Նոբելյան մրցանակակիրը դարձել է բժշկական համալսարանի պատվավոր դոկտոր
Բժշկական համալսարանում բացառիկ օր է: Աշխարհի ամենահայտնի գիտնականներից մեկը կդառնա Բժշկական համալսարանի պատվավոր դոկտոր: Որպեսզի կայանար Հարալդ զուր Հաուզենի Երևանյան այցը Բժշկական համալսարանը աշխատել է 5 տարի:
Համալսարանի ռեկտոր Արմեն Մուրադյանը վստահեցնում է` սա բացառիկ հնարավորություն է հայ ուսանողների համար: Ապագա բժիշկները կկարողանան լսել աշխարհահռչակ գիտնականին ու ոգեշնչվել նրա օրինակով:
Վիրուսաբանը Նոբելյան մրցանակ է ստացել 2008 թվականին: Գիտնականի ուսումնասիրությունները հեղափոխական նշանակություն են ունեցել բժշկության ոլորտում: Հենց բժիշկ Հաուզենն է բացահայտել է մարդու պապիլոմավիրուսի ու արգանդի վզիկի քաղցկեղի կապը:
Հարալդ զուր Հաուզենը ծնվել է Գերմանիայում: Երկրորդ համաշխարհային պատերազմի պատճառով գիտնականը չի կարողացել ստանալ տարրական լիարժեք կրթություն: Բայց կենսաբանության հանդեպ հետաքրքրությունը 1955-ին նրան բերել է բժշկության ոլորտ: Հաուզենը սովորել է Բոննի, Համբուրգի ու Դյուսելդորֆի համալսարաններում: Ուսումնասիրություններ է իրականացրել Միացյալ Նահանգներում:
Կարդացեք նաև.
Յուվալ Նոյ Հարարի. «Ազատ ինֆորմացիայի մասին գաղափարը չափազանց վտանգավոր է»
Երազելը կարևոր դեր է խաղում` օգնելով ուղեղին խնդիրները լուծել ավտոպիլոտ
Գենետիկ Քրեյգ Վենտեր. «Գիտական գաղափարները լումա էլ չարժեն, այլ բան է, երբ գաղափարն իրականացվում է»
1969-ին վերադարձել է Գերմանիա ու իր հետազոտական խմբի հետ պարզել, որ Բերկիտի լիմֆոմայի ժամանակ բոլոր քաղցկեղային բջիջներում կա Էբշտեին Բարրի վիրուսի ԴՆԹ:
Բժշկության ոլորտում իր ուսումնասիրությունների ու բացահայտումների մասին գիտնականը Հայաստանում պատմում է ապագա բժիշկներին:
Անվանի գիտնականի հետ հանդիպել է նաև Նիկոլ Փաշինյանը: Վարչապետը բարձր է գնահատել Զուր Հաուզենի ձեռքբերումներն ու փորձը վարակիչ հիվանդությունների կանխարգելման գործում:«Հայաստանում շատ կարճ ժամանակով եմ, բայց այն ինչ հասցերել եմ տեսնել շատ է տպավորել:Հատկապես տպավորված եմ երիտասարդ հայ գիտնականների ու դպրոցականների հետ երեկվա հանդիպումից: Շատ կարևոր հարցեր էին տալիս», - ասում է գիտնականը: