Շառլ Ազնավուր

Մեղմ շշուկով

4800 ֏

Նկարագրություն

2009 թվականին Ֆրանսիայում հրատարակված այս գրքում Շառլ Ազնավուրն
անկեղծորեն խոսում է իր ընտանիքի անցյալի ու իր կարիերայի մեկնարկի դժվարությունների մասին։ Կարծես «կինոյի լեզվով» գրված այս գիրքն իսկապես վավերագրական վեպ է. ահա փոքրիկ Շառլը Լատինական թաղամասի իրենց նեղլիկ բնակարանում ծնողների ու քրոջ՝ Աիդայի հետ, Կարդինալ Լեմուան փողոցի Թատերական դպրոցում առաջին դերը, թատերական հյուրախաղերը։ Հետո՝ առաջին քայլերը շանսոնում, որը համարում էին «արվեստի երկրորդական տեսակ», եւ առաջին հոդվածներն «անդուր» արտաքին ու «զարհուրելի» ձայն ունեցող «ոչ ժողովրդական» երգերի «ձախողակ» կատարողի մասին, որը ելույթներ էր ունենում կաբարեներում եւ գիշերային ակումբներում: Հետո եկան հաջողությունը, փառքը, եւ իրար հաջորդեցին անհամար համերգները: Ամենասիրելին 1963 թվականին ԽՍՀՄ-ում տված առաջին համերգն էր։ Ազնավուրը գրքում բացատրում է, թե ինչու։ Նա պատմում է իր ստացած կյանքի դասերի եւ ճակատագրի հեգնանքի մասին, թե ինչպես է դպրոցական կրթությամբ ինքնուսը մի քանի տասնամյակ անց դառնում երեք համալսարանի պատվավոր դոկտոր: Խորհում է Շառլ Կրոյի երաժշտական մրցանակի մասին 20 տարի երազելու եւ այդ մրցանակից հրաժարվելու մասին։ Ազնավուրն անկեղծ զրույց է բացում ժամանակակից բարքերի, նորելուկ աստղերի,
ինքնագովազդի եւ, իհարկե, սիրո մասին։

Լրացուցիչ տեղեկություն

Օրիգինալ անունը À voix basse

Կատեգորիան Հուշեր

ISBN 978-9939-9217-4-7

Հրատարակության տարին 2019

Էջերի քանակը 208

Չափսը 14.5x22.3, կոշտ կազմ

Հեղինակ

Շառլ Ազնավուր

Շառլ Ազնավուրը (1924-2018) ծնվել է Փարիզում։ Երաժշտական կարիերան սկսել է 1940 թվականին։ Առաջին երգը՝ «Ես խմել եմ» (1944), Ժորժ Ուլմերի կատարմամբ, արժանացել է «Տարվա ձայնապնակ» մրցանակին։ Շառլի Աստեղային ժամը եկել է 1946-ին, երբ Էդիթ Պիաֆը նրան լսել ու պայմանավորվել է իր հետ տանել ԱՄՆ և Ֆրանսիա շրջագայությունների։ Համաշխարհային հռչակ ստացել է 1956-ին, երբ ելույթ է ունեցել Փարիզի «Օլիմպիա» դահլիճում։ Ազնավուրը ձայնագրել է 1200 երգ, նկարահանվել է մի քանի տասնյակ ֆիլմերում։ 2008-ին ստացել է ՀՀ քաղաքացիություն։ Ազնավուրը 9 գրքի հեղինակ է։

Գրքի թրեյլեր