Նկարագրություն
Երկուշաբթի կեսօրին Բեյվյու ավագ դպրոցի հինգ աշակերտներ տարբեր պատճառներով պատժվում են և պատիժը կրելու համար հայտնվում նույն սենյակում: Բրոնուինը խմբի ուղեղն է, երբեք ոչ մի օրենք չի խախտում, երազում է ընդունվել Եյլի համալսարան: Ադին խմբի գեղեցկուհին է՝ արքայադստեր տեսքով ու պահանջներով: Նեյթին բաժին է հասել հանցագործի պիտակը․ նա արդեն հասցրել է օրենք խախտել: Կուպերը մեծ պոտենցիալով մարզիկ է, բեյսբոլի ապագա աստղ: Խմբի հինգերորդ անդամը Սայմոնն է, որն աչքի է ընկել միայն դպրոցական բամբասանքի հավելված ստեղծելով: Պատժի սենյակ մտնում են հինգը, բայց ողջ են դուրս գալիս չորսը: Սայմոնն անհայտ պատճառով մահանում է։ Քննիչները վստահ են, որ դա դժբախտ պատահար չէ: Սայմոնը մահանում է երկուշաբթի։ Նա պլանավորել էր իր հավելվածում երեքշաբթի օրը ցնցող բացահայտումներ անել դասընկերների մասին: Այժմ սպանության մեջ կասկածվում է սենյակից ողջ դուրս եկած ամբողջ քառյակը: Ողջ մնացած չորս հոգին էլ մոտիվ ունեն: Չորսն էլ թաքցնելու բան ունեն: Եվ չորսն էլ կասկածելի կապ ունեն Սայմոնի հետ: Նրանցից առնվազն մեկը հաստատ ստում է:
Լրացուցիչ տեղեկություն
Օրիգինալ անունը One of Us is Lying
Կատեգորիան Գեղարվեստական
ISBN 978-9939-884-87-5
Հրատարակության տարին 2023
Էջերի քանակը 440
Չափսը 14.5x22.3, կոշտ կազմ
Թարգմանիչ Աստղիկ Աթաբեկյան
Հեղինակներ
Քարեն Մակմանուս
Քարեն Մակմանուսը (ծնվ. 1969 թ.) երիտասարդների համար նախատեսված թրիլլերների ամերիկացի հեղինակ է։ Նրա բոլոր ստեղծագործությունները դարձել են միջազգային բեսթսելլերներ: «Մեզնից մեկը ստում է» (2017) վեպը Մակմանուսի առաջին և ամենահաջողված գիրքն է, որն ավելի քան 150 շաբաթ մնացել է The New York Times-ի բեսթսելլերների ցանկում: Վեպը հետագայում դարձել է Մակմանուսի եռագրության առաջին գիրքը: Peacock-ը և Netflix-ն էկրանավորել են վեպը։ Մակմանուսի գրքերը թարգմանվել են 42 լեզուներով և ամբողջ աշխարհում վաճառվել ավելի քան 6 միլիոն օրինակ:
Թողնել կարծիք