը

Ռաբիսի գրոհը. Թուրքիայում վիրուսի պես տարածվում է Super Sako-ի և Սպիտակցի Հայկոյի «Մի գնա» երգը

Super Sako-ի և Հայկոյի «Մի գնա» երգը Թուրքիայում համար առաջին հիթն է: Ադրբեջանցիները այս առիթով մեղմ ասած կատաղած են:

Հարսանիքներին ու մեքենաների մեջ, առևտրի ամենախոշոր կենտրոններից մինչև փաբեր ու սրճարաններ՝ Թուրքիայում ամենուր երգում ու լսում են Super Sako-ի և Հայկոյի «Մի գնա»  երգը: Ուսանողները, շուկայի վաճառականներն ու նույնիսկ թուրքական շոուբիզնեսում հայտնի երգիչ, դերասան Օզջան Դենիզը՝ դիմահարդարման սենյակում: 

Թուրքական մամուլը գրում է՝ երգը վիրուսի պես է տարածվում: Արդեն նույնիսկ ռեմիքսեր ու թուրքերեն քավրներ կան: Թեմայով քննարկում է սկսվել Ռեդդիթում: Մեկնաբանողներն ասում են՝ երգն անճաշակ է, բայց հումորով: Պետք չէ լուրջ ընդունել: Առանձնանում են այս մեկնաբանությունները՝ «Երաժշտությունը սահմաններ չի ճանաչում, և սա ճիշտ է ասված թե լավ, թե վատ երաժշտության համար» , «Ես երգիչներին չեմ ճանաչում, բայց նրանց երգն ինձ հայերեն երկու բառ սովորեցրեց՝ մի գնա»

Իրականում Թուրքիայում երգի բառերն անգիր սովորածներից շատերը չգիտեն, որ այն հայերեն է: Կարծում են՝ արաբերեն կամ պարսկերեն է: «Թուրքերը կարողանում են հաճույքով լսել երգը, հարևան հայկական մշակույթը, որն իրականում, շատ ընդհանրություններ ունի թուրքականի հետ: Եվ սա ցույց է տալիս, որ հայերի նկատմամաբ թշնամանքն անտրամաբանական է», գրում է թուրքական կայքերից մեկը՝ անդրադառնալով նաև ուշագրավ պատմական փաստի: Թուրքերենի այբուբենը ստեղծելուց բացի, հայերն օսմանյան երաժշտության այբբուբենն էլ են ստեղծել:

Օսմանյան դասական երաժշտության «Համբարձում» նոտայական համակարգի հեղինակը Համբարձում Լիմոնջյանը է: 

Աղմուկ են սկսել ադրբեջանցիները: Թուրքիայի սրճարաններում պահանջում են անջատել երգն ու ամենակարևորը՝ նկարահանում են դա ու տարածում: Յութուբում 300 հազարից ավելի դիտում ունի բողոքող բլոգերի տեսանյութը: Նա ամոթանք է տալիս հայերեն երգ լսող թուրքերին և հիշեցնում է թուրք-ադրբեջանական եղբայրության մասին:

Գրել կարծիք