[InterPress] Ընկել է ISIS-ի վերջին հենակետը, սակայն առաջնորդների մասին տեղեկություն չկա
Ավելի քան 10 շաբաթ տևած ռազմական գործողությունները գյուղը վերագրավվելու համար ազդարարել են ISIS- ի ինքնահռչակ խալիֆայության ավարտը, հայտարարել է շաբաթ օրը Սիրիայի ժողովրդավարական ուժերի (SDF) ներկայացուցիչը:
Սիրիական ժողովրդավարական ուժերը հայտարարում են այսպես կոչված խալիֆայության և ISIS-ի 100 տոկոսանոց տարածքային պարտության և խմբավորման վերացման մասին: Այս յուրօրինակ օրը մենք հարգում ենք հազարավոր նահատակների հիշատակը, որոնց ջանքերով տոնում ենք այսօր հաղթանակ, նշված է SDF մամլո քարտուղար Մուստաֆա Բալիսեյդի շաբաթ օրվա գրառման մեջ:
SDF -ի հաղթանակի այս հաստատումից առաջ նախագահ Դոնալդ Թրամփը հայտարարել էր, որ ISIS խմբավորման պարտությունը սպասելի էր:
«ISIS- ը համացանցը ավելի լավ է օգտագործում, քան որևէ մեկը, բայց բոլոր նրանք, ովքեր ISIS- ի քարոզչության ներքո են, այժմ ծանր վիճակում են հայտնվել …. Նրանցով հիանալու ոչ մի առիթ չկա, նրանք միշտ փորձելու են ցույց տալ, որ դեռևս կա հույս, բայց նրանք միշտ կպարտվեն և կջախջախվեն : Մտածեք դրա մասին ձեր կյանքը և ձեր ընտանիքի կյանքը կործանելուց առաջ»,- նշված է Թրամփի ուրբաթ օրվա թվիթերյան գրառման մեջ: