«Մի վախեցիր» նոր գիրքը, Խորեն Լեւոնյանի՝ դեմքն այրելու պատմությունն ու Գնել Նալբանդյանի «սցենարի գերին չմնալը»
04/08/2026
Գիրքը հրատարակվել էր դեռ երկու տասնամյակ առաջ՝ ֆիլմի թողարկմանը զուգահեռ, իսկ հիմա այն վերահրատարակվել է սթափ հայացքով եւ անմիջական մասնակցի զգացողությամբ։
«Ես այստեղ եմ, դու մի վախեցիր»․ ապրելով մարդկանց հիշողություններում եւ հայկական ժամանակակից ֆիլմարտադրության հիմքերում՝ «Մի վախեցիր» ֆիլմը 20 տարի անց էլ «այստեղ է»՝ նոր ասելիքով ու նոր նախագծով։ Լույս է տեսել Newmag հրատարակչության գլխավոր խմբագիր Գնել Նալբանդյանի «Մի վախեցիր» վիպակը՝ գրված համանուն ֆիլմի սցենարի մոտիվներով։ Հենց նա էլ ժամանակին եղել է ֆիլմի չորս սցենարիստներից մեկը։
Գիրքը հրատարակվել էր դեռ երկու տասնամյակ առաջ՝ ֆիլմի թողարկմանը զուգահեռ, իսկ հիմա այն վերահրատարակվել է սթափ հայացքով եւ անմիջական մասնակցի զգացողությամբ։ «Մի վախեցիր» վիպակի շնորհանդեսին ներկա է եղել նաեւ BRAVO.am-ը: Զրուցել ենք հեղինակի հետ եւ լսել քննարկման մասնակիցներին, այդ թվում՝ ռեժիսորներ Հրաչ Քեշիշյանին եւ Արամ Շահբազյանին, ֆիլմի գլխավոր դերակատար Խորեն Լեւոնյանին։
Ավելին՝ ընթերցիր BRAVO.am կայքում։
Տարածել
Մի՛ վախեցիր
Գնել Նալբանդյան
5800 ֏
Նկարագրություն
1990-ականների սկիզբ. երևանյան և արցախյան բարդ և հակասական իրողություններ։ Մի կողմում ազատագրական պայքարի վեհ գաղափարն է, մյուսում՝ պատերազմի քաոսն ու անձնական շահը։ Պատմություն բարդ ու հակասական ժամանակների մասին, պատմություն, որի հերոսներն ու հակահերոսները հաճախ ունեն իրական նախատիպեր, դրվագները՝ վավերագրական հիմք։ Որոշ դրվագներում հեղինակը վերարտադրել է իր հետ կատարված դեպքերը հայ-ադրբեջանական ռազմաճակատային գծի տարբեր հատվածներում։
Ի տարբերություն ընդունված կարգի՝ այս գրական գործը ծնվել է համանուն հայտնի ֆիլմի նկարահանումից հետո։ Գրքում ներկայացված որոշ դրվագներ ֆիլմում չեն եղել, կամ ֆիլմի որոշ դրվագներ չկան վիպակում։ Այն կառուցված է ըստ (5-մասանոց) ֆիլմի սցենարի, որի համահեղինակներն են Լևոն Գալստյանը և Գնել Նալբանդյանը։ Սցենարիստներին գործուն աջակցություն են ցուցաբերել «Մի՛ վախեցիր» ֆիլմի մտահղացման հեղինակ Ալեքսան Հարությունյանը և ռեժիսոր Արամ Շահբազյանը։
Երկու տասնամյակ անց վերահրատարակվող վիպակը հրավիրում է մեր ոչ վաղ անցյալի վճռորոշ էջերը վերապրել սթափ հայացքով և անմիջական մասնակցի զգացողությամբ։
Կարդա նաև
5 ՆՈՐ ԳԻՐՔ՝ NEWMAG-Ի ԿԱԶՄԱԿԵՐՊԱԾ «ԵՐԱԶԻ ԳԻՐՔ» 5-ՐԴ ՓԱՌԱՏՈՆԻ ՇՐՋԱՆԱԿՈՒՄ
Երազային գրքատոն` երեխաների համար ու նրանց մասնակցությամբ. տեղի ունեցավ «Երազի գիրք» մանկական փառատոնը
«ԵՐԲ ԾԱՂԿՈՒՄ Է ԾԻՐԱՆԵՆԻՆ». NEWMAG-Ի ԵՎ «ՎԵՐԱԾՆՈՒՆԴ» ՀԻՄՆԱԴՐԱՄԻ ԳՈՐԾԱԿՑՈՒԹՅԱՆ ՀԵՐԹԱԿԱՆ ՊՐՈԴՈՒԿՏԸ
«Նոր գիրք»-17/26. Հարությունյան, Լևի, Ամիչիս