Մենակ մնալու արվեստը. ինչպե՞ս հանգստանալ և վերազինվել
May 26, 2018
1. Առավոտը վաղ արթնացեք
Գոնե 30 րոպե սովորականից շուտ արթնանալը կօգնի այդ ժամանակն օգտագործել յոգայով զբաղվելու, առավոտյան մարզանք անելու կամ պարզապես սուրճ վայելելու` մեն-մենակ:
2. Աշխատանքային օրն սկսեք ու ավարտեք մենակության մեջ
Աշխատանքից վերադառնալիս գոնե 30 րոպե անցկացրեք մենակ: Կարող եք սուրճ կամ հյութ խմել սրճարանում, զբոսնել այգում, քայլել փողոցներով: Այդ ժամանակահատվածը կօգտագործեք մտքերը հավաքելու, նոր պլաններ ծրագրելու, հաջորդ օրվա կամ շաբաթվա ընթացքը պատկերացնելու:
3. Մենակ մարզվեք
Դուրս եկեք վազքի, կամ գնացեք սպորտ դահլիճ` մենակ մարզվելու: Այդ ժամանակահատվածն օգտագործեք երաժշտություն լսելու համար: Լավ երաժշտությունն օգնում է հանգստանալու և մտքերը հավաքելուն:
Կարդացեք նաև.
- Իդեալական աշխատավայրի չեք-լիստ․ ի՞նչն է ազդում արդյունավետության վրա
- Ինչո՞ւ պետք է առաջին հերթին ձեր մասին հոգ տանեք, հետո միայն մյուսների
- 9 բան, որի համար երբեք չպետք է ներողություն խնդրել
4. Օրվա ընդմիջման ժամն օգտագործեք հաճելիի համար
Ընդմիջման ժամը մի օգտագործեք սոցցանցեր մտնելու կամ էլեկտրոնային փոստը ստուգելու համար: Կան ավելի հաճելի զբաղմունքներ, օրինակ` ընկերների հետ զրույցը, թեկուզ` անիմաստ զրուցը:
5. Կանոնավոր մեկնեք հանգստի
Գալիս է պահ, երբ մտածում ես, թե բոլորը դեմ են քեզ: Ահա հենց այդ ժամանակ հիշեք` դուք ունեք հանգստի իրավունք, հանգիստ, որը պլանավորել եք, որը միմիայն ձերն է, ձեր ժամանակն է, ժամանակ, որը կարող եք տնօրինել այնպես, ինչպես ցանկանաք: Դա հանգստի ժամանակն է, հանգստի իրավունքը:
Յուրաքանչյուրին անհրաժեշտ է մենակ մնալ` թեկուզ շատ փոքր ժամանակով, բայց քիչ ժամանակն էլ կօգնի հանգստանալ, վերազինվել ու վերալիցքավորվել: Հիշիր, դու ունես դրա իրավունքը:
Հետևեք newmag-ին Telegram-ում և Instagram-ում։