«Ես այս գիրքն ընդունել եմ որպես հանրային ծառայություն»․ Հովհաննես Նիկողոսյան

«Ես այս գիրքն ընդունել եմ որպես հանրային ծառայություն»․ Հովհաննես Նիկողոսյան

Գրքի թարգմանչի խոսքով՝ գիրքը նպատակ ունի հայ ընթերցողին ներկայացնել տարբեր երկրներում՝ զարգացած կամ զարգացող, պոպուլիստ առաջնորդների հաղթանակից հետո առաջացած սոցիալ-քաղաքական խնդիրների մանրամասն վերլուծություն։

Ամերիկյան համալսարանը հպարտությամբ տեղեկացնում է, որ «Քաղաքագիտության և միջազգային հարաբերություններ» ֆակուլտետի պրոֆեսոր Հովհաննես Նիկողոսյանը թարգմանել է Յան-Վերներ Մյուլլերի հեղինակած «Ինչ է պոպուլիզմը» գիրքը։

«Ես այս գիրքն ընդունել եմ որպես հանրային ծառայություն, քանի որ այն նպատակ ունի հայ ընթերցողին ներկայացնել տարբեր երկրներում, զարգացած կամ զարգացող, պոպուլիստ առաջնորդների հաղթանակից հետո առաջացած սոցիալ-քաղաքական խնդիրների մանրամասն վերլուծություն։ Կարծում եմ, Հունգարիայում, Լեհաստանում, Նիդերլանդներում, ԱՄՆ-ում, Մեծ Մրիտանիայում, Ռուսաստանում, Վենեսուելայում և այլ երկրներում տեղի ունեցած իրողություններին անդրադառնալը կհարստացնի Հայաստանում հասարակական դիսկուրսը։ Այն թույլ կտա կենտրոնանալ մեր խնդիրների վրա և որպես հասարակություն խուսափել պոպուլիզմի պատճառով առաջացած  նմանատիպ “սխալներից”, եթե կարելի է այդպես ասել», – ասել է գրքի թարգմանիչ Հովհաննես Նիկողոսյանը

Գրքի հայերեն թարգմանությունը հրատարակել է newmag ընկերությունը-։ Այն իր մեջ ներառում է նախաբան, որը գրել է ՀՀ արտաքին գործերի նախկին փոխնախարար և ԱՄՆ-ում և Իտալիայում ՀՀ նախկին դեսպան Ռուբեն Շուգարյանը։ Քանի որ հեղինակը հղումներ է անում պատմական և քաղաքական այնպիսի իրադարձությունների, որոնք հավելյալ բացատրության կարիք ունեն, թարգմանությունը ներառում է քաղաքական տերմինների և արտահայտությունների բացատրություններ, որոնց ծանոթագրումը կատարել է միջազգային լրագրող-մեկնաբան Դավիթ Սարգսյանը։

«Մեծ քանակությամբ ծանոթագրությունները նույնիսկ ոչ քաղաքական մարդկանց համար գիրքը կդարձնեն հեշտ ընկալելի», – ասել է Հովհաննես Նիկողոսյանը

Հայերեն թարգմանության խմբագիր Գնել Նալբանդյանի խոսքով՝ տեքստի կառուցվածքն ընթերցողների համար հեշտացնում է տեղեկության ընկալումը, մտապահումը և բովանդակության վերարտադրումը։

Signed by Müller for Nikoghosyan

Ստորագրված է գրքի հեղինակի կողմից՝ Հովհաննես Նիկողոսյանին՝ գիրքը հայերեն թարգմանելու համար։

 

Նյութի հղումը՝ AUA NEWSROOM


Հետևեք newmag-ին Telegram–ում և Instagram–ում


Գրել կարծիք