«Ի՞նչ կատարվեց». Հիլարի Քլինթոնը գիրք է գրել ընտրություններում իր պարտության մասին և մեղադրել բոլորին
«Ինչ կատարվեց» խորագրով հուշագրությունը Քլինթոնը ներկայացրել է Նյու Յորքում: Քլինթոնը ամբողջ գրքում փորձում է բացատրել իր պարտության պատճառները՝ մեղադրելով շատերին: Նախ, դեմոկրատների մյուս թեկնածու Բերնի Սանդերսին, որը, ըստ Քլինթոնի, տարավ երիտասարդների ձայները և շատ ուշ հանեց թեկնածությունը իր օգտին:
Մյուս մեղավորը մամուլն է, որը չափից դուրս շատ ոգևորված լուսաբանեց պետքարտուղարի գաղտնի նամակագրության կանոնների խախտումը:
Հաջորդ մեղավորը՝ Հետաքննությունների դաշնային բյուրոյի նախկին տնօրեն Ջեյմս Կոմին է, որը ընտրությունից մի քանի օր առաջ վերաբացեց նամակագրության հետաքննությունը, բայց Թրամփին հսկայական ծառայություն մատուցած պաշտոնյային ի վերջո հեռացրեց հենց Թրամփը:
Մեղավոր է նաև ընտրիչների խորհուրդը, որը, ըստ Քլինթոնը, պետք է կրճատվի: Մեղավոր է Թրամփը, որը չափից դուրս շատ խաղաց պահպանողական զգացմունքների վրա: Գլխավոր մեղավորներից է նաև Ռուսաստանի նախագահը: Գրքում Ռուսաստանն ու Պուտինը հիշատակվում են 333 անգամ:
ԱՄՆ ընտրությունների մասին գրել ենք.
- Դոնալդ Թրամփը ԱՄՆ 45-րդ նախագահն է. ինչպե՞ս դա պատահեց
- Դոնալդ Քլինթո՞ն, թե՞ Հիլարի Թրամփ. ամերիկացիների ընտրության պատճառները
- Ինչպես է հնարավոր կեղծել ԱՄՆ նախագահական ընտրությունները. ընտրահամակարգի բացատրություն
Քլինթոնը երկար պատմում է իր և Վլադիմիր Պուտինի միջև անձնական անբարյացակամության մասին՝ եզրակացնելով, որ դրա պատճառը 2011-ի իր հայտարարությունն է, ըստ որի Ռուսաստանում ցուցարարների ձայները պետք է լսելի լինեն: Քլինթոնը նշում է, որ Պուտինը չի հարգում կանանց և տանել չի կարողանում իրեն հակաճառողներին՝ պնդելով, որ այս երկու պատճառներով էլ Պուտինը իրեն չէր սիրում:
Նախկին պետքարտուղարը ավելի է խորացրել ընտրություններին ռուս հաքերների միջամտության սկանդալը՝ հայտարարելով, որ Ռուսաստանը անհավանական լկտիությամբ միջամտել է ամերիկյան ժողովրդավարությանը և մնացել անպատիժ: Քլինթոնը նաև պնդում է, որ ամերիկյան հատուկ ծառայությունների տեղեկություններով ռուս հակքերները հստակ հանձնարարություն են ստացել աջակցել Թրամփին: Ավելին, նրանք, ըստ Քլինթոնի, հանրապետական կուսակցության ուղղարդմամբ էլ կոտրել և հրապարակել են դեմոկրատների կուսակցական շտաբի տվյալները:
Քլինթոնը նաև պնդում է, որ ռուսների և Թրամփի թիմի միջև եղել են շփումներ, որոնք ընթացել են լիարժեք փոխըմբռնման մթնոլորտում: Բայց գրքի ամենաուշագրավ պնդումն այն է, որ, ըստ Քլինթոնի, Պուտինը միշտ էլ ցանկացել է վրեժ լուծել իրենից, քանի որ ինքը դեռ շատ վաղուց էր հասկացել, որ Պուտինը աճող սպառնալիք է Միացյալ Նահանգների համար:
Չնայած ուղղակի փաստերի բացակայությանը և Ռուսաստանի կողմից բազմաթիվ հերքումներին՝ Քլինթոնը ընդգծում է, որ Ռուսաստանը կշարունակի հաքերային միջամտությունները Միացյալ Նահանգներում նաև ապագայում:
Տարածել
Կարդա նաև
Newmag-ը հրատարակել է Արմեն Դավթյանի «Հազարամյակների և օրերի միջով» պոեզիայի ժողովածուն (թրեյլեր)
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)
Առաջին գրողն Արևմտյան Աֆրիկայից, որը արժանացել է Ֆրանսիայի ամենահեղինակավոր գրական Գոնկուր մրցանակին (տեսանյութ)
Տեղի ունեցավ Էլենա Ֆերանտեի «Կորած երեխայի պատմությունը» գրքի հեռուստաշնորհանդեսը (տեսանյութ)