[InterPress] Պուտինի դաշնակիցն առաջնորդում է Թավշյա հեղափոխության դեմ պայքարը
Ռոբերտ Քոչարյանը, ով 10 տարի առաջ իր նախագահության վերջում 10 ցուցարարների մահվան պատճառով կարող է ազատազրկվել , քննադատել է վարչապետ Նիկոլ Փաշինյանի գլխավորած նոր իշխանություններին «հեղափոխական ռոմանտիզմի» համար: Փաշինյանն իշխանության է եկել մայիսին՝ ընդդիմության խաղաղ զանգվածային ցույցերն առաջնորդելուց հետո:
Այս շաբաթ Երևանում կայացած Ֆրանկոֆոնիայի գագաթաժողովին Փաշինյանը հյուրընկալել էր համաշխարհային առաջնորդներին, այդ թվում՝ Ֆրանսիայի նախագահ Էմմանուել Մակրոնին և Կանադայի վարչապետ Ջաստին Թրյուդոյին: Նա շարունակում է լայն վստահություն վայելել հանրության շրջանակում, որին զայրացրել էր նախկին իշխանությունների համատարած կոռուպցիայի և անօրինականության պատճառով շատ քաղաքացիների աղքատության եզրին գտնվելը: Նա դեռևս ջանքեր է գործադրում ամրապնդել իր իշխանությունը, քանի որ խորհրդարանը վերահսկում է Քոչարյանի հաջորդի ղեկավարած կուսակցությունը:
Կարդացեք նաև.
Հայաստանում արտաքին քաղաքականության գլխավոր խորհրդականն ունի պարտքեր
Մոսկվան ավելի մեծ ճնշում է գործադրում հայկական նոր իշխանության վրա
Անարխիա՝ Հայաստանում
«Ես տեսնում եմ կառավարության բացթողումները: Նրանք չափազանց մեծ կարիք ունեն ռացիոնալ քննադատության»,- ասում է 64-ամյա Քոչարյանը Երևանում տված իր հարցազրույցի ժամանակ: Նա չի մանրամասնել, թե ինչ փոփոխություններ կառաջարկեր ինքը:
Կրեմլը ուշադրությամբ հետևում է 3 միլիոն բնակչություն ունեցող կովկասյան երկրի, որն իր տարածքում ունի ռուսական ռազմակայան և Լեռնային Ղարաբաղի շրջանի համար ներգրավված է հարևան Ադրբեջանի հետ 30-ամյա հակամարտության մեջ, քաղաքական զարգացումներին: Քոչարյանի և մի շարք այլ նախկին բարձրաստիճան պաշտոնյաների ձերբակալությունը ստիպեց Ռուսաստանի արտգործնախարար Սերգեյ Լավրովին հուլիս ամսին իր բողոքի ձայնը հնչեցնել՝ նշելով, որ Մոսկվան մի շարք առիթներով Հայաստանի առաջնորդի ուշադրությունն է հրավիրել իրենց մի շարք մտահոգող խնդիրների վրա:
Շարունակությունը՝ InterPress.am-ում
Հետևեք newmag-ին Telegram-ում և Instagram-ում