Մենսոնը խոսում է՝ հիմնվելով գիտական հետազոտությունների արդյունքների վրա
Բացարձակապես կարևոր չէ, թե ինչ ես ասում։ Ամեն ինչ կախված է քո մարմնից, արտաքինից, հույզերից և շարժուձևից։ Հիշե´ք, որ կարևորը ոչ թե բառերն ու քայլերն են, այլ դրանց տակ թաքնված մտադրությունները։ Մենսոնը հիմնականում խոսում է՝ հիմնվելով գիտական հետազոտությունների արդյունքների վրա՝ վերջիններս համադրելով տարիներ շարունակ կուտակած փորձի հետ։ Ինձ հիմնականում դա է դուր գալիս հեղինակի ոճի մեջ, քանի որ շատ է կարևորում գիտական փաստերը։
Պետք է նշեմ, որ չնայած Մենսոնի առաջ քաշած երևույթների համամարդկային լինելուն, մեծամասամբ նկատվում են մշակութային անհամաձայնություններ։ Այլ կերպ ասած՝ նրա առաջարկած ոչ բոլոր մեթոդներն են «աշխատող» մեր հասարակությունում։ Ամեն դեպքում, ինչպես հեղինակն է բազմիցս նշում, շատ կարևոր է անկեղծ լինել հարաբերություններում, լինել ինքնավստահ, լսել, հասկանալ, չընկճվել, ընդունել իրականությունը և աշխատել ինքդ քեզ վրա: