Ազնավուրի կյանքի օրերն ամփոփվել են նրա վերջին հուշագրում

Ազնավուրի կյանքի օրերն ամփոփվել են նրա վերջին հուշագրում

Չէր երազում մեռնել բեմի վրա, թաղվել Հայաստանում: Չուներ ոչ թիկնապահ, ոչ մուգ ապակիներով մեքենա, ոչ էլ կուսակցական տոմս: Իսկ թե ինչու, Շառլ Ազնավուրը պատմում է իր վերջին` Կյանքից կառչած գրքում:

Կյանքը սիրող, կյանքին տրված ու կյանքից կառչած` արտիստի մասին է Նյումեգ ընկերության թարգմանած այս գիրքը: Ազնավուրի դժբախտությունը, հաջողությունն ու երջանիկ հանդիպումները ամբողջացել են նրա վերջին ինքնակենսագրականում: Այն թարգմանել է շանսոնյեի հետ բազմիցս հանդիպած հեռուսատլրագրող Արտակ Հերիքյանը:

Հենց այդ հանդիիպումների ընթացքում ծնված հարցազրույցներն էլ զետեղվեցին գրքում: Հարցազրույցներ, որոնք կբացահայտեն, թե ինչու էր Ազնավուրը ամեն օր գնում լողավազան, երբ լողալ չգիտեր: Ինչու էր միշտ շարժվում հոսանքին հակառակ, ու չէր անցնում տրորված ճանապարհներով:

Ազնավուրի մտքերը և նրա հետ զրույցները կամբողջացնեն ընթերցողի պատկերացումները 100 տոկոս հայի և 100 տոկոս ֆրանսիացու մասին: Կպատմեն գաղթականի որդու մասին, որը դարձավ դարի մեծագույն արտիստը և Բեմին նվիրեց իր կյանքի 94 տարիներից 85-ը:


Հետևեք newmag-ին Instagram-ում և Telegram-ում


 

Գրել կարծիք