Հրատարակվել է Մեսսիի մասին հայերեն գիրքը
«Մեսսի. լեգենդ դարձած տղայի պատմությունը»: Իտալացի մարզական լրագրող Լուկա Կայոլիի հեղինակած երկրորդ բեսթսելլերի հայերեն տարբերակն արդեն պատրաստ է եւ վաճառքում կհայտնվի փետրվարի 1-ին: Այդ մասին գրքի շնորհանդեսին ասաց New Meg հրատարակչության տնօրեն Արտակ Ալեքսանյանը:
Այն նվիրված է ժամանակակից ֆուտբոլի գերաստղ, «Բարսելոնայի» արգենտինացի հարձակվող Լիոնել Մեսսիին: Հայկական տարբերակի նախաբանը գրել է ֆուտբոլային մեկնաբան Էդուարդ Քալանթարյանը:
Նշենք, որ իտալացի լրագրողի առաջին բեսթսելլերը նվիրված է եղել Մադրիդի «Ռեալի» նախկին հարձակվող, պորտուգալացի Քրիշտիանու Ռոնալդունին, որը նույն հրատարակչությունը հրապարակել է անցած տարվա ամռանը:
Ինչպես հայտնեց Արտակ Ալեքսանյանը, այս տարի նախատեսել են թարգմանել եւ հրատարակել բրազիլացի հարձակվող Նեյմարին եւ աշխարհի չեմպիոն, Ֆրանսիայի հավաքականի նախկին կիսապաշտպան Յուրի Ջորկաեֆին նվիրված գրքերը:
Տարածել
Կարդա նաև
Newmag հրատարակչությունը մեկնարկում է «Պուլիցերյան» մատենաշարը
«Մի վախեցիր». հայտնի ֆիլմը գիրք է դարձել 20 տարի հետո
«Մի վախեցիր» նոր գիրքը, Խորեն Լեւոնյանի՝ դեմքն այրելու պատմությունն ու Գնել Նալբանդյանի «սցենարի գերին չմնալը»
«Հրապարակ». Ես հիմա չեմ կարող մտածել Արցախ վերադարձի մասին, եթե առաջնայինը Հայաստան ունենալ-չունենալու հարցն է