Ովքե՞ր են Փոլ Իգնեշիուսի հայտնի հայ ընկերները

Ովքե՞ր են Փոլ Իգնեշիուսի հայտնի հայ ընկերները

Արևմտյան Հայաստանի Խարբերդ քաղաքից մինչև Ամերիկա՝ արևային Կալիֆոռնիա նահանգի Գլենդել քաղաք: Իգնեշիուսների ընտանիքը կենսագրական երկար ճանապարհորդություններից հետո հաստատվեց Գլենդելում ու չմոռացավ հայկական արմատների մասին: 

Չդադարող տեղափոխություններից հետո, Իգնեշիուսների ընտանիքը բազմաթիվ ընկերներ ձեռք բերեց: Նրանցից շատերի անուններն այսօր ամբողջ աշխարհին են հայտնի:

Վիլյամ Սարոյան, Մայքլ Առլեն, Ռուբեն Մամուլյան, Զաբել Բոյաջյան, Արամ Սարոյան, Փիթեր Բալաքյան և այլք:

Վիլյամ Սարոյանը Իգնեշիուսների ընտանիքում հաճախ էր հավաքույթների մասնակցում: Մի անգամ Իգնեշիուսները խնջույք էին կազմակերպել Սարոյանի պատվին։ Այդ հավաքույթին ներկա էին նաև այլ հյուրեր, որոնք այնքան հարցեր տվեցին, որ Սարոյանն այլեւս չդիմացավ։ Նա Փոլ Իգնեշիուսին ասաց, որ ուզում է գլուխն ազատել այդ տխմար հարցերից: Վիլյամ Սարոյանին թաքցրեցին ներքնահարկի ննջարանում, մինչև Փոլի հայրը հայտնաբերեց նրանց ու Սարոյանին նորից հետ տարավ հյուրերի մոտ:

Մինչև ռազմածովային կարիերան, Փոլ Իգնեշիուսը փոքր դերեր է ունեցել կինոռեժիսոր Ռուբեն Մամուլյանի մի քանի ֆիլմում: Իր գրքում Փոլը գրում է թե ինչպես էր Մամուլյանն իրեն ստիպում նորից խաղալ նույն տեսարանը, այնքան մինչև հավաներ:

Իգնեշիուսները մտերիմ ընտանեկան կապեր են ունեցել Մայքլ Առլենի՝ անգլիացի հայտնի գրող Տիգրան Գույումճյանի ընտանիքի հետ: Մայքլ Առլենի «Կանաչ գլխարկը» գիրքը դարձավ հայտնի պիես, իսկ հետո դրա հիման վրա նաև ֆիլմ նկարահանվեց։


Կարդացեք նաև.


Փոլ Իգնեշիուսը 7 տարի աշխատել է Ամերիկայի 8-րդ պաշտպանության նախարար Ռոբերտ Մաքնամարայի հետ՝ ծառայով նրա անմիջական ղեկավարությամբ։ Փոլի կյանքում Մաքնամարան կարևոր դեր է ունեցել: Գրքում Փոլ Իգնեշիուսը առանձին գլխով պատմում է նրա հետ աշխատանքի ու ընկերական հարաբերությունների մասին:

Փոլի մոր՝ Էլիզայի սիրելի ընկերուհին նկարիչ Զաբել Բոյաջյանն էր, որը հեղինակել է բազմաթիվ դիմանկարներ եւ բնանկարներ։ Հենց նա է ստեղծել Րաֆֆու եւ զորավար Անդրանիկի յուղաներկ դիմապատկերները։

Լինելով աստղային ամերիկահայերի բարեկամներ, Իգնեշիուսներն իրենք են այսօր ամենահայտնի ամերիկահայ գերդաստանը, որի սերունդները հաջողության են հասնում գրականությունից միչև լրագրություն, հանրային գործից մինչև գործարարություն։


Հետևեք newmag-ին Instagram-ում և Telegram-ում


 

Գրել կարծիք