Հեղինակ
Եվրոպական կայունության նախաձեռնություն
«Եվրոպական կայունության նախաձեռնություն» շահույթ չհետապնդող, հասարակական կազմակերպություն է: Կենտրոնի հետաքննողներն իրենց գրեթե բոլոր հետազոտությունները կատարել են համատեղ՝ թիմային աշխատանքով: Գործունեությունն ավելի քան 20 տարի առաջ սկսելով Հարավարևելյան Եվրոպայում, ԵԿՆ-ն ուսումնասիրել է մարդու իրավունքների պաշտպանությանն ու մարդասիրական խնդիրները` Լիբիայից մինչև Բալկաններ: Բացահայտելով Բաքվի «խավիարային դիվանագիտությունը», նրանք ջրի երես են հանել Ադրբեջանի կոռուպցիոն սխեմաներն ու կաշառատվության համակարգված գործարքները Եվրոպայի խորհրդում։ Հետաքննության փաստերն ամփոփել են երկմասանի այս զեկույցում: Առաջին մասը` «Խավիարային դիվանագիտություն. ինչպես Ադրբեջանը լռեցրեց Եվրոպայի խորհրդին» վերնագրով, հրապարակվել է 2012-ի մայիսին: Շարունակելով երկարամյա հետաքննությունը, ԵԿՆ-ն 2016-ի դեկտեմբերին հրապարակել է զեկույցի 2-րդ մասը` «Եվրոպական ճահիճը. դատախազները, կոռուպցիան և Եվրոպայի խորհուրդը» վերնագրով:
