Տեղի ունեցավ Ֆերնանդո Արամբուրուի «Հայրենիք» գրքի հեռուստաշնորհանդեսը (տեսանյութ, լուսանկարներ)
![newmag-y-n](https://newmag.am/public/assets/images/posts/5992/9ce7a56e7a4136d934427ac5d5e20654.png)
Բասկերի անկախության պայքարը 30 տարի ուղեկցած ահաբեկչությունը խորը վերք է, որի մասին բասկերն առ այսօր նախընտրում են լռել։ 30 տարի առաջ կատարվածի մասին նախընտրում են լռել բոլորը, բացի մեկից: Ֆերնանդո Արամբուրուն վստահ է՝ վերքերը ամոքելու, եղածը ընդունելու
Ընդամենը մեկ կրակոց, որը խաթարում է 2 ընտանիքների բարեկամությունը: Ֆերնանդո Արամբուրուի «Հայրենիքը» սիրո և ատելության, ընկերության և դավաճանության, հավատի ու հուսահատության մասին է: Newmag հրատարակչության գլխավոր խմբագիր Գնել Նալբանդյանն ընդգծում է՝ գիրքն իրականությանն առերեսվելու փորձ է. «Մարդու ճակատագրում ի հայտ է գալիս գաղափարականցաված լինելու պրոբլեմը: Երբ երկու ընտանիքներ փոքրուց միասին են, ընկերներ են և կա ինչ որ գաղափար, որը նրանց բաժանում է, դարձնում է թշնամիներ: Մեկը դառնում է դահիճ, մյուսը՝ զոհ: Եվ հետո ինչպե՞ս պիտի նրանց ընտանիքները շփվեն: Երկու ընտանիքների մեջ հայտնված գաղափարը ասում է՝ եթե ինձ հետ չես, ուրեմն՝ դավաճան ես»:
Արամբուրուն պատմական ու քաղաքական կարևոր իրադարձությունները դիտարկում է մարդու ճակատագրի կոնտեքստում։ «Հայրենիքը» հայերեն թարգմանած Ալիս Տեր-Ղեվոնդյանի խոսքով՝ վեպում գրողը ներկայացնում է հանուն անկախության պայքարը՝ ահաբեկչության սարսափելի հետևանքներով. «Նա ուզում էր, որ հասարակության մեջ վերսկսվի այդ թեմայի քննարկումը: Այս գիրքը Իսպանիայում ավելի շատ են սկսել կարդալ երիտասարդները: Թեև վեպը պատմական չէ, բայց հեղինակը աշխատել է լրագրողների ու պատմաբանների հետ: Ճշգրիտ ներկայացրել է կատարված իրադարձությունները»:
Գրականագետ Ամալյա Սողոմանոյանը նշում է, որ Արամբուրուն բազմաթիվ հետաքրքիր գործեր ունի, բայց Հայրենիքը առանձնահատուկ է: Այն մարդկային բարդ հարաբերությունների մասին է: Իսկ մարդկանց հետաքրքրում է, թե ի՞նչ են զգում մյուսները. «Արամբուրուն ապացուցում է, որ կա իսպանական գրականություն, լավ գրականություն»:
Արամբուրուի գիրքը արժանացել է հեղինակավոր մրցանակների, Իսպանիայում վերահրատարակվել է 12 անգամ, վաճառվել է ավելի քան 1 միլիոն օրինակ, նաև էկրանավորվել է: «Հայրենիքը» թարգմանվել է անգլերեն, գերմաներեն, իտալերեն, հունարեն, կատալոներեն: Եվրոպական Միության «Ստեղծարար Եվրոպա» ծրագրի օժանդակությամբ այն այժմ կարելի է կարդալ նաեւ հայերեն:
Կարդա նաև
![Հեռուստաշնորհանդես / Քարեն Մակմանուս, «Մեզնից մեկը հաջորդն է»](https://newmag.am/public/front/assets/images/placeholder.jpg)
Հեռուստաշնորհանդես / Քարեն Մակմանուս, «Մեզնից մեկը հաջորդն է»
![Հարց, որ բոլորին է հուզում՝ Արդյոք Հիսուս Նազովրեցին իսկապես Հարություն էր առել (տեսանյութ)](https://newmag.am/public/front/assets/images/placeholder.jpg)
Հարց, որ բոլորին է հուզում՝ Արդյոք Հիսուս Նազովրեցին իսկապես Հարություն էր առել (տեսանյութ)
![newmag-ի որ գրքերն են հայտնվել 21-րդ դարի լավագույն 100 գրական գործերի ցանկում](https://newmag.am/public/front/assets/images/placeholder.jpg)
newmag-ի որ գրքերն են հայտնվել 21-րդ դարի լավագույն 100 գրական գործերի ցանկում
![2 նոր գիրք` «Երազ» մանկական մատենաշարից (տեսանյութ)](https://newmag.am/public/front/assets/images/placeholder.jpg)
2 նոր գիրք` «Երազ» մանկական մատենաշարից (տեսանյութ)
![Book donation / Vanadzor. 500 գիրք Վանաձորի գրադարաններին (լուսանկարներ)](https://newmag.am/public/front/assets/images/placeholder.jpg)