«Մոխրագույնի 50 երանգները» եռագրության հեղինակը նոր 18+ գիրք է գրել
January 28, 2019
Ջեյմսի մոխրագույն եռագրությունն աշխարհով մեկ վաճառվել է ավելի քան 150 միլիոն օրինակով: Եռագրության հիման վրա նկարահանած ֆիլմերը միջազգային տեսավարձույթում նույնպես ռեկորդակիր էին՝ 1 միլիարդ դոլար:
«Չափազանց ուրախ եմ, որ վերջապես ընթերցողներիս կարող եմ նոր գիրքս ներկայացնել: Կարելի է ասել այն 21-րդ դարի Մոխրոտիկն է: Մաքսիմի ու Ալեսիայի պատմությունը մեծ ճամփորդություն է, հույս ունեմ ընթերցողներիս դուր կգա վեպի հուզիչ ու զգայուն պատումները և նրանք, ինչպես ես, կսիրահարվեն հերոսներին».-ասել է Ջեյմսը:
Կարդացեք նաև.
Էդգար Պոյի «Ագռավը» կարող էր թութակ լիներ
«Գրում եմ, որովհետև առեղծվածների սիրահար եմ». Թանա Ֆրենչ
Ինչպե՞ս ընթերցանությունը դարձնել սովորություն
Վեպի գլխավոր հերոս Մաքսիմ Թրավելյանը արիստոկրատ անգլիացի է, իսկ Ալեսիա Դեմաչին՝ գեղեցիկ, տաղանդավոր և միևնույն ժամանակ առեղծվածային: Նրանց կյանքի պատմությունը լի է անցյալի վտանգավոր սպիներով: Հրատարակիչ Էն Մեսիթի կարծիքով Է.Լ. Ջեյմսի նոր վեպը ստիպում է ընթերցողին փախչել իրական կյանքից ու խորասուզվել վեպի հերոսների ինտիմ կյանքը.
«Նրանք, ովքեր կկարդան գիրքը, վստահ, զարմանալու են: Ջեյմսը կրկին իր ոճի մեջ է. էրոտիկ սիրավեպ, որի հիմքում արկածախնդրությունն է ու անսպասելիությունը: Ջեյմսի գիրքը աշխարհ է վարագույրից այն կողմ, աշխարհ՝ որը քչերիս է տեսանելի»:
Նոր վեպում ընթերցողները նմանություններ կգտնեն Ջեյմսի նախորդ գրքերի հետ: Վեպի գլխավոր հերոսը մեծահարուստ է, որը սիրահարվում է «սովորական» աղջկա: Սակայն, եթե եռագրությունում Քրիստիան Գրեյն էր ծանր մանկություն ու տհաճ անցյալ ունեցել, ապա նոր վեպում Ալեսիան է տառապում անցյալի դառը հիշողություններից: