Freedom Broker Armenia-ն և Newmag-ը 1000 նոր գիրք են նվիրել Ալավերդու և Վանաձորի գրադարաններին
07/11/2024
![newmag-y-n](https://newmag.am/public/assets/images/news/6874/df4723a3820d25f5db24c8a23b14e14a.jpg)
Հուլիսի 13-ին Ալավերդիում և հուլիսի 19-ին Վանաձորում Freedom Broker Armenia-ն և Newmag հրատարակչությունը համատեղ 1000 նոր գիրք նվիրելու են ավերիչ տեղումներից տուժած գրադարաններին։
Այս միջոցառման նպատակն է աջակցել տեղական համայնքներին և վերականգնել գրադարանի ֆոնդային հավաքածուն:
Այս միջոցառումների շրջանակում Freedom Broker Armenia-ի կրթական ծրագրերի ղեկավարը ֆինանսական գրագիտության վերաբերյալ դասախոսություններ կանցկացնի համայնքների ներկայացուցիչների համար։ Այս քայլն ընդգծում է ֆինանսական գրագիտության բարձրացման կարևորությունը ոչ միայն մայրաքաղաքում, այլև Հայաստանի մարզերում։
«Վստահ ենք, որ ֆինանսական գրագիտության բարձրացումը նպաստում է ընդհանուր զարգացմանն ու բարգավաճմանը։ Մեր կրթական ծրագրերը կօգնեն մարզերի բնակիչներին ավելի լավ հասկանալ ֆինանսների հիմունքները, ինչը դրական ազդեցություն կունենա նրանց բարեկեցության և տեղական համայնքների տնտեսական աճի վրա»,-նշում է Freedom Broker Armenia-ի ներկայացուցիչը:
Հիշեցնենք, որ Գրքի և արվեստի ամառային փառատոնին ընդառաջ newmag-ը կայացրեց աննախադեպ որոշում՝ newmag reader’s prize-2024-ը հանձնել ոչ թե տարվա լավագույն գրախոսականի հեղինակին, այլ գարնանային հեղեղումներից տուժած Ալավերդիի Հովհ. Թումանյանի անվան գրադարանին։
Ի ուրախություն հրատարակչության, փառատոնից մեկ օր առաջ նախաձեռնությանը միացավ նաև Freedom Broker Armenia ընկերությունը: 2008 թվականից գործող ընկերությունը հայաստանյան շուկայում է արդեն մեկ տարի։ Լոռիի գրադարաններին գիրք նվիրաբերելու մասին Freedom Broker Armenia-ն հայտարարեց newmag summer fest-ին։ Ընկերության և հրատարակչության որոշմամբ, 500-ական գիրք կստանան Ալավերդիի Հովհ. Թումանյանի անվան և Վանաձորի քաղաքային գրադարանները։
«Սա անսպասելի իրադարձություն էր նաև մեզ համար։ Մենք ցանկանում էինք Ալավերդիի գրադարանին նվիրել մեր հրատարակած 50 գրքերից։ Սակայն այս նախաձեռնությանը միացավ Freedom Broker Armenia-ն, և այսօր մենք կարող ենք հայտարարել, որ 2 համայնքային գրադարաններին, ընկերության շնորհիվ, newmag-ը կհատկացնի 1000 անուն գիրք։ Մենք կբաշխենք այն Վանաձորի և Ալավերդիի գրադարաններին»,-փառատոնի ժամանակ հայտարարեց newmag հրատարակչության ղեկավար Արտակ Ալեքսանյանը:
Այս միջոցառումը կարևոր քայլ կլինի Հայաստանում կրթական նախաձեռնություններին աջակցելու և ընթերցանության մշակույթի զարգացման համար։ Մենք խրախուսում ենք բոլոր հետաքրքրվածներին մասնակցել միջոցառումներին և աջակցել գրադարանի վերականգնման աշխատանքներին:
Կարդա նաև
![«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը](https://newmag.am/public/front/assets/images/placeholder.jpg)
«Крылатые качели»-ն՝ հայերեն, «Թոմը և Ջերրի»-ն՝ սիմֆոնիկի կատարմամբ. կանցկացվի «Դեպի դպրոց» փառատոնը
![«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով](https://newmag.am/public/front/assets/images/placeholder.jpg)
«Դեպի դպրոց» ամենամյա մանկական փառատոնը վերադառնում է նոր ու հետաքրքիր գրքերով, հագեցած ծրագրով և նոր համագործակցություններով
![3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը](https://newmag.am/public/front/assets/images/placeholder.jpg)
3 բացառիկ գիրք, խաղեր՝ գումարած մուլտֆիլմերի երաժշտություն. մեկնարկում է «Դեպի դպրոց» մանկապատանեկան գրքի փառատոնը
![«Հասարակ գիտություն» հաղորդման հյուրը Դավիթ Սարգսյանն է](https://newmag.am/public/front/assets/images/placeholder.jpg)
«Հասարակ գիտություն» հաղորդման հյուրը Դավիթ Սարգսյանն է
![21-րդ դարի 100 լավագույն գրքերը՝ ըստ The New York Times-ի](https://newmag.am/public/front/assets/images/placeholder.jpg)