Շարջան դառնում է ԱՄԷ-ի տուրիստական նոր ուղղությունը

Շարջան դառնում է ԱՄԷ-ի տուրիստական նոր ուղղությունը

newmag-ի լրագրողը այցելել է ԱՄԷ-ի Շարջայի Էմիրություն։ Նա տեսել է էմիրաթի ամենագեղեցիկ, գողտրիկ վայրերը և հիմա պատմում է, թե որտեղ և ինչպես կարելի է հանգիստն անցկացնել։

Շարջայի արևելյան ափը կդառնա ԱՄԷ-ի տուրիստական նոր ուղղությունը

Խորֆականում թողարկել են մասշտաբային ծրագիր․ երեքկիլոմետրանոց ծովափը կդառնա բաց երկնքի տակ զվարճանքի կենտրոն, որը կկառուցվի ժամանակակից ինֆրաստրուկտուրայով։

 

Շարջայի ներդրումների կառավարման և զարգացման նախարարությունը հայտարարել է նոր ծրագիր, որն ուղղված կլինի Շարջան համաշխարհային դասի տուրիստական նոր ուղղություն դարձնելուն։ Այն բաժանված կլինի մի քանի մասի, ներառյալ երեքկիլոմետրանոց ծովափի ռենովիացիան և Էմիրաթի արևելյան ափում՝ Խորֆականում, շինարարություն։ Ծովափի մոտակայքում կլինեն ռեստորաններ, խանութներ, 170 համարանոց Օմանի նեղուցի տեսարանով հյուրանոցներ, ամֆիթատրոն, մարզադաշտ, վազքուղիներ։ Շինարարության առաջին փուլը կսկսվի այս տարվա դեկտեմբերին։

Շարջայում բացվել է առաջին 5 աստղանի բուտիկ-հյուրանոց Al Bait-ը

Հյուրանոցը գտնվում է պատմական «Շարջայի սիրտը» թաղամասում և իրենից ներկայացնում է հին տների յուրօրինակ հավաքածու։ Դրանք մի ժամանակ պատկանում էին տեղացիներին, որոնք Շարջայի պատմության վրա մշակութային, ինտելեկտուալ և քաղաքական ազդեցություն են ունեցել։ Այստեղ կան լողավազանով սպա-կոմպլեքս, սաունաներ և համամ, երկու ռեստորան, սրճարան, հուշանվերների խանութ, թանգարան և գրադարան։

Al Bait-ը (արաբերենից թարգմանաբար նշանակում է «տուն») ունի 53 շքեղ համար, որոնք կառուցված են արաբական ոճով։ Ուշադրություն դարձնելով մասշտաբի և այս ծրագրի կարևորության վրա՝ մշակութային ժառանգությունը վերականգնելու և պահպանելու առումով,  GAJ  բրիտանական ճարտարապետական բյուրոն ստեղծել է օրիգինալ ինտերիեր բնական նյութերից, կարևորել է այս տարածքի պատմական տեսանկյունից արժեքավոր լինելը։

Հյուրերին առաջարկում են սրճարան թեյի մեծ տեսականիով, սուրճ, արաբական քաղցրեղեն և դեսերտներ, պաղպաղակի խանութ, սպա-կենտրոն լողավազանով, համամ, սաունա, ջակուզի, մերսման սենյակներ, և բիզնես կենտրոն՝ բանակցությունների սենյակներով։

Al Bait-ի տարածքում է գտնվում թանգարան և գրադարան, որտեղ պահպանվում են պատմական փասատաթղթեր և Ալ Միդֆա ազդեցիկ ընտանիքի հին իրերը։ Հյուրանոցից մի քանի քայլ հեռավորության վրա կան թանգարաններ, արվեստի սրահներ և Ալ Արսայի, Ալ Շանասիյայի և Ալ Մասկուֆի ավանդական շուկաները։ Հյուրերը կարողանում են ամբողջությամբ ընկղմվել հին արևելքի միջավայրի և էմիրաթի պատմության մեջ։

Al Bait բուտիկ-հյուրանոցն ունի մեքենաների շղեք պարկ, որը ներառում է Մերսեդեսի վերջին մոդելները և կուլտային 1976 թվականի Mercedes Pullman լիմուզինը, ունի նաև ուղղաթիռի հրապարակ։

Շարջայում լույսի փառատոնն անցկացվում է փետրվարի 6-16-ը

Այս տարի Շարջայում անցկացվել է 9-րդ ամենամյա լույսի փառատոնը։ Ծրագրում լուսային շոու կար, 3D ինստալյացիաներ և երաժշտական ներկայացումներ համաշխարհային արտիստների մասնակցությամբ։

Շոուներն անցկացվում են ամեն երեկոյան ժամերին։ Բացի այդ, ամեն երեկո Հալիդի ծովածոցում կարելի է տեսնել ջրային գեղեցիկ ներկայացում։ Ֆեստիվալի օրերին լուսավորվում են Շարջայի շինությունները՝ ընգծելով դրանց ճարտարապետական տեսքը։

Շարջայի լույսի փառատոնը համարվում է տարածաշրջանի ամենակարևոր իրադարձություններից մեկը և համաշխարհային ճանաչում ունի։ Ամեն տարի այդ առիթով այնտեղ են այցելում հազարավոր զբոսաշրջիկների տարբեր երկրներից։ Այս տարի իշխանությունները սպասում են մեկ միլիոն զբոսաշրջիկի։

Շարջայում բացվել է առաջին էկոկուրորտը

Շարջայի արևելյան ափին, Կալբայի մանգրենի արգելավայրում, բացվել է էմիրաթում առաջին Kalba Kingfisher Lodges էկոռեզորթը։

Կուրորտը 25 շքեղ վրան ունի՝ յուրահատուկ լողավազաններով, սպա-կենտրոնով, ռեստորանով և բաց երկնքի տակ հանգստի վայրով։ Վրաններից գեղեցիկ տեսարան է բացվում դեպի Հնդկական օվկիանոսի ափը և մանգրենի անտառը։ Հյուրերը առողջարանային կենտրոնի սպորտային և սպա-ծրագրերի մեծ ընտրություն ունեն։ Kalba Kingfisher Lodges-ի ռեստորանում կարող են պատրաստել ճաշատեսակներ ըստ հյուրերի ցանկության և մատուցել դրանք հենց համարում։

Հյուրանոցի կոնցեպցիան և աշխարհագրական դիրքի շնորհիվ հյուրերը միայնակ լինելու և հանգստանալու հնարավորություն ունեն․ զբոսանք ԱՄԷ-ի ամենահին մանգրենի անտառում, տեսնել յուրահատուկ ֆլորան և ֆաունան։

Հյուրանոցի տարածքում կա նաև բանակցությունների սենյակ՝ ժամանակից տեխնիկայով, որը հարմար հարթակ է կորպորատիվ միջոցառումներ անցկացնելու համար։ Պանորամային ռեստորանը կդառնա լավագույն վայրը ընտանեկան խնջույքներ կամ հարսանիքներ կազմակերպելու համար։

Մլեյհա անապատը էքստրիմի սիրահարների համար է

Եթե որոշել եք հնագիտական զբոսաշրջությամբ զբաղվել, կարող եք այցելել Մլեյհա հնագիտական կենտրոն։ Այնտեղ հավաքված են այդ հատվածում գտնված հնագիտական բոլոր իրերը։ Դրա ամենակենտրոնում ճաշասենյակ կա, որտեղ կարելի է համտեսել համեղ կերակուրներ և ըմպել մեկ բաժակ բուրավետ սուրճ։

Ձեզ սպասում է այցելություն Մլեյհայի անհավանական վայրերը։ Կարելի է լրացնել ադրենալինի պակասը և ամենագնացներով պտույտներ անել սաֆարիում։ Շարջայի ցանկացած հյուրանոցից կարող եք ուղևորվել անապատ, ճամբարում անցկացնել արաբական գիշերը՝ պատրաստելով բարբիքյու և տեսնել, թե ինչպես է արևը մայր մտնում։

 

 

 

 


Հետևեք   newmag-ին    Telegram–ում և    Instagram–ում


 

Գրել կարծիք