«ՀՐԱՊԱՐԱԿ». ԻՆՉ Է ՊԵՏՔ ԲԻԶՆԵՍ ՍԿՍԵԼՈՒ ՀԱՄԱՐ

«Թիմ. ինչպես հասցնել բոլոր գործերը» գիրքն առաջին անգամ լույս է տեսել գրեթե 20 տարի առաջ, իսկ մեր ժամանակներում դարձել է ամենաազդեցիկ բիզնես-գրքերից մեկը: Երկու հեղինակները` Դեյվիդ Ալենն ու Էդվարդ Լամոնտը, գրքում խոսում են կազմակերպված լինելու կարեւորության մասին։ 

Գիրքը սեղմ, բայց արդյունավետ մոտեցում է առաջարկում մասնագիտական ու անձնական բնույթի առաջադրանքների կատարմանը: Այն նոր տեսակի կայքերի, սեմինարների, կազմակերպական գործիքների ստեղծման ոգեշնչման աղբյուր է։ Գիրքը վերջերս վերաշարադրվել է սկզբից մինչեւ վերջ՝ բնագիրը համալրելով «աշխատավայրի» մասին նոր ու կարեւոր պատկերացումներով: Հեղինակներն ավելացրել են այնպիսի բովանդակություն, որի շնորհիվ գիրքը երկար տարիներ դեռ արդիական կմնա եւ կկիրառվի բիզնես-միջավայրում: Այն այժմ տպագրվում է հայերեն։ Հատուկ գրքի հայերեն հրատարակության եւ շնորհանդեսի համար գրքի համահեղինակ Էդվարդ Լամոնտը Հայաստան է ժամանել, եւ մենք հնարավորություն ունեցանք զրուցելու նրա հետ: Գիրքը հրատարակել է Newmag հրատարակչությունը:

«Թիմ. ինչպես հասցնել բոլոր գործերը» գիրքն առաջին անգամ լույս է տեսել գրեթե 20 տարի առաջ, իսկ մեր ժամանակներում դարձել է ամենաազդեցիկ բիզնես-գրքերից մեկը: Երկու հեղինակները` Դեյվիդ Ալենն ու Էդվարդ Լամոնտը, գրքում խոսում են կազմակերպված լինելու կարեւորության մասին։ Գիրքը սեղմ, բայց արդյունավետ մոտեցում է առաջարկում մասնագիտական ու անձնական բնույթի առաջադրանքների կատարմանը: Այն նոր տեսակի կայքերի, սեմինարների, կազմակերպական գործիքների ստեղծման ոգեշնչման աղբյուր է։ Գիրքը վերջերս վերաշարադրվել է սկզբից մինչեւ վերջ՝ բնագիրը համալրելով «աշխատավայրի» մասին նոր ու կարեւոր պատկերացումներով: Հեղինակներն ավելացրել են այնպիսի բովանդակություն, որի շնորհիվ գիրքը երկար տարիներ դեռ արդիական կմնա եւ կկիրառվի բիզնես-միջավայրում: Այն այժմ տպագրվում է հայերեն։ Հատուկ գրքի հայերեն հրատարակության եւ շնորհանդեսի համար գրքի համահեղինակ Էդվարդ Լամոնտը Հայաստան է ժամանել, եւ մենք հնարավորություն ունեցանք զրուցելու նրա հետ: Գիրքը հրատարակել է Newmag հրատարակչությունը:

- Պարոն Լամոնտ, թեպետ գիրքը շատերին է ծանոթ, սակայն խնդրում եմ մեր ընթերցողի համար մի փոքր պատմել, թե ինչի մասին է այն, ինչ ասելիք ունի: 

- Նախ՝ կուզեմ սկսել զրույցը GTD մեթոդաբանության մասին: Այն հիմնադրվել է Դեյվիդ Ալենի կողմից՝ 1980-ականներին, նախատեսված է բոլոր այն գործադիր ղեկավարների համար, ովքեր աշխատում են բավականին լուրջ ոլորտներում, սակայն հաջողելու հետ կապված՝ ունեն լուրջ խնդիրներ: Այսպիսով Դեյվիդ Ալենի գաղափարը հետեւյալն է` եթե ունես որեւէ գաղափար եւ ուզում ես իրականացնել այն, որն է լինելու ճանապարհը, որ քո նպատակները կարող է դարձնել իրագործելի: Նա մշակեց հինգ քայլից բաղկացած մոտեցում, որն առավել առարկայական է դարձնում նպատակին հասնելու ճանապարհը, այն է, թե ինչպես գաղափարը կարելի է դարձնել իրականություն:

- Ինչպե՞ս ծագեց հենց այս բովանդակությամբ գիրք գրելու միտքը:

- Հինգ քայլերից բաղկացած մոտեցումը, որ ստեղծեց Դեյվիդ Ալենը, իսկապես օգտակար եղավ բոլոր նրանց համար, ովքեր ծանոթացան այդ մոդելին: Այն ոչ միայն օգնում էր աշխատանք կատարելուն, այլեւ՝ միասին աշխատելուն: Նա մեթոդաբանությունը ծանոթացնում է հազարավոր մարդկանց, սակայն, որպես այդպիսին, չկար ձեռնարկ: Հնչեցին առաջարկներ՝ ստեղծել գիրք: Գիրք ստեղծելու գաղափարը տվել են հենց այն մարդիկ, ովքեր Դեյվիդ Ալենի մոտ սովորում էին մեթոդաբանություն: Առաջինը գիրքը կոչվում է` «Ինչպես հասցնել բոլոր գործերը առանց սթրեսի», երկրորդը՝ «Թիմ. ինչպես հասցնել բոլոր գործերը»: Դրանք բաժանված են հատորների: Առաջինը վերաբերում է անհատի արդյունավետությանը, իսկ երկրորդը` թիմային արդյունավետությանը:

- Հայաստանում շա՞տ են ընթերցում այդ երկու գրքերը: Այն համաշխարհային բեսթսելլեր է:

- Հայերենի օրինակների մասին դեռեւս չգիտենք: Այդ մասին տեղեկություններ կարող է փոխանցել հրատարակիչը՝ Արտակ Ալեքսանյանը: Երբ գիրքն առաջին անգամ հրատարակվեց, նպատակն այն էր, որ այն վաճառվի 50 հազար օրինակով, քանի որ այդ դեպքում գիրքը համարվում է բեսթսելլեր, սակայն գիրքն այնպիսի հաջողություն արձանագրեց, որ 50 հազար օրինակի փոխարեն վաճառվեց 3,5 միլիոն օրինակով, 60 երկրում` 32 լեզվով:

- Համաշխարհային բեսթսելլերներն ուսումնասիրելով կարող ենք արձանագրել, որ այս բովանդակությամբ գրքերը մարդկանց ավելի շատ են սկսել հետաքրքրել, քան գեղարվեստական ստեղծագործությունները: Ինչո՞վ է պայմանավորված:

- Կախված է անձից: Կան մարդիկ, ովքեր անգամ կարեւորություն չեն տալիս գրքի բովանդակությանը: Գրքի առաջին հատորը հեղափոխական էր հենց ինձ համար, քանի որ գրքի օգնությամբ ես մոտիվացվեցի այդ տարիներին` 20 տարի առաջ: Ես մոտիվացված եմ, էներգիայով լեցուն, սակայն անհաստատակամ էի, թե որտեղ կարող եմ կիրառել իմ ներուժը: Ծանոթանալով գրքին՝ ես կարողացա ստեղծել բիզնես, ստեղծել երկու ընկերություն, այնուհետեւ վաճառել դրանցից մեկը եւ հասնել հաջողության: Այսպիսով` եթե ինձ հարցնեք, թե որն է իմ հաջողության գրավականներից մեկը, ապա ես կնշեմ Դեյվիդ Ալենի «Ինչպես հասցնել բոլոր գործերը՝ առանց սթրեսի» գիրքը:

- Բացի «Թիմ. ինչպես հասցնել բոլոր գործերը» գրքի համահեղինակը լինելուց, ի՞նչ գրքեր ունեք հրատարակված:

- Այս գիրքն եմ դեռեւս միայն գրել: Ինչպես արդեն ասացի` գրքի առաջին հատորի հեղինակը միայն Դեյվիդ Ալենն է, իսկ ես երկրորդ հատորի համահեղինակն եմ: Այն Դեյվիդ Ալենի չորրորդ գիրքն է, նա հասցրել է գրել եւս երկու գիրք: 2004 թվականին ծանոթանալով այս գրքին, ես հիմնեցի ընկերություն եւ այնտեղ դասավանդում էի շուրջ 12 գրքի բովանդակության շուրջ: 2014-ին, ի վերջո, գնացի Դեյվիդի մոտ եւ ասացի, որ կան հատվածներ, որտեղ բացթողումներ եմ նկատում, մասնավորապես թիմին վերաբերող հատվածը բացակայում է: Հենց այդտեղից էլ ստեղծվեց գաղափարը՝ գրելու երկրորդ հատորը` համահեղինակային ձեւաչափով:

- Ի՞նչ կարող է տալ այս գիրքն այն մարդկանց, ովքեր ունեն մոտիվացիա եւ էներգիա: Արդյո՞ք միայն գիրք կարդալը բավական է, օրինակ, բիզնեսում հաջողության հասնելու համար:

- Հիմնական բանը, որ մարդուն պետք է բիզնես սկսելու համար` գաղափարն է ու երազանքը: Հետո անհրաժեշտ են արդեն էներգիա, տարբեր կապեր, ինչպես նաեւ՝ տարբեր գործոններ, սակայն անպայման պետք է հասկանալ՝ ինչպես ես «ա» կետից տեղափոխվում «բ» կետը: Հենց այդտեղ օգնության է գալիս այս գիրքը: Առաջին հատորը սովորեցնում է, թե ինչպես դա անել որպես անհատ, երկրորդ գիրքն օգնում է թիմային աշխատանքին: