Ծառայողական սիրավեպ. ի՞նչ է սա և ի՞նչ անել բաժանումից հետո
August 7, 2017
Այսպիսով, ձեզ մոտ ավարտվել է ծառայողական սիրավեպը։ Մոռացել եք նախկինի հետ կապված բոլոր հիշողությունները, սոց․ցանցերից ջնջել եք համատեղ նկարները, նրանից բողոքել եք ընկերներին և ընկերուհիներին։ Առաջարկում եք մի քանի պարզ խորհուրդ, որպեսզի շատ ծանր չտանեք բաժանման հետևանքները, նույնիսկ, եթե ձեր նախկին զուգընկերը նստած է հարևան աթոռին:
Հարաբերությունների ցանկացած ընդհատում ցավալի է, բայց գրասենյակում այն ուրիշ է։ Ցավոք, կարևոր չէ, միասին եք որոշել դա, թե ձեզնից ինչ-որ մեկը։ Սա պատճառ չէ, որպեսզի փոխեք աշխատանքը։ Տեսնենք, թե ինչ կարելի է անել, որպեսզի հարթվեն բաժանման հետևանքները։
1․Խոսելիս չեզոք եղեք
Հուսով ենք, որ ի սկզբանե զուգընկերոջ հետ պայմանավորվել էիք չխառնել աշխատանքային և անձնական հարցերը։ Եթե ոչ, ապա հիմա ճիշտ ժամանակն է այդպես անել։ Թույլ մի տվեք փոխհարաբերությունները փչացնեն ձեր համբավը կամ ազդեն աշախտանքի արդյունավետության վրա։
Աշխատավայրում թույլատրվում են միայն գործանական հարաբերությունները և դրան պետք է առաջին հերթին ինքներդ հետևեք։
Նույնիսկ, եթե մնացել եք ընկերներ և պահպանել եք լավ հարաբերություններ, տեղափոխեք դրանք աշխատանքային պրոցեսից դուրս։ Հիշեք, որ ձեր միջև ամեն ինչ ավարտվել է։
2․ Մասնագիտական վարվելակերպը
Վերաբերվեք նախկինին այնպես, ինչպես մյուս գործընկերներին, նույնսիկ եթե թվում է անհնար։ Շփվեք հարգալից (նույնիսկ եթե վերջերս եք բաժանվել) և միայն աշխատանքային թեմաներով։ Ոչ մի լեզվական խայթիչ նկատողություն: Գրասենյակում փոխադարձ հայհոյանքների պատճառով ոչ ոք իրեն լավ չի զգա։
Դժվար է մնալ կորպորատիվ վարվելակերպի շրջանակում, եթե նախկինը սկանդալ է հրահրում և իրեն պահում է անհաջող երեկույթից վերադարձած նեղացած դպրոցականի պես։ Տափակ է, բայց արհամարումից բացի այլ միջոց գոյություն չունի։
3․ Ոչ մի շշուկ
Հարաբերությունների ավարտից հետո մեծ ցանկություն է առաջանում ինչ-որ մեկի հետ կիսվել այդ մասին: Սա առաջին կարևոր կետն է «Ի՞նչ անել հարաբերությունների ավարտից հետո» թեմայում , բայց պայմաններն այլ են ծառայողական սիրավեպի դեպքում։
Գործընկերներին մի պատմեք ձեր բաժանման պատճառների մասին։
Եթե ներքին ձայնը վրեժ է պահանջում և հուշում է, թե ինչպես փչացնել զուգընկերոջ համբավը, ոչնչի չեք հասնի, և ձեզ վատ դրության մեջ կդնեք։
Կրակին յուղ մի ավելացրեք, այլապես ձեր պատմությունը կվերածվի գրասենյակային հեքիաթի և խոսքից խոսք անցնելով զարհուրելի պատմություն կդառնա։
Ոչ մի անփութություն
Ի դեպ, նկարների, գաղտնիքների և կոմպրոմատների մասին: Այդպիսի կրքերը թողեք սերիալների սցենարիստներին և գրասենյակը մի դարձրեք օճառային օպերայի նկարահանման վայր:
Եթե բաժանվել եք, դա պատճառ չէ հետաձգել հաշվետվությունը, ուշ ժամին տրամադրել փաստաթղթերը կամ փչացնել հաճախորդի հետ նախկին ընկերոջ հանդիպումը: Ձեր միջև կարող էր ամեն ինչ լինել: Բայց, եթե կազմակերպությունում ինչ-որ մեկը սկսում է վատ աշխատել, տուժում են բոլոր աշխատողները:
Աշխատավայրում լողում եք մի նավակով, այնպես որ թշնամանք մի տածեք:
Կրճատեք շփումը
Այպիսով, ընդունել եք այն փաստը, որ ձեր հպարտությունը պետք է զսպեք, բացասական զգացմունքները վերացնել և շարունակել աշխատել այդ մարդու հետ: Սա չի ենթադրում 40 աշխատանքային ժամ շփում:
Քանի դեռ վերքը թարմ է, օգտագործեք խուսափելու նախկին ռազմավարությունը: Նախկինների պատճառով պետք չէ բաց թողնել կորպորատիվները, բայց միշտ հնարավորություն կա օրվա կարգացուցակը այնպես կազմել, որպեսզի նվազագույնի հասցնեք շփումները:
Աշխատանքի եկեք մի փոքր վաղ, որպեսզի միջանցքով չանցնեք ճնշող լռությամբ: Մի վազեք ընդմիջման, երբ նախկինի ընդմիջման ժամանակն է, կամ ընդմիջման գնացեք որևէ մեկի հետ:
Եթե զգացմունքները ուժեղ են և չեք կարողանում հանգիստ աշխատել, մի քանի շաբաթով արձակուրդ մեկնեք:
6. Կառավարեք ձեր զգացմունքները
Ինչ-որ պահի կմտածեք միայն բաժանման մասին: Դա նորմալ է, բոլորս էլ մարդ ենք: Բայց պետք չէ տառապել, որ նախկինը պատրաստվում է նոր ժամադրման: Ավելորդ էներգիան ուղղեք աշխատանքի վրա:
Սա միշտ հեշտ չէ, բայց փորձեք զգացմունքները գրասենյակից դուրս թողնել: Աշխատանքի վրա կենտրոնացումը կազատի ձեզ տառապանքներից: Եվ ղեկավարին ցույց կտաք, թե ինչ լավ եք աշխատում:
7. Մի խոսեք ձեր մասին
Մի պատմեք անձնական կյանքի մասին: Վաղ թե ուշ ձեզ մոտ նոր հարաբերություններ կսկսվեն:
Նույնիսկ եթե ամեն ինչ անցյալում է, մի արթնացրեք վիրավորանքի զգացումը և մի աղաղակեք, որ արձակուրդ եք մեկնում նոր ընկերոջ հետ:
Բամբասանքի առիթ մի տվեք և մի փորձեք նախկինին ցույց տալ ձեր անսահման երջանկությունը:
Եթե ձեզ հարցնում են մանրամասնություննների մասին, ավելի լավ է ընդհատել խոսակցությունը: Ամեն դեպքում անձնականը պետք է անձնական մնա:
8. Հիշեք ձեր փորձը
Ծառայողական սիրավեպի դեպքում չկա ոչ մի զարմանալի կամ վատ բան: Աշխատավայրում բավականին երկար ժամանակ ենք անցկացնում, և բացահայտում ենք շատ գործընկերների գրավիչ կողմերը:
Բայց, քանի դեռ վերականգնվում եք անհաջող հարաբերություններից հետո, գնահատեք հետևանքները: Արժե՞ր այդ սիրավեպը նման տանջանքների: Ինչ էլ որոշելու լիենք, առանձնացրեք բոլոր դրական և բացասական կողմերը: Հատկապես երբ նոր հարաբերություններ կառուցելու շեմին եք: