Շատ ձուկ՝ քիչ ջուր. Արմավիրի մարզի արտեզյան հորերը ծառայում են ձկնաբուծությանը և չարիք դառնում մարդկանց համար
July 24, 2017
Առավոտյան նախավարժանք՝ ջրի դույլերով
Արաքսյա Հովհաննիսյանը օրական առնվազն 5 անգամ գյուղի կենտրոն է հասնում անհրաժեշտ ջրի պաշարը տուն տանելու համար: Ասում է, դույլերի ծանրությունից արդեն ձեռքերը ցավում են, բայց այլընտրանք չկա՝ արդեն 3 տարի է իր ծորակից ընդհանրապես ջուր չի գալիս: Գայ համայնքի բնակիչների մեծ մասը Արաքսյայի բախտակիցներն են: Ծայրամասերից եկողները մոտ մեկ կիլոմետր ճանապարհ են անցնում մինչև աղբյուրին հասնելը, այդքան էլ՝ ջրով ծանրաբեռնված հետ գնալու համար: