«Ես թքած ունեմ, իսկ դո՞ւ». Մելանիա Թրամփի բաճկոնը սկանդալի առիթ է դարձել
Մելանիան հանդիպմանը եկել էր «Զառա» բրենդային ապրանքանիշի 39 դոլար արժողությամբ բաճկոնով, որի վրայի գրության պատճառով առաջին տիկինը հայտնվել է սկանդալի կենտրոնում: «Ես թքած ունեմ» գրության պատճառով Սպիտակ տունը ստիպված է եղել բացատրություն տալ: Մելանիայի թիմը վստահեցրել է, որ գրության մեջ որևէ ենթատեքստ չկա:
Սա բաճկոն է: Ոչ մի գաղտնի ուղերձ չկա: Հուսով եմ, որ այսօրվա կարևոր այցելությունից ԶԼՄ-ները չեն կենտրոնանա նրա զգեստապահարանի վրա:
Մելանիա Թրամփի մամուլի քարտուղար Սթեֆանի Գրիշեմ:
Մելանիայի ամուսինը, սակայն բացատրել է գրության ենթատեքստը: Սպիտակ տան ղեկավարը Թվիթերում գրել է, որ հարցը վերաբերում է ամերիկյան կեղծ լրատվամիջոցներին, որոնք հրապարակում են անհավատ լուրեր նրա և իր ընտանիքի մասին:
“I REALLY DON’T CARE, DO U?” written on the back of Melania’s jacket, refers to the Fake News Media. Melania has learned how dishonest they are, and she truly no longer cares!
— Donald J. Trump (@realDonaldTrump) June 21, 2018
«Ես թքած ունեմ, իսկ դո՞ւ» գրությունը վերաբերում է կեղծ լուրեր տարածող մեդիային: Մելանիան հասկացել է, թե դրանք որքան անարդար են և նա այլևս թքած ունի:
Ինչպես հայտնի է, Դոնալդ Թրամփը նախագահ դառնալուց հետո պատերազմ է մղում մի շարք լրատվամիջոցների դեմ, որոնց մեղադրում է կեղծ լուրեր տարածելու մեջ:
The jacket Melania Trump wore to visit caged immigrant children. pic.twitter.com/fPLeiIU9zc
— Diane N. Sevenay (@Diane_7A) June 21, 2018
#MelaniaTrump wore a jacket that said "I really don't care" on the back en route to the border today. Yes, she really did. https://t.co/NtrQSVSixt
— InStyle (@InStyle) June 21, 2018
Բաճկոնի վրայի գրությունը նկատվել է, երբ Մելանիան Վաշինգթոնի Էնդրյուս ռազմական օդակայանում էր: Սակայն թռիչքի ընթացքում լեդին հասցրել է հանել բաճկոնը և ինքնաթիռից իջել է կաթնային գույնի ժակետով:
Բայց Տեխասից Վաշինգթոն վերադառնալիս նախագահի կինը, չնայած տաք եղանակին, նորից հագել է սկանդալային գրությամբ բաճկոնը:
Հետևեք newmag-ին Telegram-ում և Instagram-ում։