Արտակ Ալեքսանյան. «Մշակույթը չի կարելի «դադարի» վրա դնել, որքան էլ դժվար են ժամանակները»
Dvin Music Hall-ում այսօր մեկնարկել եւ մինչեւ երեկո շարունակվելու է Newmag Winter Fest 2024 գրականության եւ ժամանակակից արվեստների փառատոնը: Հրատարակչությունը ձմեռային իր երրորդ փառատոնը վերածել է գրքի եւ արվեստի իսկական տանի՝ չորս նոր գրքերի շնորհանդեսնե
Dvin Music Hall-ում այսօր մեկնարկել եւ մինչեւ երեկո շարունակվելու է Newmag Winter Fest 2024 գրականության եւ ժամանակակից արվեստների փառատոնը: Հրատարակչությունը ձմեռային իր երրորդ փառատոնը վերածել է գրքի եւ արվեստի իսկական տանի՝ չորս նոր գրքերի շնորհանդեսներ, թատերական մոնոներկայացում, պոեզիայի երեկո, երաժշտություն՝ նաեւ Արցախի պետական ջազ նվագախմբի մասնակցությամբ, ցուցահանդես: Newmag-ի հիմնադիր Արտակ Ալեքսանյանը, շնորհակալություն հայտնելով բոլոր գործընկերներին իրենց միանալու եւ հավակնոտ ցանկությունները կյանքի կոչելու համար, ներկաների համար հանրայնացրեց գլխավոր ուղերձը. գիրք կարդալը ոչ թե մոդայիկ է, ոչ միայն օգտակար է, այլ գիրք կարդալով հնարավոր է ազնիվ ճանապարհով հասնել այնտեղ, որտեղ այժմ գտնվում են ինքը եւ մյուս գործընկերները: «Եվ շատ արագ եւ շատ շուտով դուք ինքներդ կհամոզվեք՝ այս տեղում հղելով այս նույն ուղերձը ձեզանից երիտասարդներին: Ընթերցանությունը, արվեստը մարդուն հարստացնում են բառի բուն եւ փոխաբերական իմաստով»,-ասաց նա:
Ավելի ուշ պատասխանելով Aravot.am-ի հարցերին՝ Արտակ Ալեքսանյանն ասաց. «Ձմեռային փառատոներ արդեն երրորդ անգամ ենք կազմակերպում: Իսկ այս անգամ մեծացրինք ընդհանուր շրջանակը՝ բացի գրքից ներառեցինք նաեւ արվեստը: Այս առումով, այո, սա նոր ձեւաչափ է, ինչը շատ կանխատեսելի էր դառնում: Կարելի է ասել, արդեն մենք էլ էինք ձանձրանում, հետեւաբար, պետք էին նոր շերտեր, նոր դեմքեր, նոր ուղղություններ: Ու քանի որ արվեստի ու մշակույթի գործիչներն արձագանքեցին մեր խնդրանքին, մտածեցինք՝ իսկ ինչո՞ւ ոչ: Եթե մենք հանրահռչակում ենք գիրքը, գուցե, ժամանակն է օգնել արվեստի մյո՞ւս ճյուղերին»:
Պատասխանելով հարցին, թե այսօրվա պայմաններում, երբ հայրենիքը անվտանգային լուրջ սպառնալիքների առջեւ է կանգնած, իսկ ժողովուրդն ավելի շատ զբաղված է ստամոքսի պահանջները կատարելով, մարդկանց արվեստի ու գրականության հետ հաղորդակից դարձնելու ջանքերը խնդիրների չե՞ն բախվում, Արտակ Ալեքսանյանը ասաց. «Երկրորդ աշխարհամարտի ժամանակ, երբ Չերչիլին առաջարկել են կրճատել մշակույթի բյուջեն, Չերչիլը պատասխանել է, որ եթե կրճատեն մշակույթը, կվերանա Անգլիան: Սրանով ամեն բան ասված է: Արվեստը չի կարելի «դադարի» վրա դնել, որքան էլ դժվար են ժամանակները»:
Աշոտ ՀԱԿՈԲՅԱՆ
Կարդա նաև
![«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը](https://newmag.am/public/front/assets/images/placeholder.jpg)
«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը
![«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով](https://newmag.am/public/front/assets/images/placeholder.jpg)
«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով
![3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը](https://newmag.am/public/front/assets/images/placeholder.jpg)
3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը
![«Հասարակ գիտություն» հաղորդման հյուրը Դավիթ Սարգսյանն է](https://newmag.am/public/front/assets/images/placeholder.jpg)
«Հասարակ գիտություն» հաղորդման հյուրը Դավիթ Սարգսյանն է
![21-րդ դարի 100 լավագույն գրքերը՝ ըստ The New York Times-ի](https://newmag.am/public/front/assets/images/placeholder.jpg)