«ՀԱՄԱՊԱՐՓԱԿ ԱՆՎՏԱՆԳՈՒԹՅՈՒՆ․ ՀԱՅԱՍՏԱՆԻ ԱՅԼԸՆՏՐԱՆՔԸ ՓՈՓՈԽՎՈՂ ԱՇԽԱՐՀՈՒՄ» ․ ՇՆՈՐՀԱՆԴԵՍ-ՔՆՆԱՐԿՈՒՄ ԿԼԻՆԻ
05/08/2025
Մայիսի 7-ին, ժամը՝ 16:00-ին, Արմենիա Մարիոթ հյուրանոցի «Տիգրան Մեծ» սրահում (Ամիրյան 1) «ԱՐԱՐ» քաղաքակրթական հետազոտությունների հիմնադրամը հրավիրում է Էդուարդ Աբրահամյանի և Գևորգ Մելիքյանի՝ «Համապարփակ անվտանգություն․ Հայաստանի այլընտրանքը փոփոխվող աշխարհում» գրքի շնորհանդես-քննարկմանը:
Հեղինակների հետ քննարկումից հետո նախատեսված է հարց ու պատասխան: Ամբողջ միջոցառումը կընթանա հայերենից անգլերեն համաժամանակյա թարգմանությամբ: Գիրքը հրատարակվել է Newmag & Friends ծրագրի շրջանակում: Շնորհանդեսից հետո կլինի գրքի մակագրում և սուրճի հյուրասիրություն։
Հեղինակները վերլուծում են Հայաստանի անվտանգային մոդելների հիմնական թերությունները և խոցելի կողմերը, արձանագրում, որ եղած անվտանգային ճարտարապետությունը ձախողել է իր հիմնական առաքելությունը՝ պետության ռազմավարական շահերի պաշտպանությունը։
Նրանք ընդգծում են, որ անհրաժեշտ է ստեղծել համապարփակ անվտանգության համակարգ (ՀԱՀ), որը պետք է ունենա ռազմական, ինստիտուցիոնալ, գաղափարական, տնտեսական, տեղեկատվական, քաղաքացիական և միջազգային բաղադրիչներ։
ՀԱՀ կոնցեպտը փոփոխվող աշխարհում Հայաստանի տեղը և դերը վերաիմաստավորելու կոչ է։ Այն առաջարկում է դուրս գալ անցյալի խորհրդային հարացույցից ու կառուցել մի համակարգ, որը փոքր պետությանը թույլ կտա դիմակայել ավանդական և հիբրիդային հիմնախնդիրներին։
Անվտանգային նոր մտածողություն ներշնչող այս գիրքն աղբյուր է որոշում կայացնողների, հետազոտողների և բոլոր նրանց համար, ովքեր ձգտում են անվտանգային նոր միջավայր հիմնել։
Հեղինակների մասին
2024-ին «Արար» քաղաքակրթական հետազոտությունների հիմնադրամը հայտարարեց հետազոտության դրամաշնորհային մրցույթ, որը հնարավորություն տվեց միջազգային հարաբերությունների, պատմական գիտությունների թեկնածու դոկտոր Էդուարդ Աբրահամյանին և միջազգայնագետ, քաղաքագիտական գիտությունների թեկնածու Գևորգ Մելիքյանին ուսումնասիրել Հայաստանում գործող անվտանգային մոդելների հիմնական թերությունները և համակարգային խոցելիությունը, ուրվագծել Հայաստանի անվտանգային ճարտարապետության ռազմավարական նոր ուղին:
Տարածել
Համապարփակ անվտանգություն
Էդուարդ Աբրահամյան
Գևորգ Մելիքյան
4800 ֏
Նկարագրություն
Հեղինակները վերլուծում են Հայաստանի անվտանգային մոդելների հիմնական թերությունները և խոցելի կողմերը, արձանագրում, որ եղած անվտանգային ճարտարապետությունը ձախողել է իր հիմնական առաքելությունը՝ պետության ռազմավարական շահերի պաշտպանությունը։
Նրանք ընդգծում են, որ անհրաժեշտ է ստեղծել համապարփակ անվտանգության համակարգ (ՀԱՀ), որը պետք է ունենա ռազմական, ինստիտուցիոնալ, գաղափարական, տնտեսական, տեղեկատվական, քաղաքացիական և միջազգային բաղադրիչներ։ Ուժի տեսական հայեցակարգի և փոքր պետությունների փորձի քննադատական հետազոտության հիման վրա աշխատությունն առաջարկում է նորարար մոտեցում։ Այն միավորում է ազգային դիմակայունությունը, ռազմավարական կառավարումը և արտաքին քաղաքական հավասարակշռումը՝ երկարաժամկետ ինքնիշխանություն և կայունություն ապահովելու նպատակով։
ՀԱՀ կոնցեպտը փոփոխվող աշխարհում Հայաստանի տեղը և դերը վերաիմաստավորելու կոչ է։ Այն առաջարկում է դուրս գալ անցյալի խորհրդային հարացույցից ու կառուցել մի համակարգ, որը փոքր պետությանը թույլ կտա դիմակայել ավանդական և հիբրիդային հիմնախնդիրներին։
Անվտանգային նոր մտածողություն ներշնչող այս գիրքն աղբյուր է որոշում կայացնողների, հետազոտողների և բոլոր նրանց համար, ովքեր ձգտում են անվտանգային նոր միջավայր հիմնել։
Այս գրքի հրատարակության իրավունքները պատկանում են «Արար» հիմնադրամին։ Գիրքը հրատարակվել է Newmag & Friends ծրագրով։
Կարդա նաև
Newmаg-ը ինտելեկտուալ փակ ակումբ է հիմնում՝ Signature Club
«Նոր գիրք»-37/25. Միքայելյան, Մատյո, Թրամփ, Կիյոսակի
Newmag Signature Club կբացվի սահմանափակ թվով գրքասերների համար
«ՀՐԱՊԱՐԱԿ»․ ԱԿՈՒՄԲՈՒՄ ՏԵՂԵՐԸ ԽԻՍՏ ՍԱՀՄԱՆԱՓԱԿ ԵՆ՝ ՆԱԽԱՏԵՍՎԱԾ ԸՆԴԱՄԵՆԸ ԳԻՐՔ ՍԻՐՈՂ 100 ԱՆՁԻ ՀԱՄԱՐ