Հուլիսի 16-ին կկայանա Newmag Summer Fest 2021-ը
Newmag Summer Fest-ը կսկսվի հուլիսի 16-ի կեսօրին եւ կտեւի ավելի քան 12 ժամ։
Փառատոնն ունի 5 լոկացիաներ, որոնցից յուրաքանչյուրում միաժամանակ ընթանալու են տարբեր գրական միջոցառումներ:
Փառատոնի ամբողջական ծրագիրը հասանելի է այս հղումով:
Գլխավոր վայրը քննարկումների սրահն է՝ Ground Hall-ը: Այստեղ կլինեն պանելային քննարկումներ՝ «Որքանով է նպաստում սպորտի զարգացմանը սպորտային գրականությունը», «ժամանակակից ռուս գրականությունը», «Կին գրողներն ու գրականություն կանանց համար, «Կորստի ցավն ու գրականությունը. Ինչպես հաղթահարել ողբերգությունը», «Համավարակն ու գրականությունը. Ինչպես մեկուսացումը ազդեց բոլորի վրա»:
Ground Hall-ում նախատեսվում է նաեւ գրքի շնորհանդեսներ. Newmag-ը կներկայացնի երեք բեսթսելեր՝ Ժան Ֆիլիպի եւ Պատրիկ Ֆորի «Զիդան. Երկու կյանք» կենսագրականը, Նարինե Աբգարյանի «Սիմոն» վեպը, Ալեքս Մայքլիդիսի «Կույսերը» թրիլերը:
Գրադարան սրճարանում՝ Location 1-ում, հանդիպումներ կլինեն Newmag-ի հայ հեղինակների հետ.
14:00-14:50՝ Արման Սաղաթելյան «Կյանքի նյարդը»
15:00-15:50՝ Արա Թադևոսյան «Երկու ռոք աստղ, երկու աղջիկ՝ չհաշված Արարատը»
16:00-16:50՝ Հարութ Կբեյան «Լոտո»
17:00-17:50՝ Անի Քոչար «Հանձնվել չկա»
Location 2-ը բաց դասախոսությունների սրահն է: Այստեղ կարող եք լսել Արեւիկ Ուդումյանին, ով կներկայացնի «Ինքնության կառուցումը սոցցանցերում» թեման, Կարինե Խոդիկյանը կպատմի՝ «Ինչպես գրել 21-րդ դարում», Գնել Նալբանդյանը կխոսի «Տեքստ եւ կոնտեքստ», Էդիկ Պողոսյանը՝ «Դիզայնի 5 կանոնները», Լիանա Զաքարյանը՝ «Թարգմանելու նուրբ արվեստը» թեմաներով:
Book Garden-ում՝ գրապարտեզում, երեխաներին կսպասեն ու հեքիաթներ կկարդան Հրանտ Թոխատյանը, Նազենի Հովհաննիսյանը, Նաիրա Զոհրաբյանը, Արփի Մաղաքյանը, Լիանա Վանոյանը եւ Նարեկ Մարգարյանը:
Օրվա ավարտին Music Hall-ում տեղի կունենա Newmag Readers’ Prize մրցանակաբաշխությունը, որի կհետեւի համերգ՝ Էրիկ Կարապետյանը, Սոֆի Մխեյանը, Սրբուհի Սարգսյանի, Գոռ Սուջյանըի մասնակցությամբ:
Newmag Summer Fest-ի գլխավոր գործընկերներն են Yeraz Projects-ը եւ Վեոլիա Ջուր ընկերությունները: