Էմանուել Մակրոնը բարձրացնում է նախագահի պաշտոնական լուսանկարի նշաձողը
July 2, 2017
Նախագահի խորհրդական Զիբեթ Նդիայեն իր թվիթերյան էջում տեղադրել է Մակրոնի ֆոտոսեսիայի ընթացքը, որտեղ երևում է, այն ինչ տեսանելի չէ նկարում: Այնպիսի տպավորություն է, որ որևէ առաջնորդ երբևէ այսքան անկեղծ չի եղել նկարի կուլիսային պատմության հարցում:
#AvecLePrésident pour son portrait officiel. @soazigdlm pic.twitter.com/TSFXhEWLEy
— Sibeth Ndiaye (@SibNdiaye) June 29, 2017
Տեսանյութում նախագահ Մակրոնի հայացքն ուղղված է դատարկ սեղանին, որը շատ արագ ու խնամքով լցվում է տարբեր պարագաներով. երկու հեռախոս, երեք գիրք «Շառլ դը Գոլի հուշագրությունները», Անդրե ժիդի «Երկրի պտուղները», Ստենդալի «Կարմիրն ու Սևը», լատունե ժամացույց և բրոնզե աքաղաղ: Նա ուշադրությամբ բացում է հուշագրությունը, ապա դնում է այն սեղանին` տպավորություն ստեղծելով ասես հենց նոր ավարտեց ընթերցանությունը:
Լուսանկարի վերջնական տարբերակը կախված կլինի երկրի յուրաքանչյուր քաղաքապետարանի սրահում, ոստիկանական բաժանմունքներում, դեսպանատներում: Պաշտոնական լուսանկարչի` Soazig De La Moissonnière-ի լուսանկարում Մակրոնը մարմինն իդեալական ընդգծող մուգ կոստյումով , բարակ փողկապով թիկնել է սեղանին, իսկ հետնամասում տեսանելի են նշված պարագաները, երկու կողմերում էլ Ֆրանսիայի ու Եվրամիության դրոշներն են: Հետին պլանում փեղկերը լայն բացված պատուհանն է, որից երևում է Ելիսեյան պալատի այգու կանաչը:
[caption id="attachment_45200" align="aligncenter" width="878"]լուսանկարը:
Ֆրանսիայի և Մակրոնի մասին կարդացեք մեր մյուս հրապարակումները․
- Ինչո՞ւ են վերլուծաբանները կասկածում Լը Պենի հաղթանակին, եթե նա ունի ամենաբարձր վարկանիշը
- Սոցիալիստների վերջին տարին Ֆրանսիայում. ի՞նչ կլինի նախագահի ընտրութունից հետո
- Էքսցենտրիկ երիտասա՞րդ, թե՞ կոնսերվատիվ մադամ. Ֆրանսիայի նախագահը հայտնի կլինի մայիսի 7-ին
- Ով կլինի Ֆրանսիայի նախագահը. բանականության ու հույզերի աբսուրդը
- «Ֆրեքզիթ» չի լինի. Ֆրանսիան ընտրեց 8-րդ նախագահին` «Լուսնից իջած» երիտասարդ շիկահերին
- Ամուսնուց 29 տարով մեծ տիկին Մակրոնը. ինչ գիտենք Ֆրանսիայի հնարավոր ապագա առաջին տիկնոջ մասին
Հաշվի առնելով այն, որ լուսանկարում տեղ գտած էլէմենտները վստահաբար խորհրդանշական նշանակություն ունեն, այս քաղաքական հղումները դժվար թե պատահականություն լինեն:
Արդիականության և տեխնոլոգիաների բնորոշիչը հեռախոսներն են, որոնք ըստ ֆրանսիական LCI հեռուստատեսության երբեք չեն հայտնվել Ֆրանսիայի նախագահների պաշտոնական լուսանկարներում:
Ավանդույթ են դասական գրքերը, գալլական աքաղաղի արձանիկը, որը Ֆրանսիայի ազգային խորհրդանիշներից մեկն է:
Հրապարակայնություն և մաքուր օդ՝ պատուհանը:
Եվրոպայի հետ համերաշխություն՝ դրոշները:
Աշխատանքը՝ գրասենյակը
Եվ այլն:
Մի կողմից լուսանկարը չափազանց քաղաքականացված տեսարան է, մյուս կողմից` համացանցում մեմերի շքերթի պատճառ:
Այդուհանդերձ այն, որ պարոն Մակրոնն այդքան բաց է իր հաշվարկներում, որ կարող է նրան դարձնել ամենաիրական ու ժամանակակից խորհրդանիշ: