Էքսցենտրիկ երիտասա՞րդ, թե՞ կոնսերվատիվ մադամ. Ֆրանսիայի նախագահը հայտնի կլինի մայիսի 7-ին

Էքսցենտրիկ երիտասա՞րդ, թե՞ կոնսերվատիվ մադամ. Ֆրանսիայի նախագահը հայտնի կլինի մայիսի 7-ին

Ֆրանսիայում նախագահական ընտրությունների երկրորդ փուլ են դուրս եկել Էմանուել Մակրոնն ու Մարին Լը Պենը:

Ծայրահեղ-ձախակողմյան քաղաքական թևի ներկայացուցիչ Ժան-Լյուկ Մելանշոն, ծայրահեղ աջ ազգայնական կուսակցության թեկնածու Մարին Լը Պեն, Առաջ շարժման ղեկավար Էմանուէլ Մակրոն և Հանրապետական Ֆրանսուա Ֆիյոն: Ահա այս 4 թեկնածուներն էին պայքարում նախագահ դառնալու համար:

Ֆրանսիայի այս ընտրությունները կհիշվեն որպես 21-րդ դարի ամենասկանդալայինը: Կոռուպցիա, խաբեություն, հեռախոսների գաղտնալսում: Քարոզարշավի ընթացքում թեկնածուները միմյանց քննադատում էին` ուղիղ եթերում:

Առաջին փուլի արդյունքը հայտնի է: Ամենաշատ ձայները հավաքել է Էմանուել Մակրոնը` մոտ 24 տոկոս: Երկրորդ հորիզոնականում է Մարին Լը Պենը` 22 տոկոս: 20-ական տոկոս էլ հավաքել են Ֆրանսուա Ֆիյոնը Ժան Լյուկ Մելանշոնը: 


Ֆրանսիական ընտրության մասին կարդացեք նաև`


Էմանուել Մակրոնը էկոնոմիկայի նախկին նախարարն է, որը ֆրանսիական քաղաքականությունում ներկայացնում է մեղմ, ցենտրիստական ուժը: «Ազգային ճակատի» առաջնորդ Լը Պենն իր հաղթանակի դեպքում խոստանում է փակել Ֆրանսիան էմիգրանտների համար և դուրս բերել այն Եվրամիության կազմից:

Ընտրությունների 2-րդ փուլը կկայանա մայիսի 7-ին: Հաղթելու դեպքում Մարին Լե Պենը կդառնա Ֆրանսիայի առաջին կին նախագահը: Իսկ Մակրոնի հաղթանակի պարագայում` նա կճանաչվի ամենաերիտասարդ նախագահը Ֆրանսիայի պատմության մեջ ու Եվրամիության ամենաերիտասարդ առաջնորդը:

Գրել կարծիք