Doing Business զեկույց. Հայաստանը 41-րդն է, և պետք է լուծել շինթույլտվության, սնանկության ու հարկերի խնդիրները

May 7, 2019

Եկող տարի գործարար միջավայրի բարելավման համար Հայաստանը երեք ցուցանիշ պետք է բարելավի՝ շինթույլտվությունը, սնանկության ճանաչումն ու հարկերի վճարումը: Այս ոլորտներում Հայաստանը ցածր դիրքում է: Այս տարվա զեկույցում շինթույլտվությունը գտնվում է 98-րդ տեղում, սնանկությունը՝ 95, հարկերի վճարումը` 88-րդ: Փոխնախարարը հայտնեց, որ վերանայելու են շինթույլտվությունները:


«Կներդրվի դրանց էլեկտրոնային համակարգ, ինչը կավելացնի թափանցիկությունը», - նշեց Տնտեսական զարգացման և ներդրումների փոխնախարար Ալբերտ Բաբայանը:



Համաշխարհային բանկի Doing Business 2019 զեկույցում նշվում է, որ Հայաստանը պետք է լուծի խնդիրները նաև սնանկության մասով: Օրինակ՝ կան ֆինանսական դժվարություններ ունեցող ձեռնարկություններ, որոնք լուծարվում են, և պարտատերերը չեն կարողանում գումարներն ամբողջ ծավալով հետ ստանալ:

«Պետք է այնպես անել, որպեսզի ձեռնարկությունը ֆինանսական առողջացման միջոցով շարունակի իր գործունեությունը», - տեղեկացրեց Ալբերտ Բաբայանը :



Հարկերի վճարում: Սա վերաբերում է ԱԱՀ դեբետայինն մնացորդների վերադարձմանը:

«Պետք է հաշվի առնել, թե որքան ժամանակ է պետք դեբետային մնացորդները վերադարձնելու համար», - տեղեկացրեց Բաբայանը:





Կարդացեք նաև.



Զեկույցում գնահատվում է նաև էլեկտրականության միացման ցուցիչը: Նախկինում տնտեսվարողը էլեկտրականությանը միանալու համար նախ պետք է գնար Հայաստանի էլեկտրական ցանցեր, դիմում ներկայացներ, կնքեր միացման պայմանագիր, հետո որոշ ժամանակ անց կնքեր մատակարարման պայմանագիր:

«Հիմա կարող է գնալ Հայաստանի էլեկտրական ցանցեր, ստանալ միակողմանի ստորագրված պայմանագիր և, ըստ ժամանակացույցի, միանալ հոսանքին», - ասաց փոխնախարար Բաբայանը:



Ալբերտ Բաբայանի խոսքով՝ եթե Հայաստանը հաջողությամբ իրականացնի այս աշխատանքները, եկող տարվա զեկույցի առաջին քսանյակում հայտնվելու, նույնիսկ տասնյակին մոտենալու մեծ շանս կունենա:


Հետևեք   newmag-ին    Telegram–ում և    Instagram–ում