Ո՞վ է Նուրսուլթան Նազարբաևի ավագ դուստրը, որ նրա հրաժարականից հետո դարձավ սենատի նախագահը

Ո՞վ է Նուրսուլթան Նազարբաևի ավագ դուստրը, որ նրա հրաժարականից հետո դարձավ սենատի նախագահը

Ինչպե՞ս Ղազախստանի նախկին նախագահի ավագ դուստրը կարիերան սկսեց բարեգործական հիմնադրամից, 3 երեխա ունեցավ և ինչո՞ւ բաժանվեց ամուսնուց, որը հետո ինքնասպան եղավ։

Նուրսուլթան Նազարբաևի ավագ դուստրը՝ Դարիգան (56 տարեկան), գնաց հոր հետքերով՝ դառնալով քաղաքական գիտությունների դոկտոր, ինչը թույլ նրան տվեց մտնել Ղազախստանի խորհրդարան: Նազարբաևի երկրորդ դուստրը՝ Դինարան, 53 տարեկան է: Միջնեկը մանկավարժ է, ղեկավարում է հոր անվան կրթական հիմնադրամը: Forbes-ի տվյալով՝ Դինարա Նազարբաևան 2011-ին Ղազախստանի ամենահարուստ կինն էր՝ 1,3 միլիարդ դոլար կարողությամբ: Կրտսեր դուստրը՝ Ալիան, ծնվել է 1980-ին: Տնտեսագիտական կրթությամբ բիզնեսվումն է, Ղազախստանում ղեկավարում է խոշոր շինարարական ընկերություն՝ «Էիստրան»: Նազարբաևն ունի 8 թոռ, երկու ծոռ:

ԴԱՐԻԳԱ  ՆԱԶԱՐԲԱԵՎԱ

Դարիգա Նազարբաևան իր կարիերան սկսել է «Բոբեկ» բարեգործական հիմնադրամի հետ գործակցությամբ, որն օգնում էր երեխաներին: Հետագայում նա դարձավ այդ կազմակերպության փոխնախագահը՝ այդտեղ աշխատելով մինչև 1994-ը: Հաջորդ տարիներին Դարիգան մեդիա ոլորտում էր. նա ղեկավարեց Ղազախստանի հեռուստատեսությունն ու ռադիոն. «Խաբար» գործակալության տնօրեն էր:

Image result for Dariga Nazarbayeva

Դարիգան 2004-ին առաջադրվում է խորհրդարանական  ընտրություններում: Մինչև 2007-ը նա մեջլիսի պատգամավոր էր՝ Ասար կուսակցությունից: Դարիգա Նազարբաևան 2007-ից ղեկավարում էր «Ղազախստանի 1-ին նախագահի հիմնադրամ» ՀԿ-ն: 2012-ին դարձյալ մտնում է մեջլիս: Ստորին պալատի պատգամավոր էր ու ղեկավարում էր սոցիալ-մշակութային հանձնաժողովը: Դարիգան 2014-ին ընտրվում է մեջլիսի փոխնախագահ, դառնում է Նուր Օթան խմբակցության ղեկավար: Մեկ տարի անց էլ փոխվարչապետ էր:


Նազարբաևը հրաժարվում է նախագահությունից, բայց ոչ իշխանությունից Ղազախստանում


ԱՆՁՆԱԿԱՆ ԿՅԱՆՔԸ

Դարիգա Նազարբաևան 1983-ին ամուսնացել էր Ռախատ Ալիևի հետ, որը զբաղվում էր քաղաքականությամբ ու դիվանագիտությամբ: Հարցազրույցում Դարիգան խոստովանել է, որ սիրահարվել էր առաջին հայացքից: Նրանք ունեն 3 երեխա:

Ռախատ Ալիևին 2007-ին մեղադրում են «Նուրբանկի» ղեկավարության առևանգումը կազմակերպելու մեջ: Ռախատը փախչում է երկրից, որոշ ժամանակ ղազախական իշխանությունից թաքնվում է Ավստրիայում, որտեղ քաղաքական ապաստան էր ստացել: Սակայն ավստրիական իշխանությունը կատարում է պաշտոնական Ղազախստանի պահանջը, և Ռախատ Ալիևը ձերբակալվում է:

Image result for Dariga Nazarbayeva

Դարիգա Նազարբաևան Ռախատ Ալիևից ամուսնալուծվել է միակողմանի, առանց նրա համաձայնության: Շարունակությունը ողբերգական էր: Ռախատն ավստրիական բանտում անցկացրեց մի քանի տարի: Ռախատին 2015-ին հայտնաբերեցին իր խցում՝ առաստաղից կախված:  Մահվան պաշտոնական պատճառը նշվում է ինքնասպանությունը, թեև մամուլը առաջ էր քաշում սպանության վարկածը. մոտենում էր դատի օրը, որտեղ Ալիևը, մամուլի տվյալով, պատրաստվում էր Ղազախստանի պաշտոնյաներին վերաբերող կոմպրոմատներ հրապարակել: Դարիգան նախընտրում է իր կյանքի այդ բարդ փուլի մասին չխոսել:

Դարիգա Նազարբաևան ազատ ժամանակ ստեղծագործում է. հետաքրքրվում է վոկալով: Նրան նույնիսկ հրավիրում էին կոնսերվատորիա՝ ուժերը փորձելու, բայց հայրը թույլ չէր տալիս թողնել համալսարանը: Եվ տաղանդը վերածվեց հոբբիի: Դարիգան հաճախ է կազմակերպում բարեգործական համերգներ՝ իր ռեպերտուարում ընդգրկելով տարբեր ոճի երգեր:

Դարիգա Նազարբաևան 2019-ի մարտի 20-ին միաձայն ընտրվել է Ղազախստանի սենատի նախագահ:


Հետևեք   newmag-ին    Telegram–ում և    Instagram–ում


 

Գրել կարծիք