[Անհավանական] Հնդկաստանում մահացած գուրուի հետևորդները դատարանով որոշել են սառեցնել նրա մարմինը
Հնդկաստանում Բարձրագույն դատարանը թույլատրել է 2014-ին սրտի կաթվածից մահացած գուրու Շրի Աշութոշ Մահարաջի հետևորդներին չհուղարկավորել նրան և մարմինը պահել սառցարանում:
Դատարան էր դիմել և հնդկական ավանդույթներով հուղարկավորություն էր պահանջում Դալիփ Կումար Ջհան, որը ներկայանում է որպես գուրույի որդի: Եվ նրա գլխավոր փաստարկն այն է, որ բժիշկները հաստատել են հոր մահը: Նրա փաստաբանը նշում է, որ այդպես էլ իրենց համար պարզ չէ, թե ինչու՞ դատարանը որոշեց մերժել իրենց հայցը, և բավարարել գուրույի հետևորդների պահանջը:
[caption id="" align="alignnone" width="976"]
2014 թվական։ Գուրուի հետևորդներն են․ նրանք կարծում են, որ գուրուն ոչ թե մահացել է, այլ մեդիտացիա է անում[/caption]
Ավելի վաղ Բարձրագույն դատարանից ցածր ատյանը որոշում էր կայացրել հնդկական ավանդույթներով դիակիզման օգտին: Այս որոշումը, փաստորեն, չեղարկվեց: Երբ գուրույի մահվան առաջին օրերին փորձել էին դիակիզում կատարել, նրա հետևորդները խանգարել էին այդ արարողությանը: Այժմ դատարանի որոշմամբ բժիշկները պարբերաբար պետք է հետազոտեն սառնարանում պահվող գուրույին:
Շրի Աշութոշ Մահարաջը կենդանության օրոք հիմնել էր Աստվածային լույսի զարթոնքի առաքելություն կոչվող աղանդը և 1983-ից գործունեություն էր ծավալում Հնդկաստանի Փունջաբ նահանգի Ջալանդհար բնակավայրում` տարածելով ինքնակառավարումը զարգացնելու և համաշխարհային խաղաղությանը վերաբերող գաղափարներ: Տարիների ընթացքում նա միլիոնավոր հետևորդներ էր հավաքել և աշխարհի տարբեր անկյուններում` ԱՄՆ-ից մինչև Հարավային Աֆրիկա և Ավստրալիայից մինչև Մերձավոր Արևելք: Նա կարողություն է կուտակել, որը 120 միլիոն դոլար է գնահատվում:
[caption id="" align="alignnone" width="976"]
Հնդկաստանի ոստիկաններն են․ դատական նիստից հետո դուրս են եկել դատարանից[/caption]
Փունջաբում գտնվող 400.000 քառ./մ տարածքով և խիստ հսկվող առանձնատունը, որտեղ նա ապրում էր, նրա ֆինանսական կարողության միայն մեկ վկայությունն է: Որդին հոր հետևորդներին մեղադրում է` նրանք ուզում են գուրույի դին սառցարանում պահել, որպեսզի կարողանան վերահսկել և վատնել նրա կարողությունը: