Քաղաքը կարդում է. newmag-ը մասնակցեց Գրքի երևանյան 3-րդ փառատոնին

Քաղաքը կարդում է. newmag-ը մասնակցեց Գրքի երևանյան 3-րդ փառատոնին

Գրքի երևանյան 3-րդ փառատոնին newmag հրատարակչությունը ներկայացրեց հայերեն թարգմանված համաշխարհային բեսթսելլերները

3 օր քաղաքը կարդաց ու խոսեց գրքի մասին: Երևանյան 3-րդ փառատոնն առանձնացավ այցելուների աննախադեպ մեծ քանակով, բովանդակալից քննարկումներով և բանախոսություններով: Այս փառատոնի ժամանակ ընթերցողներն ավելի շատ փնտրում էին նոն-ֆիքշն ժանրի գրքեր, գեղարվեստականից հետո՝ մասնագիտական գրքերն են:

Ընթերցասերներին ներկայացվեց 15 նոր գիրք: Փառատոնի հատուկ հյուրերը վարպետության դասեր անցկացրին: Նրանք  քաղաքական գործիչներ, կինոգետներ, կոմպոզիտորներ, գրողներ և լրագրողներ էին: Ինչպե՞ս հիմնել հաջողակ հրատարակչություն՝ ձեռքի տակ ունենալով բիզնեսի զարգացման հստակ ռազմավարություն: Երևանյան գրքի փառատոնի առաջին օրը newmag հրատարակչության ղեկավար Արտակ Ալեքսանյանը խոսեց newmag-ի ֆենոմենի մասին: 2018-ից ընկերությունը զբաղվում է գրահրատակչական գործունեությամբ և արդեն 18 գիրք է հրատարակել:

Գրքի փառատոնի շրջանակում newmag-ը ներկայացրեց «Ալի. աշխարհի արքան» սպորտային բեսթսելլերը:  Մուհամեդ Ալին, որը դեռ հայտնի էր որպես Կասիուս Քլեյ, 1964-ի փետրվարի 25-ին ռինգ մտավ Սոնի Լիստոնի հետ: Ալիին համարում էին նյարդայնացնող ու տարօրինակ մարզիկ, որը մենամարտում էր պարելով ու չափազանց շատ էր խոսում: Վեց ռաունդից հետո Ալին ոչ միայն ծանր քաշային կարգում աշխարհի բացարձակ չեմպիոն էր, այլեւ «նոր տեսակի սեւամորթ», որը կարճ ժամանակ անց վերափոխելու էր Ամերիկայի ռասայական քաղաքականությունը, զանգվածային մշակույթը և հերոս լինելու մասին պատկերացումները:

Երևանյան գրքի տոնն ամփոփվեց գրական մրցանակաբաշխությամբ: «Պոեզիա» անվանակարգում հաղթել են Արփի Ոսկանյանը և Անահիտ Հայրապետյանը, «Արձակ» անվանակարգում՝ Անուշ Սարգսյանը և Աննա Դավթյանը, «Դրամատուրգիա» անվանակարգում՝ Արմենուհի Սիսյանը և Արշակ Սեմիրջյանը։ Նրանք  ստացան 400 հազար դրամ, պայմանով, որ եկող տարի հրատարակեն իրենց գործերը: 

Կազմակերպիչները մտադիր են գրքի երևանյան փառատոնը դարձնել միջազգային, անցկացնել ընդարձակ վայրում և ավելի բովանդակալից հանդիպումներով:  Փառատոնի փակման երաժշտական ակորդը դասական և ջազային էր՝ Հովեր կամերային երգչախմբի և Վահագն Հայրապետյանի ջազ քառյակի կատարմամբ:


Հետևեք newmag-ին  Telegram-ում և  Instagram-ում։


Գրել կարծիք