Ազնավուրն ու Սպիտակի երկրաշարժը․ ինչպե՞ս մեծ շանսոնյեն օգնեց հայերին (տեսանյութ)

Ազնավուրն ու Սպիտակի երկրաշարժը․ ինչպե՞ս մեծ շանսոնյեն օգնեց հայերին (տեսանյութ)

88-ի ավերիչ երկրաշարժից երկու օր հետո՝ դեկտեմբերի 9-ին, Շանզելիզէ 76 – 78 հասցեում գրանցվեց «Ազնավուր պուղ լ՛Աղմենի»  ասոցիացիան: 

Ազնավուրը թվարկում է՝ աղետի գոտում առաջնային իրերի ցանկը ու մարդկանց փոխանցում իր նորաբաց ասոցիացիայի հասցեն, որ ով ինչ կարողանա՝ ուղարկի Հայաստան:

Էմիգրանտների որդին Հայաստանում եղել էր ընդամենը մեկ անգամ՝ մենահամերգով, իսկ հիմա պիտի հասներ օգնության. Արդեն գիտեր. Երկրաշարժից զոհվել է 25 հազար մարդ, հարյուրավոր փոքրիկներ անօթևան են, սպասում են, որ ամեն պահի ծնողները կգան իրենց հետևից ու տուն տանեն:

Առաջին անհրաժեշտության պարագաներով լի մի ամբողջ օդանավ հասավ Հայաստան: Շտապեց Գյումրի, կանգնեց Սուրբ ամենափրկիչ եկեղեցու ավերակների մոտ ու ինքն իրեն խոստացավ՝ ավելին պիտի անի հայրենիքի համար:



Հենց այդ օրը սկսվեց Ազնավուրի ու հայ ժողովրդի սիրո պատմությունը. «Մեղմ շշուկով» խոստովանեց իր հիշողությունների գրքում:

1990-ին նորից եկավ այս անգամ միաժամանակ 2 օդանավով՝ բեռնված 40 տոննա հագուստով:

Ազնավուրը բոլոր  լրատվամիջոցներով մարդկանց արթնացրեց, ոտքի հանեց, որ անտարբեր չլինեն Հայաստանի հանդեպ: Գյումրիում լուծեց նաև էլեկտրականության հարցը, որի շնորհիվ երգիչ, երգահան, դերասան, արտիստ, գրող կոչումներից բացի ստացավ նաև «Լույսի Շառլ» անունը: Այդ օրն  ավելի շատ հայ դարձավ։


Հետևեք newmag-ին Instagram-ում և Telegram-ում


 

Գրել կարծիք