Եռասկանդալ ֆրանկոարշավ. Ֆրանսիայի նախագահի սկանդալային 3 թեկնածուները

Եռասկանդալ ֆրանկոարշավ. Ֆրանսիայի նախագահի սկանդալային 3 թեկնածուները

Ելիսեյան պալատի համար պայքարը անվանում են ամենասկանդալայինը` Ֆրանսիայի 5-րդ հանրապետության պատմության մեջ: Նախագահի թեկնածու 3 լիդերները անընդհատ նոր սկանդալների, ինտրիգների մեջ են խրվում:

ՄԱՐԻՆ ԼԸ ՊԵՆ. ԱԶԳԱՅԻՆ ՃԱԿԱՏ

«Մարին Լը Պենի Ղրիմյան սերենադը». Ֆրանսիայում մեմ էր դարձել ծաղրանկարը, որի հերոսներն են իրենց նախագահի կին-թեկնածուն և ՌԴ նախագահը: Պատկերված է Պուտինը` Կլեմլի պատշգամբում` Ջուլիետտայի դերում: Նրա համար սերենադ է երգում ռոմանտիկ Ռոմեոն` Ֆրանսիայի Ազգային ճակատ կուսակցության առաջնորդ Մարին Լը Պենը: Սերենադը Ղրիմի և ՌԴ-ի մասին է:  

Նախագահի թեկնածուն հայտարարել էր, որ հաղթանակի դեպքում Ղրիմը կճանաչի ՌԴ մաս: Ֆրանսիայում շատերին դուր չի գալիս Մարին Լը Պենի չափազանց ռադիկալ լինելն ու պրոռուսական տրամադրվածությունը: Նրան անվանում են «պոպուլիստ», որը երկրորդ փուլում դուրս կմնա մրցապայքարից:

Դրան գումարվեց մյուս սկանդալը. Եվրախորհրդարանը Լը Պենին զրկեց պատգամավորական անձեռնմխելիությունից: Ծայրահեղ աջերի առաջնորդը Twitter- ում տեղադրել էր ԻՊ ահաբեկչական խմբավորման վայրագությունները պատկերող ֆոտոներ: Նա դա արել էր այն բանից հետո, երբ ֆրանսիական հեռուսաալիքը նրա կուսակցությունը համեմատել էր Իսլամական պետության հետ: «ԻՊ-ը սա է: Չշփոթել Ազգային ճակատի հետ»,- գրել էր Լը Պենը:

Նրա դեմ քրեական գործ է հարուցվել: Եթե Լը Պենը մեղավոր ճանաչվի, կազատազրկվի երեք տարով կամ տուգանվի 75 հազար եվրո: Մարին Լը Պենին Եվրախորհրդարանը 2014-ին էլ էր զրկել պատգամավորական լիազորություններից:

Գրել կարծիք