Միլթոն Ֆրիդմեն
Շատերն ուզում են, որ կառավարությունը պաշտպանի սպառողին։ Շատ ավելի հրատապ խնդիր է սպառողին պաշտպանել կառավարությունից։
Հեղինակի մասին
Մոնետարիզմի հիմնադիր Միլթոն Ֆրիդմենը (1912-2006), ամերիկացի ականավոր տնտեսագետ է, տնտեսագիտության ասպարեզում Նոբելյան մրցանակի դափնեկիր(1976)։ Նա տնտեսագիտության նեոդասակայն ուղղության չիկագոյական դպրոցի առաջատար ներկայացուցիչներից մեկն է։ Եղել է ԱՄՆ նախագահ Ռոնալդ Ռեյգանի և Մեծ Բրիտանիայի վարչապետ Մարգարետ Թետչերի խորհրդականը։ Նրա քաղաքական փիլիսոփայությանհիմքում ազատ շուկայական տնտեսական համակարգն է և կառավարության նվազագույն միջամտությունը հասարակական գործերին։ Ֆրիդմենը «Կապիտալիզմ և ազատություն» գրքում (1962) պաշտպանում է կամավոր զինծառայությունը, դրամի փոխանակման ազատ լողացող կուրսը, բժշկական հավաստագրումների վերացումը, բացասական եկամտահարկի և դպրոցական (կրթական) վաուչերների ներդրումը։ Econ Journal Watchամսագրի հետազոտության (2011)համաձայն՝ Ֆրիդմենը ճանաչվել է 2-րդ աշխարհում առավել մեծ ժողովրդականություն վայելած տնտեսագետը 20-րդ դարում։
Աշխարհը գրեթե առեղծվածի հասնելու չափ բարդ է, ապագան՝ անկանխատեսելի, իսկ մարդկանց կենսապայմանների բարելավմանն ուղղված քաղաքականությունը, որպես կանոն, հանգեցնում է միայն իրադրության վատթարացման:
Միլթոն Ֆրիդմեն
Ինչպե՞ս օգուտ քաղել կառավարության խոստումներից՝ միաժամանակ խուսափելով անհատի ազատությանը սպառնացող վտանգներից։ Այս դասական գրքում Միլթոն Ֆրիդմենը շարադրում է տնտեսագիտության չափազանց ազդեցիկ մի փիլիսոփայություն, որի համաձայն մրցակցային կապիտալիզմը տնտեսական ազատության հասնելու միջոց է և քաղաքական ազատության անհրաժեշտ պայման:
Ֆրիդմենի «Կապիտալիզմ և ազատություն» գիրքը տնտեսագիտության տեսության վերաբերյալ երբևէ լույս տեսած ամենանշանակալի աշխատություններից է։ Վաճառվել է ավելի քան մեկ միլիոն օրինակ։ Թարգմանվել է 18 լեզվով և շարունակում է ամբողջ աշխարհում սնել տնտեսագիտական միտքն ու քաղաքականությունը:
Հասարակությունը, որը հավասարությունն ազատությունից առաջ է դասում, չի ստանա ոչ մեկը: Հասարակությունը, որը ազատությունը վեր է դասում հավասարությունից, կստանա երկուսն էլ: