Ամենայն Հայոց Կաթողիկոսն ընդունել է «Նյումեգ» հրատարակչության ստեղծագործական կազմին
Դեկտեմբերի 28-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց «Նյումեգ» հրատարակչության ստեղծագործական կազմին։
Դեկտեմբերի 28-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց «Նյումեգ» հրատարակչության ստեղծագործական կազմին՝ ուղեկցությամբ «Վաչե և Թամար Մանուկյան» մատենադարանի և Մայր Աթոռ Սուրբ Էջմիածնի հրատարակչական բաժին տնօրեն Արժանապատիվ Տ. Արարատ քահանա Պողոսյանի:
Հանդիպմանը «Նյումեգ» հրատարակչության գործադիր տնօրեն Արտակ Ալեքսանյանը, հայցելով Ամենայն Հայոց Կաթողիկոսի օրհնությունը, խոսեց Մայր Աթոռ Սուրբ Էջմիածնի հրատարակչական բաժնի և «Նյումեգ»-ի միջև ստորագրված հուշագրի ու համատեղ իրականացված ծրագրերի մասին։
Վեհափառ Հայրապետը, իր օրհնությունը փոխանցելով ներկաներին, գոհունակությամբ անդրադարձավ Մայր Աթոռի և «Նյումեգ»-ի միջև առկա համագործակցությանը, որի արդյունքում տպագրվել է քրիստոնեությանն առնչվող հանրամատչելի ու գիտահանրամատչելի գրականություն։ Նորին Սրբությունն իր գնահատանքը բերեց նաև հրատարակչության տնօրինությանը և ստեղծագործական կազմին՝ հայորդիների կրթության, դաստիարակության և արժեքային համակարգի ձևավորմանն ի նպաստ ներդրած ջանքերի համար:
Հանդիպման վերջում ներկաներն իրենց հարցերն ուղղեցին Վեհափառ Հայրապետին, որոնք վերաբերում էին հայրենիքի և հայ ժողովրդի առջև ծառացած մարտահրավերներին և դրանց հաղթահարմանը:
Տարածել
Կարդա նաև
1990-ականների Ելգավան՝ լատվիացի գրողի հայացքով. Յանիս Յոնևսը Երևանում ներկայացրել է «Ելգավա 94» վեպը
ԼԱՏՎԻԱՑԻ ՀԵՂԻՆԱԿԸ՝ ԲԵՍԹՍԵԼԼԵՐ ԴԱՐՁԱԾ «ԵԼԳԱՎԱ 94»-Ի, ԻՆՔՆՈՒԹՅԱՆ ՊԱՀՊԱՆՄԱՆ ԵՎ «ՍԱՍՈՒՆՑԻ ԴԱՎԻԹ»-ՈՎ ՈԳԵՇՆՉՎԵԼՈՒ ՄԱՍԻՆ
BOOK DONNATION / 250 գիրք՝ Դիլիջանի գրադարանների կենտրոնացված համակարգին (լուսանկարներ)
Version arménienne du livre d’Aznavour « La vie à travers les yeux de Charles »