Ի՞նչ անել, եթե «Գահերի խաղը» ավարտվել է. երկրպագուների պատասխանը

Ի՞նչ անել, եթե «Գահերի խաղը» ավարտվել է. երկրպագուների պատասխանը

Մայիսի 20-ին դուրս եկավ «Գահերի խաղը» սերիալի վերջին էպիզոդը:

Վերջ, սագան ավարտվեց: Մնացել են շատ հարցեր ու գլխավորը՝ ինչպե՞ս ապրել սրանից հետո: Այս հարցին պատասխանել են տարբեր մասնագետներ ու ֆիլմի սիրահարներ:

Իրինա Ռոգավա | YouTube-ի հաղորդավար ու փոդքաստերի հեղինակ

Ութ տարի: Ութ հիանալի ու երկար տարիներ ես նայում էի «Գահերի խաղը»: Ութ տարի ես ուրախանում էր կերպարների համար, հպարտանում նրանց հաջողություններով, արցունք թափում անժամանակ հեռացած սիրելի հերոսներիս համար ու ցնդում էի, թե որքան դաժանաբար նրանք հեռացան: Սա լավագույն սերիալն էր, որ ես երբևէ նայել եմ: Կլինի էլ սյուժե, որ ինձ այդպես գամի էկրանին: Ինձ համար շատ դժվար է բաց թողնել «Գահերի խաղը», Բայց ամեն մի լավ բան մի օր վերջանում է:

Ինչպե՞ս ապրել. Չգիտեմ, գաղափար չունեմ

Չնայած, սպասեեք: Ախր, ես դեռ գրքերը չեմ կարդացել: Հենց դրանով էլ կզբաղվեմ:

Պոլինա Նակրայնիկովա | գլխավոր խմբագիր

Իմ կյանքում երեք սերիալ է եղել, որոնք ամբողջությամբ ինձ դուրս են բերել իրականությունից՝ «Breaking Bad», «Dexter» ու «Game of Thrones»: Վերջինը ես երկար ժամանակ հրաժարվում էի նայել: Բոլոր ծանոթներս սագան նկարագրում էին, որպես վիշապների մասին ֆիլմ, կամ էլ ասում էին, որ բոլորը մերկ են: Այդ ամենը չէր հնչում, որպես ինչ-որ անհավանական սյուժեյով գեղարվեստական ֆիլմ: Բայց ինչպես էին բոլորը սխալվում: Սագան ինձ գրավեց հենց առաջին սերիաներից: Ես դրանք նայեցի մեկ շնչով՝ մեկ շաբաթվա ընթացքում տնից դուրս չգալով:  Այսօր առավոտյան ես անջատեցի բոլոր չատերը, մի կողմ դրեցի նախաճաշս ու քարացած սկսեցի նայել վերջին էպիզոդը: Ներսումս ամեն ինչ կծկվում էր, որովհետև իմ աչքերի առաջ հեռանում էր մի ամբողջ դարաշրջան: Այլևս չեն լինի Տիրիոնի կատակները, այն ահեղ վիշապները, ապշեցնելու աստիճանի բաց տեսարանները, առանց անունների աղջիկները ու այն ամենը, ինչի համար զոհել եմ իմ հոգեթով երեկոները:

Ինչպե՞ս ապրել. Գտնել նոր պատմություն, որը դուրս կքաշի ենթատեքստից ու գլխակորույս կհետաքրքրի: Ինձ համար դա հեշտ կլինի, չէ որ ես դեռ չեմ նայել միլիոնավոր կուլտային սերիալներ: Վերջիններից խորհուրդ եմ տալիս՝« Chernobyl»-ը,  մի քիչ հներից՝ «Russian Doll»-ը ու «The Handmaid’s Tale»-ը: Նորից կսկսեմ գիրք կարդալ: Ինձ սպասում են Ալեկսեյ Սալնիկովի «Петровы в гриппе и вокруг него» հիանալի վեպը, Եվգենի Վոդոլազկինի «Ավիատորը»:  Կկարողանա՞մ հաճույք ստանալ այս ամենից, ինչպես «Գահերի խաղը» ֆիլմից, ինչո՞ւ՝ ոչ: Բայց ամեն անգամ սիրտս կթռնի՞, երբ ինչ-որ մի տեղից պատահաբար լսեմ ծանոթ «Դրակարիս» բառը: Բոլորս էլ գիտենք պատասխանը:

Ալեկսեյ Պոնոմար | Հրատարակիչ

Աշխարհը կառավարում են պատմությունները, ու ավարտվեց հեռուստատեսության ու կինոինդուստրիայի ամենամեծ պատմություններից մեկը: Եկեք մի կողմ թողնենք՝ դա ընդամենը հիմար սերիալ էր կամ էլ՝ ինչպե՞ս ապրել սրանից հետո հարցերը: Եկեք, առաջին հերթին ապրենք շնորհակալությամբ, որ մենք բոլորս այդ ուղին անցել ենք այդ հրաշալի թիմի, դերասանների հետ, որոնք մեծացան/ծերացան մեր աչքի առաջ (որոշները նույնիսկ մահացան): Ութ տարին շատ է: Աշխարհն է փոխվել, մենք ենք փոխվել: Ժողովուրդ… այս ամենն, ինչ ասեցի պարզապես պաթոս է: Իրականում մի բան եմ ուզում ասել.

-Սիրելի Ջ. Ռ. Մարտին, շնորհակալություն ամեն ինչի համար, ինչ դու արել ես: Բայց դու դեռ մի մահացիր, ավարտիր ֆինալի քո տարբերակը ու տուր մեզ հնարավորություն էլի մի քիչ ապրել քո ստեղծած աշխարհում:

 

lifehacker


Հետևեք   newmag-ին    Telegram–ում և    Instagram–ում


Գրել կարծիք